Adani vs Ambani: భారతదేశపు అత్యంత సంపన్నుడు అదానీ.. అంబానీని వెనక్కి నెట్టి.. 

Gautam Adani Becomes Asia's Richest Man: బ్లూమ్‌బెర్గ్ బిలియనీర్స్ ఇండెక్స్‌లో రిలయన్స్ ఇండస్ట్రీస్ చైర్మన్ ముఖేష్ అంబానీని (Mukesh Ambani) వెనక్కి నెట్టి అదానీ గ్రూప్  చైర్మన్ గౌతమ్ అదానీ మరోసారి భారతదేశపు అత్యంత సంపన్నుడిగా మారారు. షేర్ల పెరుగుదల కారణంగా, గౌతమ్ అదానీ ప్రపంచ ర్యాంకింగ్‌లో టాప్ 12లో తన స్థానాన్ని సంపాదించుకోగా, అంబానీ ఒక స్థానం దిగజారి 13వ స్థానంలో ఉన్నాడు. గౌతమ్ అదానీ నికర విలువ ఒక సంవత్సరంలో 13 బిలియన్ డాలర్లు (దాదాపు రూ. 1.08 లక్షల కోట్లు) పెరిగి 97.6 బిలియన్ డాలర్లకు (సుమారు రూ. 8.12 లక్షల కోట్లు) చేరుకుంది. కాగా, ముఖేష్ అంబానీ నికర విలువ ఈ ఏడాది రూ.665 మిలియన్లు (సుమారు రూ. 5 వేల కోట్లు) పెరిగి 97 బిలియన్ డాలర్లకు (సుమారు రూ. 8.07 లక్షల కోట్లు) చేరింది.

ప్రపంచంలోనే అత్యంత సంపన్న వ్యాపారి..
ఎలక్ట్రిక్ వాహనాల కంపెనీ టెస్లా సీఈవో, ఎలోన్ మస్క్ (Elon Musk) రూ.18.31 లక్షల కోట్ల సంపదతో ప్రపంచంలోనే అత్యంత సంపన్న వ్యాపారవేత్తగా నిలిచారు. రూ. 14.06 లక్షల కోట్లతో అమెజాన్ వ్యవస్థాపకుడు జెఫ్ బెజోస్ (Jeff Bezos) తర్వాతి స్థానంలో ఉండగా, ఎల్‌విఎంహెచ్‌కి చెందిన బెర్నార్డ్ ఆర్నాల్ట్ మూడో స్థానంలో ఉన్నారు. ఆయన నికర విలువ రూ.13.98 లక్షల కోట్లు.

సుప్రీంకోర్టు నిర్ణయంతో..
అదానీ-హిండెన్‌బర్గ్ కేసులో (Adani Hindenburg Case) సుప్రీంకోర్టు నిర్ణయం కారణంగా, గ్రూప్‌లోని మొత్తం 10 షేర్లు పెరిగాయి.  దీని కారణంగా అదానీ నికర విలువ పెరిగింది. గత ఏడాది జనవరి 24న, అమెరికన్ షార్ట్ సెల్లర్ కంపెనీ హిండెన్‌బర్గ్ గౌతమ్ అదానీపై వాటాల మానిప్యులేషన్ - మనీలాండరింగ్ ఆరోపణలు చేసింది. ఆ తర్వాత కంపెనీ షేర్లలో భారీ పతనం జరిగింది. ఈ ఆరోపణల తర్వాత, అదానీ నికర విలువ దాదాపు 60% తగ్గింది. అది $69 బిలియన్లకు (రూ. 5.7 లక్షల కోట్లు) వచ్చింది.

Also Read:  భారత జీడీపీ పరుగులు తీస్తుంది అంటున్న ప్రభుత్వం 

ఆరుగురు సభ్యుల కమిటీ, సెబీ విచారణ..
Adani Case: ఈ కేసును విచారించేందుకు సుప్రీంకోర్టు ఆరుగురు సభ్యులతో కూడిన కమిటీని ఏర్పాటు చేసింది. ఇది కాకుండా మార్కెట్ నియంత్రణ సంస్థ సెబీని కూడా దర్యాప్తు చేయాలని కోరింది. అదానీకి క్లీన్ చిట్ అనే విధంగా జనవరి 3న సుప్రీం కోర్టు తన తీర్పులో 4 పెద్ద విషయాలను చెప్పింది.

• సెబీ 22 కేసుల్లో దర్యాప్తును పూర్తి చేసింది, 2 కేసుల్లో 3 నెలల్లో దర్యాప్తు పూర్తి చేసింది.
• సెబీ నియంత్రణా చట్రంలో జోక్యం చేసుకునేందుకు ఈ కోర్టుకు ఉన్న అధికారం పరిమితం.
• OCCPR నివేదిక సెబి దర్యాప్తుపై సందేహాన్ని కలిగించేలా చూడలేము.
• దర్యాప్తును సెబీ నుంచి సిట్‌కు బదిలీ చేసేందుకు ఎలాంటి ఆధారం లేదు.

దేశంలోనే అతిపెద్ద ప్రైవేట్ పోర్ట్‌కు అదానీ యజమాని..
గౌతం అదానీ నేతృత్వంలోని అదానీ గ్రూప్ ఆఫ్ అహ్మదాబాద్ ప్రధానంగా మౌలిక సదుపాయాల రంగంలో పనిచేస్తుంది. ఇది దేశంలోని అతిపెద్ద ప్రైవేట్ ఓడరేవును కలిగి ఉంది. ప్రపంచ బొగ్గు వ్యాపారంలో ప్రధాన పాత్ర పోషిస్తుంది. గౌతమ్ అదానీ గ్రూప్ ప్రధాన సంస్థ అదానీ ఎంటర్‌ప్రైజెస్.

Watch this interesting Video: