బీఆర్ఎస్ MLCకి కోడిపందాల కేసులో నోటీసులు

ఫామ్‌హౌస్‌లో కోళ్ల పందాలు, క్యాసినో నిర్వహించిన కేసులో బీఆర్ఎస్ ఎమ్మెల్సీ పోచంపల్లి శ్రీనివాస్ రెడ్డికి పోలీసులు మరో సారి నోటీసులు ఇచ్చారు. మాదాపూర్‌లోని ఆయన ఇంటికి బుధవారం నోటీసులు అంటించారు.

మొయినాబాద్‌ ఫామ్​హౌస్​లో క్యాసినో, కోడి పందాల నిర్వాహణ కేసులో పోలీసులు లోతుగా దర్యాప్తు చేస్తున్నారు. ఇక్కడ క్యాసినో, కోడి పందాలు ఆడిన 61మందిపై కేసు నమోదు చేశారు. ఫామ్​​హౌస్‌ యజమాని బీఆర్‌ఎస్‌ ఎమ్మెల్సీ పోచంపల్లి శ్రీనివాస్‌రెడ్డికి 4 రోజుల్లో తమ ఎదుట విచారణకు హాజరు కావాలని ఫిబ్రవరిలో నోటీసులు జారీ చేశారు. ఆ నోటీసులకు ఆయన లాయర్ ద్వారా సమాధానం ఇచ్చారు. మొయినాబాద్‌ ఫామ్‌హౌస్‌లో క్యాసినో, కోళ్ల పందాల కేసులో శుక్రవారం వ్యక్తిగతంగా విచారణకు హాజరు కావాలని మళ్లీ పోలీసులు నోటీసులు జారీ చేశారు.

Also read: Lift accident: లిఫ్ట్‌లో మరో పసి ప్రాణం బలి.. మొన్న గంగారం, నేడు సురేందర్

శ్రీనివాస్‌రెడ్డి పై కూడా పోలీసులు కేసు నమోదు చేసి ఎఫ్‌ఐఆర్‌లో ఆయన పేరును చేర్చారు. కేవలం లీజుకు ఇచ్చి చేతులు దులుపుకోవడం కాకుండా అసలు ఫామ్​హౌస్‌లో ఏం జరుగుతోందని నిఘా ఉంచాల్సిన బాధ్యత కూడా యజమానిపై ఉందని పోలీసులు చెబుతున్నారు.

Also read: Holi : హోలీ రోజున పోలీసుల ఆంక్షలు.. ఇలా చేస్తే పోలీస్ కేసు ఫైల్