Russian Plane: విమానం ల్యాండ్‌ అవుతుండగా ఇంజిన్‌లో మంటలు.. చివరికీ

విమానం ల్యాండ్ అవుతున్న సమయంలో ఇంజిన్‌లో మంటలు చెలరేగడం కలకలం రేపింది. రష్యా నుంచి తుర్కియేకు బయలుదేరిన విమానంలో ఆదివారం రాత్రి ఈ ఘటన చోటుచేసుకుంది. మరింత సమాచారం కోసం ఈ ఆర్టికల్ చదవండి.

author-image
By B Aravind in ఇంటర్నేషనల్ Latest News In Telugu
New Update
flight fir

విమానం ల్యాండ్ అవుతున్న సమయంలో ఇంజిన్‌లో మంటలు చెలరేగడం కలకలం రేపింది. రష్యా నుంచి తుర్కియేకు బయలుదేరిన విమానంలో ఆదివారం రాత్రి ఈ ఘటన చోటుచేసుకుంది. ఇక వివరాల్లోకి వెళ్తే.. అజిముత్‌ ఎయిర్‌లైన్స్‌ చెందిన సుఖోయ్‌ సూపర్‌ జెట్‌ విమానం ఆదివారం రాత్రి రష్యాలోని సోచి నుంచి తుర్కియేకు బయలుదేరింది. ఈ విమానంలో 95 మంది ప్రయాణికులు ఉన్నారు. 

అంతల్యా ఎయిర్‌పోర్టులో ల్యాండ్‌ అయ్యే సమయానికి ఇంజిన్‌లో ఒక్కసారిగా మంటలు చెలరేగాయి. దీంతో పైలట్‌ వెంటనే విమానాన్ని రన్‌వేపై ర్యాష్‌ ల్యాండింగ్ చేశాడు. సమయానికి ఎయిర్‌పోర్టు సిబ్బంది కూడా స్పందించారు. పైలట్‌ సమాచారంతో అగ్నిమాపక సిబ్బంది రంగంలోకి దిగారు. సహాయక చర్యలు చేపట్టారు. అలాగే ప్రయాణికులు అత్యవసర ద్వారం నుంచి కిందకి దిగారు. ఎలాంటి ప్రాణనష్టం జరగలేదు. ప్రయాణికులందరూ సురక్షితంగా బయటపడటంతో అందరూ ఊపిరి పీల్చుకున్నారు. ప్రస్తుతం దీనికి సంబంధించిన దృశ్యాలు సోషల్ మీడియాలో వైరల్ అవుతున్నాయి. 

Also Read: Union Cabinet: పాన్ కార్డ్ 2.0కి కేంద్ర కేబినెట్ ఆమోదం..

Russian Plane Engine Catches Fire

Also Read  : ల్యాండ్‌మైన్స్‌ ఉత్పత్తిపై నిషేధం.. ఐరాస చీఫ్‌ కీలక ప్రకటన!

Also Read: అదానీకి మరో షాక్..పెట్టుబడులు పెట్టేందుకు నిరాకరించిన టోటల్ ఎనర్జీస్

ప్రస్తుతం ఈ ఘటనపై విచారణ జరుపుతున్నట్లు రష్యా ఫెడరల్ ఏవియేషన్ అథారిటీ రోసావియాట్సియా చెప్పారు. అగ్ని ప్రమాదానికి గురైన ఆ సుఖోయ్‌ సూపర్‌జెట్ విమానం గత ఏడేళ్లుగా వినియోగంలో ఉన్నట్లు తెలుస్తోంది. ఇదిలాఉండగా.. ఈ మధ్యకాలంలో వరుసగా విమాన ప్రమాదాలు చోటుచేసుకుంటున్నాయి. సాంకేతిక లోపాల కారణాల వల్ల విమాలు ఎమర్జెన్సీ ల్యాండింగ్‌ అవ్వడం, టేకాఫ్ అవ్వకపోవడం లాంటి ఘటనలు జరుగుతున్నాయి.   

Also Read: Iran: ఇజ్రాయెల్ ప్రధానికి మరణశిక్ష విధించాలి–ఇరాన్ సుప్రీం లీడర్.

#fire #turkey #air-plane #flight #russia
Advertisment
సంబంధిత కథనాలు
Advertisment
Advertisment
తదుపరి కథనాన్ని చదవండి

Pawan Kalyan: 3 రోజులపాటు ఆస్పత్రిలోనే పవన్‌ చిన్న కుమారుడు!

