APSRTC: కుంభమేళా వెళ్లేవారికి ఏపీ ఆర్టీసీ గుడ్ న్యూస్.. అతి తక్కువ ధరకే 7రోజుల ప్యాకేజ్ !

ఏపీఎస్ఆర్టీసీ కుంభమేళకు వెళ్లే ప్రయాణికులను గుడ్ న్యూస్ చెప్పింది. కేవలం 10, 000 ప్యాకేజ్ తో మ‌హా కుంభ‌మేళాకి స్పెష‌ల్ బ‌స్ స‌ర్వీస్‌ను తీసుకొచ్చింది. ఈ బస్సు ఫిబ్ర‌వ‌రి 1న మ‌ధ్యాహ్నం 2 గంట‌ల‌కు రాజమండ్రి కొవ్వొరు బ‌స్ స్టాప్ నుంచి బయదేరుతుంది.

author-image
By Archana in ఆంధ్రప్రదేశ్ Latest News In Telugu
New Update
APSRTC Special Buse Mahakumbh 2025

APSRTC Special Buse Mahakumbh 2025

APSRTC:  ప్రపంచంలోనే అతిపెద్ద ఆధ్యాత్మిక వేడుక మహా కుంభమేళాతో ఉత్తర్‌ప్రదేశ్‌లోని ప్రయాగ్‌రాజ్ కళకళలాడుతోంది. 12 సంవత్సరాలకు ఒకసారి జరిగే ఈ ఉత్సవానికి ప్రపంచనలుమూల నుంచి కోట్లాది భక్తులు త్రివేణి సంగమం వద్దకు చేరుకుంటున్నారు. గంగా, యమున, సరస్వతి నదులు కలిసే ఈ త్రివేణి సంగమంలో పవిత్ర స్నానాలు ఆచరిస్తున్నారు. 45 రోజుల పాటు ఈ మహా ఉత్సవం జరగనుంది. ఈ నేపథ్యంలో ఏపీఎస్‌ఆర్టీసీ కుంభమేళకు వెళ్లే ప్రయాణికులకు గుడ్ న్యూస్ చెప్పింది.  

స్పెషల్ బస్.. 

మహా కుంభమేళాకు వెళ్లాలనుకునే భక్తుల కోసం రాజమండ్రి, కొవ్వూరు నుంచి స్పెషల్ బస్ స‌ర్వీస్‌ను అందుబాటులోకి తీసుకు వచ్చింది. ప్ర‌యాణీకులకు అతిత‌క్కువ ధరకే  సుర‌క్షిత‌మైన ప్ర‌యాణాన్ని అందించాలనే ఉద్దేశంతో ఈ ప్రత్యేక బస్ స‌ర్వీస్‌ను అందుబాటులోకి తెచ్చినట్లు ఏపీ ఆర్టీసీ తెలిపింది. ఈ ఉత్తమమైన స‌ర్వీస్‌ను యాత్రికులు వినియోగించుకోవాల‌ని ఆర్టీసీ కోరింది. 

ప్యాకేజ్ డీటెయిల్స్.. 

ఈ స్పెషల్ బస్ సర్వీస్ ను 7 రోజుల ప్యాకేజ్ తో అందుబాటులోకి తీసుకొచ్చారు. దీని టికెట్ ధర(రానూ, పోనూ కలిపి) ఒక్కరికి రూ. 10000గా ఆర్టీసీ నిర్ణయించింది. ఫిబ్ర‌వ‌రి 1న మ‌ధ్యాహ్నం 2 గంట‌ల‌కు కొవ్వొరు బ‌స్ కాంప్లెక్స్‌ నుంచి బస్సు బ‌య‌లుదేరుతుంది. ఏడు రోజులు పాటు కొనసాగే ఈ యాత్రలో.. ప్ర‌యాగ రాజ్, కాశీ క్షేత్రాల్లో ఒక రోజు బ‌స ఉంటుంది. ఉద‌యం బ్రేక్ ఫాస్ట్, మ‌ధ్యాహ్నం భోజ‌నం, రాత్రి అల్పాహారం అందిస్తారు. తాగేందుకు నీళ్లు కూడా ఇస్తారు. ఏడు రోజుల యాత్రలో భువ‌నేశ్వ‌ర్‌, పూరి, కోణార్క్‌, ప్ర‌యాగ‌రాజ్‌-మ‌హా కుంభ‌మేళా వార‌ణాసి, గ‌య‌, బుద్ధ‌గ‌య‌, అర‌స‌విల్లి, శ్రీ‌కూర్మం పుణ్యక్షేత్రాల సందర్శన ఉంటుంది. వీటితో పాటు త్రివేణి సంఘ‌మ స్నానం, విశ్వ‌నాధ ద‌ర్శ‌, గ‌య పిండ ప్ర‌దానం వంటి కార్య‌క్ర‌మాలు కూడా ఉంటాయి. 

టికెట్ కొనడం ఎలా.. 

ఈ స్పెషల్ ప్యాకేజ్ కోసం టికెట్ కొనాలనుకునేవారు కొవ్వొరు బ‌స్సు డిపోను సంప్ర‌దించాలి. అక్కడే మీ టికెట్లు బుక్ చేయబడతాయి. ప్రయాణానికి  ముందు మొబైల్ యాప్ ద్వారా యాత్రికులు  బస్ డీటెయిల్స్ తెలుసుకోవచ్చు. దీనికి సంబంధించిన అద‌న‌పు స‌మ‌చారం కోసం 7382907952 (సూర్య చంద్రరావు), 8121582849 (రామ‌కృష్ణ‌) సంప్రదించవచ్చు. 

Also Read: Mythri Movie Makers: పుష్ప2 కు బిగ్ షాక్.. మైత్రి మూవీ మేకర్స్ సంస్థలో ఐటీ దాడులు

#telugu-news #apsrtc-special-buses #mahakumbh 2025 #latest-news
Advertisment
సంబంధిత కథనాలు
Advertisment
Advertisment
తదుపరి కథనాన్ని చదవండి

CM Chandrababu: ఇవాళే అకౌంట్లోకి రూ.20 వేలు.. AP సర్కార్ కొత్త పథకం

శ్రీకాకుళం జిల్లా ఎచ్చెర్ల నియోజకవర్గంలో సీఎం చంద్రబాబు మత్స్యకారుల సేవలో పథకాన్ని ప్రారంభించారు. ఈ పథకం ద్వారా మత్స్యకారుల ఒక్కో కుటుంబానికి రూ.20,000 ఆర్థిక సహాయం అందించనున్నారు. ఈ డబ్బులు నేరుగా లబ్ధిదారుల అకౌంట్లలో జమచేయనున్నారు.

author-image
By Seetha Ram in ఆంధ్రప్రదేశ్ శ్రీకాకుళం
New Update
Matsyakara sevalo scheme

Matsyakara sevalo scheme

ఏపీ ప్రభుత్వం మరో ముందడుగు వేసింది. తాజాగా కొత్త పథకానికి శ్రీకారం చుట్టింది. ఇవాళ సీఎం చంద్రబాబు నాయుడు శ్రీకాకుళం జిల్లా ఎచ్చెర్ల మండలంలోని బుడగట్లపాలెం గ్రామంలో ‘‘మత్స్యకార సేవలో’’ అనే పథకాన్ని ప్రారంభించారు. సముద్రంలో చేపల వేటపై ఆధారపడిన కుటుంబాలకు అండగా ఈ ‘‘మత్స్యకార సేవలో’’ అనే పథకాన్ని తీసుకొచ్చింది. 

Also Read: ఏపీలో పాకిస్తాన్‌ కాలనీ.. ఆ పేరు ఎలా వచ్చింది - షాకింగ్ ఫ్యాక్ట్స్!

ఒక్కో కుటుంబానికి రూ.20,000

ఈ పథకం ద్వారా ఒక్కో కుటుంబానికి రూ.20,000 ఆర్థిక సహాయాన్ని అందించనుంది. ఇందులో భాగంగానే ఇవాళ ప్రారంభించిన సభలో సీఎం చంద్రబాబు నాయుడు లబ్ధిదారులకు రూ.20,000 చెక్కును అందజేశారు. ఏప్రిల్ 15 నుంచి జూన్ 14 వరకు అంటే దాదాపు 61 రోజుల పాటు సముద్రంలో చేపల వేట నిషేం. కాబట్టి ఆ సమయంలో మత్స్యకారులు వారి జీవనోపాధి కోల్పోతారు. 

Also Read: చైనా సహాయం కోరిన పాక్.. భారత్తో ఏ క్షణమైనా యుద్దం!

దానిని దృష్టిలో ఉంచుకుని రాష్ట్ర ప్రభుత్వం.. వేటలేని కాలంలో మత్స్యకారులకు జీవనోపాధిని కొనసాగించడానికి ఈ పథకం ద్వారా ఆర్థిక సహాయం అందజేస్తుంది. కాగా గత ప్రభుత్వం మత్స్యకారుల కుటుంబాలకు రూ. 10,000 సహాయాన్ని అందించింది. 

Also Read :  అమెజాన్‌ గ్రేట్‌ సమ్మర్‌ సేల్‌.. ఈ ఫోన్లపై భారీ డిస్కౌంట్

ఇప్పుడు అధికారంలోకి వచ్చిన కూటమి ప్రభుత్వం వారికి రూ. 20,000 సహాయాన్ని అందిస్తుంది. ఈ పథకం ద్వారా రాష్ట్రవ్యాప్తంగా 1,29,178 మత్స్యకార కుటుంబాలకు లబ్ధి చేకూరనుంది. దీని కోసం రాష్ట్ర ప్రభుత్వం రూ.258 కోట్లు కేటాయించింది.

Also Read :  ప్రియుడిని ఇంటికి పిలిచి.. భర్తను ఉరేసి లేపేసింది!

cm-chandra-babu | ap cm chandra babu naidu | Matsyakara sevalo | srikakulam

#Matsyakara sevalo #ap cm chandra babu naidu #srikakulam #cm-chandra-babu
Advertisment
Advertisment
Advertisment