విశాఖ ఫిషింగ్ హార్బర్‌ అగ్నిప్రమాదంలో మరిన్ని కొత్త విషయాలు వెలుగులోకి వస్తున్నాయి. బెట్టింగ్‌ నేపథ్యంలో ఇక్కడ ఘర్షణ జరిగిందనే విచారణ చెపట్టిన పోలీసులు ఇందుకు పాల్పడ్డ యువకులను అదుపులోకి తీసుకున్నట్లు సమాచారం. రాత్రి లంగర్ వేసిన బోటులో మద్యం పార్టీ జరిగిందని, ఇందులో ప్రముఖ యూట్యూబర్‌ నాని పాత్రకూడా ఉందని భావించిన అధికారులు విచారణ కొనసాగిస్తున్నారు. రాత్రి 11:15 నిమిషాలకు బోట్ తగలబడినట్లు తెలుస్తుండగా సరిగ్గా 11:45 గంటలకు నాని హర్బర్ కు వచ్చినట్లు పోలీసులు నిర్ధారించారు. అయితే బోట్ తగలబడుతుందనే సమాచారంతోనే అక్కడకు వచ్చినట్లు నాని చెబుతున్నాడని, తన భార్య సీమంతం కూడా అక్కడే నిర్వహించినట్లు పోలీసులు వెల్లడించారు.

Also read : పాదాచారులకు సుప్రీం కోర్టు షాక్.. అక్కడ నడవొద్దని వార్నింగ్

ఈ ప్రమాదంపై సమగ్ర విచారణకు ప్రత్యేక కమిటీ ఏర్పాటు చేయగా ఫోరెన్సిక్, రెవెన్యూ, ఫైర్, ఫిషరీస్, పోలీస్‌ విభాగాల అధికారుల బృందం కేసును పరిశీలించనున్నారు. అలాగే క్రైమ్,టాస్క్ ఫోర్స్, సీసీఎస్‌ స్పెషల్‌ టీమ్స్‌ ఈ విచారణలో పాల్గొననుండగా హార్బర్ ఏసీపీకి దర్యాప్తు బాధ్యతలు అప్పగించారు. ఇక హార్బర్‌లో ఈ ప్రమాదానికి అసాంఘిక శక్తులు కారణమై ఉండొచ్చని ఏపీ మెకనైజ్డ్ బోట్ ఆపరేటర్స్ అసోసియేషన్ అధ్యక్షుడు జానకిరామ్ అంటున్నారు. 40 బోట్లు కాలిపోయాయని.. మరో 40 బోట్లు దెబ్బతిన్నాయని పేర్కొన్నారు. ఫిషింగ్‌ హార్బర్‌ ఘటనపై పూర్థిస్తాయిలో విచారణ చేపట్టినట్లు విశాఖ పోలీసులు తెలిపారు. ఈ ఘటనపై అనేక అనుమానాలు వ్యక్తమవుతున్నాయి. ఇందులో ఏదైనా కుట్రకోణం ఉందా? అనే యాంగిల్లో దర్యాప్తు కొనసాగుతోంది. అర్థరాత్రి పార్టీ జరిగే సమయంలో బోట్ల కొనుగోలు, అమ్మకాల విషయంలో వివాదం చెలరేగి మంటలకు కారణమై ఉండవచ్చని అనుమానాలు ఉన్నాయి. ఈ ప్రమాదానికి యూ ట్యూబర్‌ నాని, అతని స్నేహితులే పనై ఉండవచ్చని అనుమానిస్తున్నారు. అయితే వీళ్లంగా అక్కడికి ఎలా వెళ్లారనే కోణంలో సెక్యూరిటీ సిబ్బంది వైఫల్యంపై కూడా అధికారులు ఆరా తీస్తున్నట్టు తెలుస్తుంది.