నికోలస్ మదురో నిర్బంధంపై పందెం.. రూ.3 కోట్లు గెలుచున్న సైనికుడు

ఇటీవల వెనెజువెలా అధ్యక్షుడు నికోలస్‌ మదురోను అమెరికా నిర్బంధించిన సంగతి తెలిసిందే. ఈ నిర్బంధం గురించి ముందుగానే తెలుసుకున్న అమెరికా సైనికుడు పందెం వేసి 4 లక్షల డాలర్లు (రూ.3 కోట్లు) గెలుచుకున్నాడు.  అతడు చేసిన నిర్వాహం వెలుగులోకి రావడంతో తాజాగా అమెరికా పోలీసులు అతడిని అరెస్టు చేశారు. ఇక వివరాల్లోకి వెళ్తే.. ఈ ఏడాది జనవరిలో వెనెజువెలాపై దాడులు చేసిన అమెరికా.. ఆ దేశ అధ్యక్షుడు నికోలస్‌ను బంధించి తీసుకెళ్లిన సంగతి తెలిసిందే. 

Also Read: అమెరికా వెళ్లాలనుకునేవారికి బిగ్ షాక్.. H1 బీ వీసా మూడేళ్లు రద్దు !

నికోలస్‌ను నిర్బంధించే ఆపరేషన్‌లో గ్యానన్ కెన్ వాన్ డైక్‌ అనే సైనికుడు కూడా పాల్గొన్నాడు. ఈ క్రమంలోనే ఆయన నిర్బంధానికి సంబంధించిన రహస్య సమాచారాన్ని ముందుగానే తెలుసుకొని.. ప్రిడిక్షన్ మార్కెట్‌లో బెట్టింగ్‌ పెట్టాడు. పాలీమార్కెట్‌ అనే సైట్‌లో మదురో నిర్బంధంపై ఆ అమెరికా సైనికుడు పందెం వేశాడు. చివరికి ఇందులో అతడు 4 లక్షల డాలర్లు ( రూ.3కోట్లకు పైగా) ప్రైజ్‌మనీని గెలుచుకున్నాడు. అనంతరం ఈ నిధులను క్రిప్టో కరెన్సీ ద్వారా మళ్లించాడు. చివరికి ఈ విషయం అధికారులకు తెలియడంతో అతడిని అరెస్టు చేశారు. అతడిపై పలు అభియోగాలు మోపి విచారణ చేస్తున్నారు. 

Also Read: ఒక చిన్న దేశం నుండి సైనిక శిక్షణ పొందుతున్న అమెరికాసైనికులు...ఒకపుడు ఆత్మగౌరవాన్ని దెబ్బతీసినా...