Hibiscus: ఇది పువ్వు మాత్రమే కాదు.. మందారం ఆరోగ్య ప్రయోజనాలు తెలిస్తే అవాక్కవుతారు!

మందార పువ్వులోని పోషకాలు రక్త ప్రవాహాన్ని మెరుగుపరుస్తాయి. తద్వారా రక్తపోటును తగ్గించడంలో సహాయపడుతుంది.

బరువు తగ్గాలనుకునేవారికి మందార పువ్వు ఒక మంచి ఔషధం. దీని ఆకులతో తయారు చేసిన టీ తాగడం ద్వారా కొవ్వును కరిగించడానికి సహాయపడుతుంది.

మందార పువ్వు చర్మ సౌందర్యాన్ని, ఆరోగ్యాన్ని మెరుగుపరచడంలో సహాయపడుతుంది. ఈ పువ్వులతో తయారు చేసిన పేస్ట్ ని ఫేస్ మాస్క్ గా ఉపయోగించవచ్చు. ఇది ముఖంపై మొటిమలను తగ్గిస్తుంది. అలాగే నిగారింపును అందిస్తుంది.

మందార పువ్వు శరీరంలో చెడు కొలెస్ట్రాల్ ని తగ్గించి.. మంచి కొలెస్ట్రాల్ ని పెంచడంలో సహాయపడుతుంది.

ఇందులో యాంటీ ఆక్సిడెంట్లు శరీరంలో ఫ్రీ రాడికల్స్ ని తగ్గించి ఒత్తిడి, క్యాన్సర్, గుండె జబ్బులు వంటి ప్రమాదాలను తగ్గిస్తాయి.

మందార పువ్వు జుట్టు పెరుగుదలకు అద్భుతంగా ఉపయోగపడుతుంది. ఈ పువ్వుతో తయారు చేసిన నూనెను అప్లై చేయడం ద్వారా కుదుళ్ళను బలోపేతం చేస్తుంది. అలాగే జుట్టు రాలడాన్ని తగ్గిస్తుంది.

మందార పువ్వు కాషాయం మలబద్దకం, ఇతర జీర్ణక్రియ సమస్యలను తగ్గించడంలో సహాయపడుతుంది. అలాగే జీర్ణక్రియను మెరుగుపరుస్తుంది.

ఎలా తీసుకోవాలి

మందార పువ్వు ఆకులతో చేసిన టీ లేదా సలాడ్ రూపంలో దీనిని తీసుకోవచ్చు. అయితే మధుమేహం ఉన్నవారు వీటిని తీసుకునే ముందు వైద్యుడిని సంప్రదించాలి.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.