Husband killed his Wife in Hyderabad Champapet : పెళ్లి అయిన కొత్తలో భార్యాభర్తలు ఎంత అన్యోన్యంగా ఉంటారో ప్రత్యేకంగా చెప్పనక్కర్లేదు. ఒకరు లేకపోతే ఒకరు ఉండలేరు అనే విధంగా ప్రేమను చూపించుకుంటారు. అలాంటిది..పెళ్లైన నెల రోజులకే భార్యను అతి క్రూరంగా చంపాడు ఓ భర్త. ఈ దారుణమైన ఘటన హైదరాబాద్‌ చంపాపేటలో చోటుచేసుకుంది. స్వప్నను గొంతు కోసి అతి కిరాతకంగా చంపాడు భర్త ప్రేమ్ కుమార్. అసలు విషయం ఏంటంటే..

Also Read: అది తట్టుకోలేకే క్రిష్టియన్ సంస్థపై బాంబు దాడి.. నిందితుడి వీడియో వైరల్ .!

మహబూబ్‌నగర్ హన్వాడ తండాకు చెందిన స్వప్న తన భర్త ప్రేమ్ కుమార్ ..హైదరాబాద్ చంపాపేటలో నివాసం ఉండేవారు. అయితే, వీరి మధ్య ఏ విషయంలో గొడవలు వచ్చాయో తెలియదు కానీ భార్యను గొంతు కోసి హత్య చేశాడు భర్త. హత్య అనంతరం భర్త ప్రేమ్ కుమార్ కూడా రెండో అంతస్తు నుంచి కిందికి దూకాడు. పెద్ద శబ్ధం రావడంతో  స్థానికులు వెంటనే అప్రమత్తమైయ్యారు. ఘటనపై పోలీసులకు ఫిర్యాదు చేశారు.  సమాచారం అందుకున్న పోలీసులు హుటాహుటిన ఘటనా స్ధాలానికి చేరుకుని గాయపడిన యువకుడిని చికిత్స నిమిత్తం ఆస్పత్రికి తరలించారు.

యువతి హత్యకు గల కారణాలు తెలియాల్సి ఉంది. సంఘటన పరిసరాలను క్లూస్ టీంతో పరిశీలిస్తున్నారు పోలీసు అధికారులు. మృతదేహాన్ని పోస్టుమార్టం కోసం ప్రభుత్వ ఆస్పత్రికి తరలించారు. అయితే.. ఈ ఘటనతో మరో ఇద్దరి యువకులకు సంబంధం ఉన్నట్లు తెలుస్తోంది. కాగా, ఆ  ఇద్దరు యువకులు పరారీలో ఉన్నట్లు సమాచారం. సరైన ఆధారాల కోసం దగ్గరలోని సీసీ కెమెరాలను పరిశీలిస్తున్నారు పోలీసులు. కేసు నమోదు చేసి నిందితుల కోసం గాలింపు చర్యలు చేపట్టారు. అనుమానాస్పదంగా ఎవరైనా వ్యక్తులు కనిపిస్తే వెంటనే పోలీసులకు సమాచారం అందించాలని స్థానికులకు సూచించారు. ఈ ఘటనకు ప్రేమ వ్యవహారమే కారణమా? లేదా మరేదైనా కారణం ఉందా? అన్న కోణాల్లో పోలీసులు ముమ్మరంగా దర్యాప్తు చేస్తున్నారు.

Also Read: సినీ పరిశ్రమలో మరో విషాదం… నటుడు అనుమానాస్పద మృతి..!!