Bhadrachalam : రాములోరి కల్యాణం మీద ఆంక్షలు.. ప్రత్యక్ష ప్రసారం వద్దు

Sri Rama Kalyanam : దక్షిణ భారతదేశం(South India) లో ప్రముఖ రామాలయం భద్రాచలం(Ramalayam Bhadrachalam). తెలంగాణ(Telangana) లో ఉన్న భద్రాచలం రాములవారికి చాలా ప్రత్యేకతలు ఉన్నాయి. వనవాసం సమయంలో రాములవారు సీతా, లక్ష్మణ సమేతంగా ఇక్కడ రెండున్నరేళ్ళు ఉన్నారని చెబుతారు. అధారాలు కూడా చూపిస్తారు. అది కాక భద్రాచలం గుడి వెనుక కూడా పెద్ద చరిత్రే ఉంది. రామదాసు కథ, గుడి కట్టడానికి ఆయన పడిన కష్టాలు అన్నీ ఇప్పటికీ కథలుగా చెప్పుకుంటారు. పాటలుగా పాడుకుంటారు. అందుకే ఈ గుడి చాలా ఫేమస్ అయింది. దాంతో పాటూ భద్రాచలంలో జరిగే రాములోరి కల్యాణం కూడా అంతే ప్రసిద్ధిగాంచింది. ఇది చూడ్డానికి లక్షల్లో జనాలు భద్రాచలానికి వస్తారు. దాంతో పాటూ ప్రతక్ష ప్రసారం(Live Telecast) ద్వారా కూడా చాలా మంది వీక్షించి తరిస్తారు.

ఈసీ ఆంక్షలు..

అయితే ఇప్పుడు రాములోరి కల్యాణానికి అడ్డుకట్టపడింది. కల్యాణం యధావిధిగా జరుగుతుంది. కానీ దాని ప్రత్యక్ష ప్రసారం మీద చూడలేము. దేశంలో ఎన్నికల కోడ్(Election Code) అమల్లో ఉండడం వల్ల భద్రాచలం రాములవారి కల్యాణాన్ని ప్రత్యక్ష ప్రసారం చేయొద్దని ఈసీ ఆంక్షలు విధించింది. అయితే దీనికి సంబంధించి రాష్ట్ర ఎన్నికల కమిషనర్‌కు మంత్రి కొండా సురేఖ(Konda Surekha) లేఖ రాశారు. రాములోరి కల్యాణానికి ప్రత్యక్ష ప్రసారానికి అనుమతివ్వాలని విజ్ఞప్తి చేశారు. లక్షలాది మంది భక్తులు ఆ అద్భుతఘట్టం కోసం ఎదురుచూస్తారని...ఏడాదికి ఒకసారి వచ్చే ఇలాంటి దాన్ని ఆపడం సరైనది కాదని ఆమె కోరారు. మరోవైపు ఎన్నికల కోడ్ అమలులో ఉండటంతో కళ్యాణ క్రతువుకు సీఎం రేవంత్ రెడ్డి కూడా దూరం ఉండనున్నారు. దీంతో ప్రభుత్వం తరపున ముత్యాల తలంబ్రాలు, సీఎస్ శాంతికుమారి, దేవాదాయ శాఖ అధికారులు పట్టువస్త్రాలు సమర్పించనున్నారు. రేపు మిథిల స్టేడియంలో అభిజిత్ లగ్నంలో శ్రీ సీతారాముల కళ్యాణ మహోత్సవం జరగనుంది. 18న మహా పట్టాభిషేకానికి గవర్నర్ సీపీ రాధాకృష్ణ హాజరయ్యే అవకాశం ఉంది.

Also Read:Sun : తెలంగాణలో భానుడి భగభగలు..ఈ జిల్లాల వాళ్లు జాగ్రత్త