Peddi Trailer: ముంబైలో మెగా హంగామా.. రామ్ చరణ్ ‘పెద్ది’ ట్రైలర్ లాంచ్‌కు భారీ ప్లాన్స్!

Peddi Trailer: రామ్ చరణ్ Ram Charan హీరోగా నటిస్తున్న పెద్ది Peddi సినిమా ప్రమోషన్స్ ఇప్పుడు భారీ స్థాయిలో జరుగుతున్నాయి. ఈ సినిమా ట్రైలర్ విడుదల కార్యక్రమాన్ని ముంబైలో ఘనంగా నిర్వహించేందుకు చిత్రబృందం సిద్ధమైంది. మే 18న జరగనున్న ఈ ఈవెంట్ ఈ ఏడాది తెలుగు సినిమాల పరంగా అత్యంత పెద్ద ప్రమోషనల్ ఈవెంట్లలో ఒకటిగా నిలవనుందని సినీ వర్గాలు చెబుతున్నాయి.

మొదట ఈ ట్రైలర్ లాంచ్‌ను భోపాల్ లేదా ఇండోర్‌లో నిర్వహించాలని భావించినప్పటికీ, దేశవ్యాప్తంగా మరింత ప్రచారం దక్కేలా చివరకు ముంబైను ఫైనల్ చేసినట్లు సమాచారం. ముఖ్యంగా హిందీలో సినిమాను విడుదల చేస్తున్న జియో స్టూడియోస్ ఈ ఈవెంట్‌ను చాలా గ్రాండ్‌గా ప్లాన్ చేస్తున్నట్లు తెలుస్తోంది.

ఇప్పటికే పోస్టర్లు, పాటలు, ఇతర ప్రమోషనల్ కంటెంట్ ద్వారా పెద్ది Peddi సినిమాపై మంచి అంచనాలు ఏర్పడ్డాయి. ఈ చిత్రానికి బుచ్చిబాబు సాన Buchi Babu Sana దర్శకత్వం వహిస్తుండగా, హీరోయిన్‌గా జాన్వీ కపూర్ Janhvi Kapoor నటిస్తున్నారు.

ఇక త్వరలో మరో పెద్ద మ్యూజికల్ ఈవెంట్‌ను కూడా నిర్వహించే ప్లాన్‌లో మేకర్స్ ఉన్నట్లు టాక్ వినిపిస్తోంది. ఆ కార్యక్రమంలో ఆస్కార్ విజేత A. R. Rahman ఈ సినిమాకు సంబంధించిన పాటలను లైవ్‌లో ప్రదర్శించే అవకాశం ఉందని సమాచారం.

వెంకట సతీష్ కిలారు Venkata Satish Kilaru నిర్మిస్తున్న ఈ సినిమా విజియానగరం ప్రాంతం నేపథ్యంతో తెరకెక్కుతోంది. పాత కాలం బ్యాక్‌డ్రాప్‌లో సాగే ఈ కథలో, తన ప్రాంతానికి పేరు తీసుకురావాలని కలలు కనే ఓ యువ క్రీడాకారుడి ప్రయాణాన్ని చూపించనున్నారు. ఎన్నో కష్టాలను ఎదుర్కొంటూ రెజ్లింగ్ ఛాంపియన్‌షిప్ వరకు చేరే అతని కథ ఈ చిత్రానికి ప్రధాన ఆకర్షణగా ఉండబోతోంది.