Uttarakahnd:ఉత్తరాఖండ్ సొరంగంలో మళ్ళీ ఆగిన డ్రిల్లింగ్ పనులు

ఇంకొంచెం దూరమే...అంతా అయిపోతుంది కార్మికులు బయటకు వచ్చేస్తారు అనుకున్నారు. కానీ అనుకోని అవాంతరం వచ్చి ఉత్తరాఖండ్ సిల్ క్యారా టన్నెల్ డ్రిల్లింగ్ పనులు మళ్ళీ ఆగిపోయాయి. 25 టన్నుల బరువైన డ్రిల్లింగ్ మెషీన్ను అమర్చిన వేదికకు పగుళ్ళు రావడంతో పనులను ఆపేశారు.

author-image
By Manogna alamuru in నేషనల్
New Update
Uttarakahnd:ఉత్తరాఖండ్ సొరంగంలో మళ్ళీ ఆగిన డ్రిల్లింగ్ పనులు

ఈరోజు ఉదయానికి అన్నీ అనుకున్నట్టే సవ్యంగా అయిపోవాలి. మరికొన్ని గంటలు లేదా రేపు ఉదయానికి కార్మికులు వచ్చేస్తారు అని జాతీయ విపత్తు నిర్వహణ ప్రాధికార సంస్థ సభ్యుడు లెఫ్టినెంట్ జనరల్ సయ్యద్ నిన్న సాయంకాలం అనౌన్స్ కూడా చేశారు. కానీ అది జరగలేదు. దేనితో అయితే సొరంగాన్ని తవ్వుతున్నారో దానికే ప్రాబ్లెమ్ రావడంతో డ్రిల్లింగ్ పనులను ఎక్కడిక్కడే ఆపేశారు. 25 టన్నుల బరువైన భారీ డ్రిల్లింగ్‌ మెషీన్‌ అమర్చిన వేదికకు పగుళ్లు రావడంతో డ్రిల్లింగ్‌ను ఆపేశారు. వేదిక సరిగా లేకుంటే డ్రిల్లింగ్‌ మెషీన్‌ అటుఇటూ కదులుతూ కచ్చితమైన దిశలో డ్రిల్లింగ్‌ అవదు. ఎలా పెడితే అలా డ్రిల్లింగ్ చేస్తే అసలుకే మోసమొస్తుంది. అందుకే ముందుజాగ్రత్తగా డ్రిల్లింగ్‌ను ఆపేశారు.

Also read:హైకోర్టులో నేడు బర్రెలక్క పిటిషన్ మీద విచారణ

ఇప్పుడు మేము చేస్తున్నది యుద్ధం లాంటిది అంటున్నారు లెఫ్టినెంట్‌ జనరల్‌ సయ్యద్‌ అతా హస్నయిన్‌. ఈ టైమ్ కల్లా కార్మికులను బయటకు కచ్చితంగా తీసుకువచ్చేస్తామని చెప్పడం సాధ్యం కాదు అంటున్నారు. ఎన్డీఆర్ఎఫ్ టీమ్ మొత్తం అంతా సొరంగం దగ్గరే ఉన్నారని...లోపలున్న కార్మికులను ఎలా బయటకు తీసుకురావాలో రిహార్సల్స్ చేస్తున్నారని చెబుతున్నారు. డ్రిల్లింగ్ ఆగిపోయిన ప్రత్యామ్నాయ ఏర్పాట్లను చేశామని అంటున్నారు. దీని కోసం మరికొన్ని మెషీన్స్ ను తెప్పించామని సయ్యద్ తెలిపారు. బార్కోట్‌ వైపు నుంచి డ్రిల్లింగ్‌ పనులను 9.10 మీటర్ల మేర పూర్తి చేసినట్లు అధికారులు తెలిపారు.

