SpaceX IPO: రికార్డు స్థాయిలో స్పేస్‌ఎక్స్ ఐపీఓ.. ఇన్వెస్టర్ల నుంచి భారీగా ఆర్డర్లు!

ఎలాన్ మస్క్ సారథ్యంలోని స్పేస్‌ఎక్స్ సంస్థ ఇప్పుడు ప్రపంచవ్యాప్త ఇన్వెస్టర్ల దృష్టిని ఆకర్షిస్తోంది. అంతరిక్ష పరిశోధనలు, రాకెట్ ప్రయోగాలు, ఆర్టిఫిషియల్ ఇంటెలిజెన్స్ రంగంలో అగ్రగామిగా ఉన్న ఈ సంస్థ తాజాగా తన ఐపీఓ ప్రక్రియను చేపట్టింది. ఈ ఐపీఓ ఇప్పటికే రికార్డులను తిరగరాస్తోంది. స్పేస్‌ఎక్స్ ఐపీఓకు రిటైల్ ఇన్వెస్టర్ల నుండి ఊహించని స్థాయిలో స్పందన లభిస్తోంది. కేవలం రిటైల్ ఇన్వెస్టర్ల నుంచే 70 బిలియన్ డాలర్లకు పైగా ఆర్డర్లు వచ్చాయి. మొత్తం 75 బిలియన్ డాలర్ల విలువైన ఈ ఐపీఓ, 2019లో సౌదీ అరామ్కో నెలకొల్పిన 29.4 బిలియన్ డాలర్ల రికార్డును దాటేసి ప్రపంచంలోనే అతిపెద్ద ఐపీఓగా నిలవబోతోంది.

🚨 WARNING: TOMORROW WILL BE THE WORST DAY OF 2026!!

In 24 hours, SpaceX goes public at a $1.75 TRILLION valuation - the biggest IPO in history.

I've been trading for 10+ years, and I've never seen the financial system bend its own rules for ONE private company.

Nasdaq. MSCI.… https://t.co/OMrWxeBDacpic.twitter.com/cl9qW0pssl

— 0xNobler (@CryptoNobler) June 11, 2026

ఈ భారీ ఐపీఓలో సుమారు 20% షేర్లను రిటైల్ ఇన్వెస్టర్లకు కేటాయించాలని సంస్థ భావిస్తోంది. అయితే వస్తున్న భారీ డిమాండ్‌ను చూస్తుంటే కోరుకున్న వారందరికీ షేర్లు దక్కడం కష్టమేనని విశ్లేషకులు చెబుతున్నారు. టెస్లా సంస్థలో ఎలాన్ మస్క్ అభిమానులు ఎలాగైతే భారీగా వాటాలను కొనుగోలు చేసి ఆ షేరును పరుగులు పెట్టించారో.. స్పేస్‌ఎక్స్ విషయంలోనూ అదే జరిగే అవకాశం ఉంది. ఇక సంస్థాగత పెట్టుబడిదారుల విషయానికి వస్తే.. సుమారు 1,000 సంస్థలు స్పేస్‌ఎక్స్‌లో పెట్టుబడి పెట్టేందుకు ఆసక్తి చూపుతున్నాయి.

ఇది కూడా చూడండి:Ireland: : ఐర్లాండ్‌లో అల్లర్లు.. వలసదారులను లక్ష్యంగా చేసుకున్న హింస

ఒక్కో షేరు ధరను సుమారు 135 డాలర్లుగా నిర్ణయించారు. దీని ప్రకారం మొత్తం కంపెనీ విలువ దాదాపు 1.8 ట్రిలియన్ డాలర్లుగా అంచనా వేస్తున్నారు. ఈ నిబంధనలలో మార్పు ఉండే అవకాశం లేదు. షేర్లను అంతర్జాతీయ ఇన్వెస్టర్లకు కూడా కేటాయిస్తున్నారు. ముఖ్యంగా జపాన్ ఇన్వెస్టర్ల కోసం కేటాయింపును 2 బిలియన్ డాలర్ల నుండి 2.5 బిలియన్ డాలర్లకు పెంచారు. స్పేస్‌ఎక్స్ కేవలం ఒక రాకెట్ కంపెనీ మాత్రమే కాదు. ఆర్టిఫిషియల్ ఇంటెలిజెన్స్ రంగంలో కూడా ఇది అత్యంత వేగంగా దూసుకుపోతోంది. స్పేస్‌ఎక్స్‌తో పాటు, ఓపెన్‌ఏఐ (OpenAI), ఆంత్రోపిక్ (Anthropic) వంటి ఏఐ కంపెనీలు కూడా ఐపీఓలకు సిద్ధమవుతున్నాయి. ఈ మూడు సంస్థలు కలిసి అమెరికా మార్కెట్ విలువకు సుమారు 3.6 ట్రిలియన్ డాలర్లను చేయగలవని అంచనా.