ఏపీ డిప్యూటీ సీఎం పవన్ కళ్యాణ్ చిన్న కుమారుడు మార్క్ శంకర్ ‌కు ప్రాణాపాయం తప్పింది. ఎమర్జెన్సీ వార్డు నుంచి జనరల్ వార్డుకు మార్క్‌ ను షిఫ్ట్‌ చేసినట్లు సమాచారం. బ్రాంకో స్కోప్ ట్రీట్ మెంట్ ఇస్తున్నారు.

author-image
By Bhavana in ఇంటర్నేషనల్ ఆంధ్రప్రదేశ్
New Update
Pawan Kalyan younger son

Pawan Kalyan younger son Photograph: (Pawan Kalyan younger son)

ఆంధ్రప్రదేశ్ ఉప ముఖ్యమంత్రి పవన్ కల్యాణ్  చిన్న కుమారుడు మార్క్ శంకర్ తాజా హెల్త్ అప్‌డేట్ వచ్చింది. మార్క్ శంకర్‌ను బుధవారం ఉదయం అత్యవసర వార్డు నుంచి జనరల్ వార్డుకు తరలించారు. కానీ మరో మూడు రోజులపాటు వైద్యుల పర్యవేక్షణలో ఉంచి, పరీక్షలు చేయాల్సి ఉంటుందని ఆసుపత్రి వైద్యులు తెలిపినట్లు సమాచారం.

Also Read: Hyderabad: మీరు ఐస్ క్రీమ్‌ ఎక్కువగా తింటారా..అయితే 3 లక్షలు మీ సొంతం!

సింగపూర్ లోని స్కూల్ బిల్డింగ్ లో మంగళవారం ఉదయం అగ్నిప్రమాదం సంభవించింది. ఈ ప్రమాదంలో ఒకరు చనిపోగా, మరో 19 మందికి తీవ్ర గాయాలు అయినట్లు అక్కడి అధికారులు వెల్లడించారు. మంగళవారం రాత్రి హైదరాబాద్ నుంచి సింగపూర్ వెళ్ళిన పవన్ కల్యాణ్ నేరుగా ఆసుపత్రికి చేరుకున్నారు. మార్క్ శంకర్ ను చూసి పవన్ తల్లడిల్లిపోయారు. మార్క్ శంకర్ ప్రస్తుతం కోలుకొంటున్నాడు. 

Also Read: America: అమెరికా ఆహారం బంద్‌..11 దేశాలకు కష్టం!

Pawan Kalyan Visits His Son In Singapore

అయితే అగ్నిప్రమాదంలో వచ్చిన పొగ ఊపిరితిత్తుల దగ్గర పట్టేయడం వల్ల భవిష్యత్తులో తలెత్తే ఆరోగ్యపరమైన ఇబ్బందుల గురించి ముందుగానే పరీక్షలు నిర్వహిస్తున్నారు. అగ్నిప్రమాదంలో మార్క్ కు చేతులు, కాళ్ళకు కాలిన గాయాలు కావడంతోపాటు ఊపిరితిత్తులలో పొగ చేరడంతో ఎమర్జెన్సీ వార్డులో ఉంచి చికిత్స అందించారు. నేటి ఉదయం పరీక్షించిన డాక్టర్లు ఎమర్జెన్సీ వార్డు నుంచి జనరల్ వార్డుకు మార్క్ ను షిఫ్ట్ చేశారు. 

పవన్ చిన్న కుమారుడు మార్క్ శంకర్‌కు సింగపూర్‌లోని హాస్పిటల్ చికిత్స కొనసాగిస్తున్నారు. బ్రాంకో స్కోప్ ట్రీట్ మెంట్ ఇస్తున్నారు. ఊపిరితిత్తులు, శ్వాసనాళాల లోపలి భాగాల్లో ఏమైనా సమస్య ఉంటే బ్రాంకోస్కోప్ ద్వారా గుర్తిస్తారు. ఈ బ్రాంకో స్కోప్ పరికరం అనేది చిన్నగా సన్నని ట్యూబ్ రూపంలో ఉంటుంది, దీని చివరన కెమెరా లేదా లెన్స్, లైట్ ఉంటుంది.

దీనిని నోటి లేదా ముక్కు ద్వారా శ్వాసనాళాల్లోకి పంపి ఊపిరితిత్తులు పరిస్థితిని చెక్ చేస్తారు. పొగ వల్ల ఉపిరితిత్తులకు సమస్యలు తలెత్తుతాయా అనేది ప్రాథమికంగా దీని ద్వారా పరిశీలించనున్నారు. మార్క్ శంకర్ కు బ్రాంకో స్కోపీ చికిత్స చేస్తున్నారని తెలిపారు.  

Also Read: America: వెంటనే వెళ్లిపోండి.. లేదంటే రోజుకు రూ.86 వేలు కట్టండి..!

Also Read: USA-China: మేం కూడా మా ఆయుధాలతో సిద్ధంగా ఉన్నాం..104 శాతం టారీఫ్ లపై చైనా మండిపాటు

Pawan Kalyan | pawan kalyan son mark | pawan kalyan son mark shankar | pawan son mark shankar school fire incident | pawan son mark shankar school incident | health-update | latest-news | telugu-news | latest-telugu-news | latest telugu news updates 

#latest telugu news updates #latest-telugu-news #telugu-news #latest-news #health-update #pawan son mark shankar school incident #pawan son mark shankar school fire incident #pawan kalyan son mark shankar #pawan kalyan son mark #Pawan Kalyan
Advertisment
Advertisment
Advertisment