తెలంగాణ బీజేపీ అధ్యక్ష పదవిపై ఎంపీ, కేంద్ర సహాయ మంత్రి బండి సంజయ్ హాట్ కామెంట్స్ చేశారు. తాను బీజేపీ అధ్యక్ష రేసులో లేనన్నారు. ఇస్తే వద్దనని స్పష్టం చేశారు. అధ్యక్షుడిగా ఇప్పటికే తానేంటో నిరూపించుకున్నానని తెలిపారు.  కొంత మంది వ్యక్తులు అధ్యక్షులం  అవుతున్నామని ప్రచారం చేసుకుంటున్నారని..  ఇలా ప్రచారం చేసుకోవడం పార్టీ క్రమశిక్షణకు వ్యతిరేకమని సంజయ్ చెప్పుకొచ్చారు. అలా ప్రచారం చేసుకుని  కార్యకర్తలను కన్య్ఫూజ్ చేయవద్దన్నారు.  పార్టీ పెద్దలు అధ్యక్షుడ్ని నిర్ణయిస్తారని..తాను కేంద్ర సహాయమంత్రిగా ఉన్నానని బండి సంజయ్ తెలిపారు.  అధ్యక్ష పదవిపై కేంద్ర నాయకత్వం చాలా సీరియస్‌‌గా ఉందని అన్నారు. అధిష్టానం ఏ నిర్ణయం తీసుకున్నా అంతా కట్టుబడి ఉండాలని నాయకులు, కార్యకర్తలకు సంజయ్ పిలునిచ్చారు.

Also read :  తెలంగాణలో భారీ వర్షాలు.. మరో రెండు రోజులూ ఇదే పరిస్థితి..!

Also read :  దువ్వాడ శ్రీనివాస్‌కు ‘డాక్టరేట్’.. ఎందుకో తెలుసా?

ఎమ్మెల్యే రాజాసింగ్ సంచలన వ్యాఖ్యలు

ఇదిలా వుంటే  బీజేపీ కొత్త అధ్యక్షుడి నియామకంపై ఎమ్మెల్యే రాజాసింగ్ సంచలన వ్యాఖ్యలు చేశారు. బీజేపీ అధ్యక్షుడిని స్టేట్ కమిటీ డిసైడ్ చేస్తే రబ్బర్ స్టాంప్‌గా ఉంటాడని..  సెంట్రల్ కమిటీ అధ్యక్షుడిని డిసైడ్ చేస్తే బాగుంటుందన్నారు రాజాసింగ్.  గతంలో ఎవరు అధ్యక్షుడు అయితే వారు గ్రూప్ తయారు చేసుకొని పార్టీకి నష్టం చేశారంటూ రాజాసింగ్ ఆరోపించారు.  గతంలో బీజేపీ అధ్యక్షులుగా పనిచేసిన వారు కార్యకర్తల్ని, సీనియర్ నాయకులను తొక్కేశారంటూ రాజాసింగ్ హాట్ కామెంట్స్ చేశారు.  బీజేపీ కొత్త అధ్యక్షుడిగా ఎన్నికైనవారు  సీక్రెట్ మీటింగులు, ముఖ్యమంత్రితో బ్యాక్ డోర్ మీటింగులు పెట్టకూడదంటూ సూచించారు. రాజాసింగ్ చేసిన ఈ కామెంట్స్  ఇప్పుడు రాష్ట్ర రాజకీయాల్లో ఆసక్తికరంగా మారింది.  

Also read : మరో విమానంలో అమెరికా నుంచి అక్రమ వలసదారుల రాక..ఈసారి ఎంతమంది వస్తున్నారంటే..?

Also read :  పార్టీ మార్పుపై నా ఆలోచన ఇదే.. సీఎం రేవంత్ తో భేటీపై మల్లారెడ్డి సంచలన వ్యాఖ్యలు!