Jana Nayagan: ‘దళపతి’ టూ ‘సీఎం’ విజయ్.. విక్టరీతో మారిన ‘జన నాయకన్’ టైటిల్..!

Jana Nayagan: తమిళనాడు(tamil-nadu) లో విజయ్ tvk vijay రాజకీయాల్లో అద్భుత విజయాన్ని సాధించడంతో, దాని ప్రభావం సినిమా రంగంపై కూడా కనిపిస్తోంది. ముఖ్యంగా ఆయన చివరి సినిమాగా భావిస్తున్న ‘జన నాయకన్’పై ఇప్పుడు మంచి పాజిటివ్ వాతావరణం ఏర్పడింది.

కొన్ని నెలలుగా ఈ సినిమా విడుదలపై అనేక అనుమానాలు ఉన్నాయి. సెన్సార్ సమస్యలు, సినిమా లీక్ అవుతుందనే భయం, బిజినెస్‌లో ఇబ్బందులు వంటి విషయాలు చర్చకు వచ్చాయి. ఎన్నికల సమయం కావడంతో విడుదల ఆలస్యం అవుతుందేమో అన్న సందేహం కూడా ఉంది. కానీ విజయ్ గెలుపుతో ఈ పరిస్థితి పూర్తిగా మారింది.

ఇప్పుడున్న సమాచారం ప్రకారం, ‘జన నాయకన్’ విడుదలకు పెద్దగా అడ్డంకులు ఉండకపోవచ్చు. మే 27న, బక్రీద్ సెలవులు, లాంగ్ వీకెండ్ సమయాన్ని టార్గెట్ చేస్తూ గ్రాండ్ రిలీజ్ ప్లాన్ చేస్తున్నారు.

విజయ్ రాజకీయ విజయంతో ఈ సినిమాపై బిజినెస్ ఆసక్తి కూడా పెరిగింది. డిస్ట్రిబ్యూటర్లు, థియేటర్ యజమానులు ఈ సినిమాపై ఎక్కువగా ఆసక్తి చూపుతున్నారు. ఇది ఆయన చివరి సినిమా కావడంతో ప్రేక్షకుల్లో కూడా భారీ అంచనాలు ఏర్పడ్డాయి.

అయితే తాజాగా సినిమా దర్శక నిర్మాతలు విజయ్‌కు శుభాకాంక్షలు తెలుపుతూ సోషల్ మీడియాలో పోస్టులు పెట్టారు. “అన్ని అడ్డంకులు దాటుకుని చరిత్ర సృష్టించిన మా జననాయకుడికి అభినందనలు. ఇది ఒక కొత్త మార్పు, భవిష్యత్ తరాలకు స్ఫూర్తి” అని పేర్కొన్నారు.

ఈ పోస్టులకు అభిమానులు పెద్ద ఎత్తున స్పందిస్తున్నారు. ముఖ్యంగా సినిమా టైటిల్ కార్డు విషయంలో ఒక ప్రత్యేక అభ్యర్థన చేస్తున్నారు. సినిమా ప్రారంభంలో ‘దళపతి విజయ్’ అని కాకుండా ‘సీఎం దళపతి విజయ్’ అని చూపించాలని కోరుతున్నారు.

ఈ సినిమాకు H. Vinoth దర్శకత్వం వహించగా, KVN Productions నిర్మించింది. మొదట ఈ సినిమా జనవరిలో విడుదల కావాల్సి ఉండగా, సెన్సార్ పనుల్లో ఆలస్యం కావడంతో వాయిదా పడింది.

ప్రస్తుతం ఈ సినిమా సెన్సార్ ప్రక్రియ ఇంకా పూర్తికాలేదు. సీబీఎఫ్‌సీ రివైజింగ్ కమిటీ ఈ సినిమాను పరిశీలిస్తున్నది. వారి రిపోర్ట్ వచ్చిన తర్వాత విడుదల తేదీపై క్లారిటీ వచ్చే అవకాశం ఉంది.

మొత్తానికి విజయ్ రాజకీయ విజయంతో ‘జన నాయకన్’ సినిమాకు ఇప్పుడు మంచి ఊపు వచ్చింది. అన్నీ సక్రమంగా జరిగితే, ఈ సినిమా భారీ ఓపెనింగ్స్‌తో థియేటర్లలోకి వచ్చే అవకాశం ఉంది.