Modi-Trump: మోదీకి ఊహించని గిఫ్ట్ ఇచ్చిన ట్రంప్ - PHOTOS

అమెరికా అధ్యక్షుడు డొనాల్డ్ ట్రంప్ తో భారత ప్రధాని నరేంద్ర మోదీ భేటీ అయ్యారు.

భారత విదేశాంగ మంత్రి జై శంకర్‌, జాతీయ భద్రతా సలహాదారు అజిత్‌ డోభాల్‌ తో కలసి వైట్‌హౌస్‌ కు చేరుకున్న మోదీ.. ఆ తర్వాత ట్రంప్‌తో భేటీ అయ్యారు.

ట్రంప్ తో దాదాపుగా నాలుగు గంటల పాటు ప్రధాని మోదీ చర్చించారు. భారత్‌ అధిక టారిఫ్‌లు విధిస్తోందంటూ ట్రంప్‌ ఆరోపణలు చేశారు. ట్రంప్‌ ఆరోపణలు చేస్తుండగా మోదీ సైలెంట్ అయిపోయారు.

అనంతరం భారత్ కు అత్యంత అధునాతన F-35 ఫైటర్ జెట్లను అందించేందుకు తాము సిద్ధంగా ఉన్నట్లుగా ట్రంప్ వెల్లడించారు. ఇకపై ఇండియాకు మిలిటరీ ఉత్పత్తుల విక్రయాలు పెంచుతామని తెలిపారు.

మోడీ మాట్లాడుతూ ఇరు దేశాల మధ్య పరస్పర ప్రయోజనకరమైన వాణిజ్య ఒప్పందం త్వరలోనే జరుగుతుందని విశ్వసిస్తున్నాం అన్నారు. 2030 నాటికి 500 బిలియన్‌ డాలర్ల ద్వైపాక్షిక వాణిజ్యమే తమ లక్ష్యం అని తెలిపారు.

మీటింగ్ అనంతరం మోదీకి ఒక ప్రత్యేక బహుమతిని కూడా అందజేశారు. తాను స్వయంగా రాసిన ‘అవర్‌ జర్నీ టుగెదర్‌’ అనే పుస్తకాన్ని ట్రంప్ కానుకగా ఇచ్చారు.

అలాగే మోదీకి ఆతిధ్యమివ్వడం గురించి ట్రంప్ గొప్పగా చెప్పారు. భారత ప్రధానిని తమ గెస్ట్ గా పిలవడం చాలా గౌరవంగా భావిస్తున్నానని ఆయన చెప్పారు.

ఇక అక్కడే ట్రంప్ తో పాటూ ఎలాన్ మస్క్, ఉపాధ్యక్షుడు తదితరులతో ప్రధాని సమావేశమయ్యారు.