#drilling #uttarakhand #tunnel #workers
Advertisment
సంబంధిత కథనాలు
Advertisment
Advertisment
తదుపరి కథనాన్ని చదవండి

bomb blast case : 71మంది చనిపోయిన బాంబు బ్లాస్ట్ కేసులో నలుగురికి జీవిత ఖైదు

2008లో జైపూర్‌లో వరుస పేలుళ్లుకు పాల్పడిన నిందితులను స్పెషల్ కోర్టు దోషులుగా ప్రకటించింది. నలుగురికి జీవిత ఖైదు శిక్ష విధింస్తూ తీర్పు ఇచ్చింది. జైపూర్‌లో 2008 మే 13న ఎనిమిది వరుస పేలుళ్లలో 71 మంది మరణించగా, 185 మంది గాయపడ్డారు.

author-image
By K Mohan in క్రైం నేషనల్
New Update
jaipur bamb balst case

jaipur bamb balst case Photograph: (jaipur bamb balst case)

2008 జైపూర్ వరుస బాంబు పేలుళ్ల కేసులో జైపూర్ స్పెషల్ కోర్టు మంగళవారం ఫైనల్ తీర్పు వెల్లడించింది. నలుగురు దోషులకు జీవిత ఖైదు శిక్ష విధించింది. నలుగురు దోషులు, సర్వర్ అజ్మీ, షాబాజ్, సైఫర్ రెహమాన్ మరియు మహ్మద్ సైఫ్‌లను ఏప్రిల్ 4న కోర్టు ఐపిసిలోని వివిధ సెక్షన్లు, చట్టవిరుద్ధ కార్యకలాపాల చట్టం, పేలుడు పదార్థాల చట్టం కింద దోషులుగా నిర్ధారించింది. 2008 మే 13న చాంద్‌పోల్‌లో పేలుడు పదార్థాలను అమర్చిన కేసు ఇది. ఈ కేసులో కోర్టు 600 పేజీల తీర్పును వెలువరించింది. ప్రభుత్వం 112 ఆధారాలు, 1192 పత్రాలు, 102 వ్యాసాలు మరియు 125 పేజీల లిఖిత వాదనలను సమర్పించింది.

Also read: BIG BREAKING: ‘సింగపూర్‌లో పవన్ కళ్యాణ్ కొడుక్కి ప్రధాని మోదీ సాయం’

జైపూర్‌లో 2008 మే 13న ఎనిమిది వరుస పేలుళ్లు జరిగాయి. సాయంత్రం జరిగిన పేలుళ్లలో 71 మంది మరణించగా, 185 మంది గాయపడ్డారు. రామచంద్ర ఆలయం సమీపంలో ఒక లైవ్ బాంబును స్వాధీనం చేసుకున్నారు, దానిని బాంబు డిస్పోజల్ స్క్వాడ్ నిర్వీర్యం చేసింది. తొమ్మిదవ బాంబు చాంద్‌పోల్ బజార్‌లోని గెస్ట్ హౌస్ సమీపంలో కనుగొనబడింది. చాంద్‌పోల్ లో అమర్చిన బాంబ్‌ను పేలడానికి 15 నిమిషాల ముందు దానిని నిర్వీర్యం చేశారు. ఈ కేసులో సర్వర్ అజ్మీ, మహ్మద్ సైఫ్, సైఫుర్రహ్మాన్ మరియు షాబాజ్‌లను దోషులుగా నిర్ధారించిన కోర్టు మంగళవారం వారికి జీవిత ఖైదు విధించింది.

Also read: Dubai Crown Prince: ఢిల్లీకి చేరుకున్న అత్యంత సంపన్నుడు దుభాయ్ రారాజు.. ఎందుకంటే?

అలాగే ఇదే రోజు (మంగళవారం) హైదరాబాద్ దిల్‌సుఖ్‌నగర్ బాంబు పేలుళ్ల కేసులో తెలంగాణ హైకోర్టు కూడా తీర్పు వెల్లడించింది. పేలుళ్లకు పాల్పడిన ఐదుగురికి ఉరిశిక్ష ఖరారు చేసింది. NIA ప్రత్యేక కోర్టు తీర్పును హైకోర్టు సమర్థించింది. అక్తర్, జియా ఉర్ రహమాన్, తహసీన్ అక్తర్, యాసిన్ భత్కల్, అజాజ్‌ షేక్‌కు ఉరిశిక్ష విధించింది.

#jaipur #bomb blast case #life-imprisonment #sentenced-to-life-imprisonment
Advertisment
Advertisment
Advertisment