Colon Cancer: చాలా మందికి భోజనం చివరిలో కొద్దిగా పెరుగు తినే అలవాటు ఉంటుంది. రోజువారీ ఆహారంలో పెరుగును చేర్చుకోవడం వల్ల ప్రమాదకరమైన క్యాన్సర్‌లను నివారించవచ్చని ఆరోగ్య నిపుణులు అంటున్నారు. పెరుగును క్రమం తప్పకుండా తీసుకోవడం వల్ల మొత్తం జీర్ణవ్యవస్థ ఆరోగ్యాన్ని కాపాడుకోవచ్చు. కొన్ని అధ్యయనాలు కూడా ఇది మధుమేహ ప్రమాదాన్ని తగ్గిస్తుందని వెల్లడించాయి. వారానికి రెండు లేదా అంతకంటే ఎక్కువ కప్పుల పెరుగు తినేవారికి పెద్దపేగు క్యాన్సర్ వచ్చే ప్రమాదం తక్కువగా ఉందని ఇటీవలి అధ్యయనంలో తేలింది. ముఖ్యంగా పెద్ద పేగు కుడి వైపున క్యాన్సర్‌ను నివారిస్తుందని చెబుతారు. 

క్యాన్సర్ వచ్చే ప్రమాదం:

పెద్ద పేగు కుడి వైపు క్యాన్సర్ ఎడమ వైపు క్యాన్సర్ కంటే తీవ్రమైనది, ప్రమాదకరమైనది. పెరుగులోని బ్యాక్టీరియా పేగులోని బ్యాక్టీరియా సమతుల్యతను కాపాడుకోవడానికి సహాయపడుతుంది. దీనివల్ల క్యాన్సర్ ప్రమాదం తగ్గుతుంది. దాదాపు 3 దశాబ్దాలుగా  లక్షా 50 వేల మందికి పైగా వ్యక్తుల నుండి డేటాను పరిశోధకులు విశ్లేషించారు. పెరుగులో బైఫిడోబాక్టీరియం ఉంటుంది. అందువల్ల క్రమం తప్పకుండా పెరుగు తినే వ్యక్తులకు ప్రాక్సిమల్ కొలొరెక్టల్ క్యాన్సర్ వచ్చే ప్రమాదం తక్కువగా ఉందని పరిశోధనలో తేలింది. పెరుగు ఆరోగ్యకరమైన బ్యాక్టీరియా సమతుల్యతను ప్రోత్సహిస్తుంది. ఇది పేగులను బలంగా, ఆరోగ్యంగా ఉంచడంలో సహాయపడుతుంది. పెరుగులోని కాల్షియం ఎముకల బలాన్ని,  సాంద్రతను పెంచడానికి సహాయపడుతుంది. 

ఇది కూడా చదవండి: శ్రీరామ నవమి రోజు ఈ తప్పులు చేయకండి

పెరుగులో ఉండే ప్రోబయోటిక్స్ జీర్ణక్రియను మెరుగుపరుస్తాయి. రోగనిరోధక శక్తిని బలపరుస్తుంది. పెరుగు శరీరాన్ని ఇన్ఫెక్షన్ల నుండి రక్షిస్తుంది. పెరుగులోని ప్రోబయోటిక్స్ మలబద్ధకం, విరేచనాలు వంటి జీర్ణ సమస్యలను నివారిస్తాయని ఆరోగ్య నిపుణులు అంటున్నారు. పెరుగులో కొవ్వు తక్కువగా ఉంటుంది. ఇది మంచి కొలెస్ట్రాల్‌ను పెంచడానికి, చెడు కొలెస్ట్రాల్‌ను తగ్గించడానికి చాలా మంచిది. ఇది గుండె ఆరోగ్యాన్ని మెరుగుపరచడంలో సహాయపడుతుంది. రోజూ పెరుగు తీసుకోవడం వల్ల ఊపిరితిత్తుల క్యాన్సర్ వచ్చే ప్రమాదం కూడా తగ్గుతుంది. రోజుకు 50 గ్రాముల పెరుగు తినేవారికి ఊపిరితిత్తుల క్యాన్సర్ వచ్చే ప్రమాదం 20 శాతం తక్కువగా ఉందని పరిశోధకులు కనుగొన్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: మధుమేహం ఉన్నవారు అల్సర్లను నిర్లక్ష్యం చేస్తే కాలి వేలికి ప్రమాదం

( colon-cancer | health-tips | health tips in telugu | latest health tips | best-health-tips | latest-news)