Kushi: అర్థరాత్రి సమంతకు విజయ్‌ దేవరకొండ వీడియోకాల్‌.. ఎందుకంటే? వైరల్ వీడియో

Kushi Vijay Deverakonda midnight call: అర్థరాత్రి సమంతకు విజయ్‌ దేవరకొండ(Vijay Devarkonda) వీడియోకాల్‌ చేశాడు. కాల్‌ లిఫ్ట్‌ చేయగానే ఏమైంది..? ఓకేనా అని అడిగింది సమంత. నిన్ను మిస్సవుతున్నానని విజయ్‌ దేవరకొండ చెప్పాడు. నీ కోసం నాక్‌ నాక్‌ నాక్‌ జోక్‌ చెప్తానంటూ విజయ్‌ కామెడీ చేశాడు. అర్థరాత్రి 1:30 సమయంలో జోకులా అని సమంత(Samantha) రిప్లై ఇచ్చింది. 'నా రోజా నువ్వే..నా దిల్‌ సే నువ్వే.. నా అంజలి నువ్వే..గీతాంజలి నువ్వే' అంటూ విజయ్‌ పాట పాడాడు.. వీడియో కాల్‌లో విజయ్‌ పాట విని సమంత మురిసిపోయింది. ఇదంతా ఏంటని ఆలోచిస్తున్నారా?

అసలేంటి వీడియో?
ఈ వీడియో సోషల్‌ మీడియా(Social media)లో వైరలవడంతో రకరకాలుగా స్పందిస్తున్నారు నెటిజన్లు. ఇది వీడియో కాల్ కాదని..అది రికార్డెడ్ వీడియో అని.. సమంత గ్లాసెస్‍ చూస్తే అది అర్థమవుతోందని కామెంట్‌ చేస్తున్నారు. మరికొందరు విజయ్ దేవరకొండ పాట బాగా పాడాడని అభిప్రాయపడ్డారు. ఇది సెప్టెంబర్‌ 1న విడుదలయ్యే ఖుషీ ప్రమోషన్లలో భాగమంటున్నారు. ప్రమోషన్స్‌లో విజయ్ కింగ్ అని మరికొందరు కామెంట్స్ చేశారు. ఇక ఇటివలి ఖుషీ చిత్రంలో కథానాయికగా నటించిన సమంత రూత్ ప్రభు అమెరికా వెళ్లింది . ఆమె లాస్ ఏంజిల్స్‌లో విహారయాత్ర చేస్తోంది. ఆమె ఇన్‌స్టాగ్రామ్ పేజీలో తన ట్రావెల్ డైరీలను అభిమానులకు షేర్ చేస్తోంది. అటు ఖుషీ సినిమా ప్రమోషన్స్‌లో ఆమెను చేర్చుకోవడానికి విజయ్ దేవరకొండ ఈ తెలివైన పని చేశాడు. సమంతకి వీడియో కాల్ చేసి ఆమె సిగ్గుపడేలా చేశాడు. నాక్-నాక్ జోక్ చెప్పి నవ్వించాడు. ఇదంతా సోషల్‌మీడియాలో ప్రస్తుతం వైరల్‌గా మారింది.

కొత్త ప్రచార వ్యూహం:

ఇది మొదటిసారి కాదు.. సమంత , విజయ్ దేవరకొండ ప్రేక్షకులను ఆకర్షించడానికి ప్రచార కార్యక్రమాలలో తమ స్క్రీన్ కెమిస్ట్రీని పండిండచం ఇది కొత్త కాదు. ఖుషీ ఆడియో ఫంక్షన్‌లో వీరిద్దరూ సినిమాలోని ఓ మెలోడీ డ్యాన్స్‌ చేసి అలరించారు. ఖుషి సినిమాకు శివ నిర్వాణ దర్శకత్వం వహించగా.. హేషమ్ అబ్దుల్ వాహబ్ సంగీతం అందించారు. ఈ చిత్రం సెప్టెంబర్ 1న తెలుగుతో పాటు తమిళం, కన్నడ, మలయాళం, హిందీ భాషల్లో రిలీజ్ కానుంది. మైత్రీ మూవీ మేకర్స్ పతాకంపై నవీన్ ఎర్నేనీ, రవిశంకర్ ఈ చిత్రాన్ని నిర్మిస్తున్నారు. విజయ్ దేవరకొండ, సమంతలతో పాటు, ఈ చిత్రంలో సచిన్ ఖేడేకర్, శరణ్య పొన్వన్నన్, మురళీ శర్మ, లక్ష్మి, రోహిణి, వెన్నెల కిషోర్, జయరామ్, రాహుల్ రామకృష్ణ కూడా నటించారు.

ALSO READ: ఇది కదా నిజమమైన భారతీయత అంటే