Mega Star Chiranjeevi: ఇప్పుడు అంటే కొంత చరిష్మా తగ్గింది కానీ ఒకప్పుడు మెగాస్టార్ బర్త్‌డే తెలుగు రాష్ట్రాల్లో పెద్ద పండగలా ఉండేది. కొన్నేళ్ళు పాటూ తెలుగు చిత్ర పరిశ్రమను ఏలిన చిరంజీవి సాధారణ నటుడు స్థాయి నుంచి మెగాస్టార్‌‌గా ఎదిగారు. ఒకానొక సమయంలో బిగ్గర్ దెన్ బచ్చన్ అనే స్థాయికి చిరంజీవి చేరుకున్నారు. ఆయన క్రేజ్‌కు ఇండియన్ సినిమానే తలొంచింది. ఎన్నో మైలు రాళ్లు దాటితే.. ఎన్నో అవమానాలు సహిస్తే.. ఎన్నో ఛాలెంజ్ లను స్వీకరిస్తే.. మరెన్నో రివార్డులు పొందితే.. ఇంకెన్నో రికార్డులు నెలకొల్పితే వచ్చిందీ పేరు. ప్యాషన్ కు స్వయంకృషిని జోడించి, పట్టుదలతో ప్రయత్నిస్తే ఒక మనిషి ఎన్ని శిఖరాలైనా అధిరోహించవచ్చు అన్న మాటకు నిదర్శనం ఆయన. నలభై యేళ్ల క్రితం.. ముగ్గురు నలుగురిలో ఒకడిగా మొదలై.. మూడు నాలుగు కోట్లమంది అభిమానుల్ని సంపాదించుకునే వరకూ సాగిన చిరంజీవి ప్రస్థానం అనన్యసామాన్యమైనది.

ఇప్పుడు డాన్స్‌లు ఇరగదీస్తున్న రామ్ చరణ్, అల్లు అర్జున్, జూ.ఎన్టీయార్ వీళ్ళందరి కన్నా ముందు డాన్స్ అంటే చిరంజీవి...చిరంజీవి అంటే డాన్స్ అనేవారు. తాను ఏ పాత్ర చేస్తే ఆ పాత్రలో దూరిపోయి నటించే మెగాస్టార్ ఒక సినిమాకు దర్శకత్వం కూడ వహించారు. అది కూడా తన సినిమాకే. ఈ విషయం చాలా మందికి తెలియదు. తెలుగు సినిమా పుస్తకంలో చిరంజీవి కంటూ కొన్ని పేజీలు ప్రత్యేకంగా ఉంటాయి. అందులో ఆయన నటించిన ఇంద్ర సినిమా గురించి తప్పకుండా ఉంటుంది. అన్ని తరాల వారికి చిరంజీవి మేనియా గురించి తెలిసేలా చేసిన ఇంద్ర. అసలు ఇంద్ర సినిమా నెలకొల్పిన రికార్డుల గురించి ఒక పుస్తకమే రాయోచ్చు.

బీ.గోపాల్ దర్శకత్వంలో వచ్చిన ఇంద్ర సినిమా అపట్లో పెద్ద హిట్. ఇందులో డైలాగ్‌లు, మాటలు, పాటలు ఒకేంటి.. అన్నీ మెగా హిట్. ఫుల్ ఫ్యాకేజీ సినిమా అయిన ఇంద్రను ఇప్పటికీ టీవీల్లో రిపీటెడ్‌గా చూసేవాళ్ళు ఉన్నారు అంటే అతిశయోక్తి కాదేమో. ఇలాంటి సినిమాకు బీ.గోపాల్‌తో పాటూ చిరంజీవి కూడా దర్శకత్వం వహించారు. చిరంజీవి ఫ్లాష్ బ్యాక్ ఎపిసోడ్‌లో కొన్ని సీన్లు మెగాస్టార్ దర్శకత్వం వహించాడు. ప్లాష్ బ్యాక్‌లో హోమం సీన్‌తో పాటు సాంగ్స్ అన్నీ చిరునే డైరెక్ట్ చేశారట. ఈ విషయాన్ని నటుడు రాజా రవీంద్ర ఈ మధ్యనే ఓ సందర్భంలో చెప్పాడు. అప్పట్లోనే ఈ సినిమా కోసం అశ్వనీదత్ 10 కోట్లు ఖర్చు పెట్టారు. సినిమా విడుదల అయ్యాక ఫైనల్ రన్‌లో ఏకంగా రూ.55 కోట్లు కొల్లగొట్టి… రూ.50 కోట్ల క్లబ్‌లో అడుగు పెట్టిన తొలి తెలుగు సినిమాగా చరిత్ర సృష్టించింది. ఇప్పుడు రేపు చిరంజీవి పుట్టినరోజు సందర్భంగా ఇంద్ర సినిమా రీ రిలీజ్ చేస్తున్నారు.

Also Read: Movies: మన అనుకుంటే వస్తా..నచ్చితే వస్తా..అల్లు అర్జున్