చాలా మంది విద్యార్థులు పదోతరగతి, ఇంటర్, డిగ్రీలో పరీక్షలు రాసే సమయంలో చిట్టీలు తీసుకొచ్చి కాపీ కొడుతుంటారు. అలా పరీక్షల్లో కాపీ కొట్టే సమయంలో ఒక్కోసారి దొరికిపోతుంటారు. దీంతో వెంటనే ఇన్విజిలేటర్ వారిని పరీక్ష రాయకుండా డిబార్ చేయడం వంటివి మనం చూసే ఉంటాం. అయితే ఇప్పుడు కూడా అలాంటిదే జరిగింది. ఆ కాపీయింగ్ ఇంటర్, డిగ్రీలో కాదు.. గ్రూప్ 1 ఎగ్జామ్‌లో జరిగింది. 

ఇది కూడా చదవండి: లారెన్స్ బిష్ణోయ్ గ్యాంగ్‌లో ఏడుగురు షూటర్లు అరెస్టు..

563 గూప్-1 పోస్టుల భర్తీకి ఎగ్జామ్

రాష్ట్రంలో 563 గూప్-1 పోస్టుల భర్తీకి సోమవారం మెయిన్స్ ఎగ్జామ్ నిర్వహించారు. హైదరాబాద్, మేడ్చల్, రంగారెడ్డి జిల్లాల పరిధిలోని 46 పరీక్షా కేంద్రాల్లో నిర్వహించారు. ఈ మెయిన్స్ ఎగ్జామ్స్‌కి మొదటి రోజు మొత్తం 31,403 మందికి గానూ 22,750 మంది హాజరయ్యారు.

ఇది కూడా చదవండి: కాటేసిన కాళేశ్వరం.. కేసీఆర్‌కు బిగ్ షాక్!

ఈ ఎగ్జామ్స్ అక్టోబర్ 22 నుంచి అక్టోబర్ 27 వరకు కొనసాగనున్నాయి. ఇందులో భాగంగానే ఈ పరీక్షలు మొదలై మూడు రోజులు సజావుగా సాగిపోయాయి. కానీ నాలుగో రోజు మాత్రం అనుకోని సంఘటన జరిగింది. ఎకానమీ అండ్ డెవలప్మెంట్ ఎగ్జామ్ జరుగుతుండగా.. ఓ అభ్యర్థిని కాపీయింగ్ చేస్తూ అడ్డంగా దొరికిపోయింది. 

అచ్చం స్కూల్, కాలేజీలో కాపీయింగ్ చేసినట్టుగా.. స్టేట్ లెవెల్ హయ్యర్ ఎగ్జామ్ అయిన గ్రూప్1లో కాపీయింగ్ చేసింది. ఈ ఘటన రంగారెడ్డి జిల్లాలో జరిగింది. వివరాల ప్రకారం.. ఇబ్రహీంపట్నం మండలం మంగల్ పల్లిలోని సీవీఆర్ ఇంజినీరింగ్ కాలేజీలో గ్రూప్1 మెయిన్స్ పరీక్షలు జరుగుతున్నాయి. అయితే 4వ రోజున కాపీయింగ్ చేస్తూ ఓ మహిళా అభ్యర్థిని అధికారులకు చిక్కింది. 

ఇది కూడా చదవండి: రూ.10 నాణేలు చెల్లుతాయి.. లావాదేవీలకు వాడొచ్చు

చీర కొంగులో చిట్టీలు

ఏకంగా చీర కొంగులో చిట్టీలు తీసుకొచ్చింది. ఇక కాపీయింగ్ చేస్తున్న క్రమంలో ఇన్విజిలేటర్ గుర్తించి అధికారులకు సమాచారం అందించారు. దీంతో అధికారులు పోలీసులకు సమాచారం అందించగా.. కాపీయింగ్ చేసిన అభ్యర్థిని పోలీసులు అదుపులోకి తీసుకున్నారు. కాగా ఆ అభ్యర్థినిది మహబూబ్ నగర్ జిల్లా పెద్దమందాడి మండలం గట్ల ఖానాపూర్ గ్రామం అని తెలిసింది. అంతేకాకుండా ఆమె గవర్నమెంట్ ఉద్యోగిని అని సమాచారం.