High BP: నేటి కాలంలో అధిక రక్తపోటు అందరిని వేదిస్తుంది. ఎటువంటి లక్షణాలు లేకుండా సంవత్సరాలు అధిక రక్తపోటు చాలా మందికి ఉండవచ్చు. దీని కారణంగా.. భవిష్యత్తులో గుండెపోటు, స్ట్రోక్ మొదలైన అనేక ఆరోగ్య సమస్యలు వచ్చే అవకాశం ఉంది. అందువల్ల..దానిని అదుపులో ఉంచుకోవడానికి మంచి జీవనశైలిని అనుసరించడం చాలా ముఖ్యమని వైద్య నిపుణులు అంటున్నారు. అధిక రక్తపోటును జీవనశైలిలో ఆరోగ్యకరమైన ఆహారం, ఆరోగ్యకరమైన జీవనశైలి రక్తపోటును నియంత్రించడంలో సహాయపడతాయని పోషకాహార నిపుణులు చెబుతున్నారు. ఆరోగ్యకరమైన జీవనశైలిని నడవాలంటే మీకు ఉపయోగపడే కొన్ని చిట్కాలను ఇప్పుడు తెలుసుకుందాం.

ఆరోగ్యకరమైన ఆహారం

• రక్తపోటు నియంత్రణలో ఆరోగ్యకరమైన జీవనశైలి ముఖ్యం. ఉప్పు ఎక్కువగా తినడం వల్ల అధిక రక్తపోటు వస్తుంది. కావునా ఆహారంలో ఉప్పు తక్కువగా వాడాలి. మీ ఆహారంలో ఉప్పు మొత్తాన్ని తగ్గిస్తే బెస్ట్. ఆహారంలో ఎక్కువగా పండ్లు, కూరగాయలు, తృణధాన్యాలు, పప్పులు, ఉంటే మంచిది.

నియంత్రణ బరువు

• అధిక బరువు రక్తపోటును కూడా పెంచుతుంది. కావున అధిక రక్తపోటును నియంత్రించడానికి సమతుల్య బరువు ఉండటం చాలా ముఖ్యం. అధిక రక్తపోటుతో సహా అధిక బరువుతో సంబంధం ఉన్న అనేక ఆరోగ్య సమస్యలు వస్తాయి. మీరు అధిక బరువు ఉంటే ఆహారంలో మార్పులు, వ్యాయామంపై శ్రద్ధ పెట్టాలి.

రోజూ వ్యాయామం

• రోజూ వ్యాయామం ఆరోగ్యానికి చాలా ముఖ్యం. ఇది రక్తపోటును అదుపులో ఉంచటంతోపాటు శరీరాన్ని ఫిట్‌గా ఉంచుతుంది. అనేక వ్యాధులను నయం చేస్తుంది. రోజూ వ్యాయామం, వాకింగ్, జాగింగ్, యోగా, స్విమ్మింగ్‌ వంటికి చెస్ట్‌ ఆరోగ్యానికి మంచిది.

ధూమపానానికి దూరం

• ధూమపానం రక్తపోటును పెంచుతుంది. ఈ అలవాటును త్వరగా మానుకుంటే మంచిది. ఎందుకంటే స్మోకింగ్‌లో ఉండే నికోటిన్ రక్తపోటును ఎక్కువగా పెంచుతుంది. ధూమపానం రక్తపోటును మాత్రమే కాకుండా గుండె జబ్బులు, క్యాన్సర్, ఊపిరితిత్తుల వ్యాధులు వచ్చేలా చేస్తుంది.

ఒత్తిడికి దూరం

• అధిక రక్తపోటుకు ప్రధాన కారణం ఒత్తిడి. అందుకే.. ఒత్తిడికి దూరంగా ఉండాలి. ఒత్తిడి కారణంగా.. శరీరం ఆందోళన చెంది గుండె పనితీరు తగ్గుతుంది. దీని కారణంగా రక్తపోటు కూడా పెరిగే అవకాశం ఉంది. యోగా, ధ్యానం, మంచి నిద్ర వలన ఒత్తిడి తగ్గుతుంది.

ఇది కూడా చదవండి: మీ స్మార్ట్ ఫోన్ వేడెక్కుతుందా? ఈ ట్రిక్స్‌ తెలుసుకుంటే ఆ సమస్య ఉండదు!

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.