2025 Movies: తెలుగు చిత్ర పరిశ్రమ విభిన్న కథాంశాలతో  ఎప్పటికప్పుడు ప్రేక్షకులకు  కొత్తదనాన్ని అందిస్తోంది. యాక్షన్, థ్రిల్లర్, ఫాంటసీ, హారర్, రొమాంటిక్ కామెడీలు, మాస్ ఎంటర్‌టైనర్‌లు,  కామెడీ డ్రామా ఇలా రకరకాల జోనర్ సినిమాలతో ఆకట్టుకుంటూనే ఉంది. అయితే ఈ ఏడాది కన్నప్ప నుంచి రాజా సాబ్ వరకు సినీ ప్రియులు అత్యంత ఆసక్తిగా ఎదురుచూస్తున్న స్టార్ హీరోల చిత్రాలేంటో ఇక్కడ చూద్దాం.. 

2025 ఫిల్మ్స్  

ఘాటి

అనుష్క శెట్టి- క్రిష్ జాగర్లమూడి కాంబోలో తెరకెక్కుతున్న ఫీమేల్ ఓరియెంటెడ్ ఫిల్మ్  'ఘాటి' కోసం ప్రేక్షకులు ఆసక్తిగా ఎదురుచూస్తున్నారు. చాలా కాలం గ్యాప్ తర్వాత స్వీటీ నుంచి రాబోతున్న ఈ మూవీ పై అంచనాలు భారీగా ఉన్నాయి. ఈ చిత్రం ఏప్రిల్ 18న తెరపైకి రానుంది. 

కన్నప్ప

మంచు విష్ణు హీరోగా ప్రభాస్ ప్రధాన పాత్రలో నటిస్తున్న మైథలాజికల్ డ్రామా ‘కన్నప్ప’. ఈ చిత్రం ఏప్రిల్ 25న విడుదల కానుంది. ఇందులో  మోహన్ లాల్, అక్షయ్ కుమార్, కాజల్ తదితరులు  కీలక పాత్రల్లో నటిస్తున్నారు.

హిట్ 3

‘HIT’ ఫ్రాంచైజీ  'హిట్ 3' ఇప్పటికే ప్రమోషనల్ కంటెంట్ తో విపరీతమైన హైప్ క్రియేట్ చేసింది. ఈ మూవీ   మే 1, 2025న విడుదల కానుంది.  శైలేష్ కొలను దర్శకత్వం వహించిన ఈ చిత్రంలో నాని రూత్ లెస్ పోలీస్ ఆఫీసర్  అర్జున్ సర్కార్‌ పాత్రలో నటిస్తున్నాడు.

విశ్వంభర

మల్లిడి వశిష్ఠ దర్శకత్వంలో మెగాస్టార్ చిరంజీవి నటిస్తున్న ఫాంటసీ యాక్షన్ చిత్రం 'విశ్వంభర'. ఈ చిత్రం మే 9, 2025న థియేటర్లలో విడుదల కానుంది.  ప్రస్తుతం ఈ మూవీ షూటింగ్ చివరి దశలో ఉంది. 

కింగ్‌డమ్

విజయ్ దేవరకొండ నటిస్తున్న 'కింగ్‌డమ్' మే 30, 2025న థియేటర్లలోకి రానుంది. లైగర్, ఫ్యామిలీ స్టార్ వరుస డిజాస్టర్స్ తర్వాత రాబోతున్న ఈ సినిమా కోసం ఫ్యాన్స్ ఆసక్తిగా ఎదురుచూస్తున్నారు.  గౌతమ్ తిన్ననూరి దర్శకత్వం వహించారు.

రాజాసాబ్

హారర్-కామెడీ నేపథ్యంలో రాబోతున్న ప్రభాస్ 'రాజాసాబ్' ఏప్రిల్ 10, 2025న  విడుదల కానుంది. ఈ చిత్రం విధిని ధిక్కరించి, తమ ప్రేమను రక్షించుకోవడానికి చీకటి శక్తులను అధిగమించాల్సిన జంట కథగా సాగనుంది.