Telangana: కాంగ్రెస్ కు షాక్.. బీఆర్ఎస్ లోకి మాజీ ఎమ్మెల్యే!?

Thati Venkateswarlu: తెలంగాణలో కాంగ్రెస్(Congress) పార్టీకి మరో బిగ్ షాక్ ఇచ్చేందుకు సిద్ధమయ్యారు ఆ పార్టీకి చెందిన మాజీ ఎమ్మెల్యే. టీపీసీసీ జనరల్ సెక్రటరీ మాజీ ఎమ్మెల్యే తాటి వెంకటేశ్వర్లు బీఆర్ఎస్(BRS) పార్టీలో జాయిన్ అయ్యేందుకు సిద్ధమయ్యారు. అశ్వారావుపేట కాంగ్రెస్ టికెట్ ఆశించి భంగపడ్డారు తాటి వెంకటేశ్వర్లు. దీంతో ఆయన తీవ్ర అసంతృప్తిలో ఉన్నారు. అయితే, తాటి వెంకటేశ్వర్లుతో మంత్రి హరీష్ రావు టచ్‌లోకి వెళ్లారు. వెంకటేశ్వర్లుతో మంతనాలు జరిపారు హరీష్ రావు.

ఈ నేపథ్యంలోనే ఇవాళ సాయంత్రం లోగా సీఎం కేసీఆర్ సమక్షంలో బీఆర్ఎస్ పార్టీలో చేరేందుకు సిద్ధమయ్యారు తాటి వెంకటేశ్వర్లు. 2014లో అశ్వారావుపేట నుంచి వైసీపీ అభ్యర్థిగా బరిలో నిలిచిన తాటి వెంకటేశ్వర్లు.. ఎమ్మెల్యేగా గెలుపొందారు. ఆ తరువాత జరిగిన పరిణామాలతో ఆయన బీఆర్ఎస్(టీఆర్ఎస్) పార్టీలో చేరారు. 2018లో జరిగిన అసెంబ్లీ ఎన్నికల్లో టిఆర్ఎస్ అభ్యర్థిగా పోటీ చేసి తెలుగుదేశం పార్టీ అభ్యర్థి మెచ్చా నాగేశ్వరరావు చేతిలో ఓడిపోయాడు. ఆ తరువాత తాటి వెంకటేశ్వర్లు కాంగ్రెస్‌లో చేరారు.

Also Read:

వెండితెర లోకనాయకుడు..నటనకు ప్రాణం పోసే కమల్ హసన్ బర్త్ డే టుడే.

ఎంఐఎం ఎమ్మెల్యే కొడుకు డాక్టర్ ఇంతియాజ్ అరెస్ట్