New Smartphone: మావా ఏంట్రా ఇది.. 32GB ర్యామ్- 100MP ఏఐ కెమెరా- 10100mAh బ్యాటరీతో కొత్త ఫోన్.. ధర ఎంతంటే?

ప్రముఖ స్మార్ట్‌ఫోన్ తయారీ సంస్థ DOOGEE తాజా DOOGEE S200 ప్లస్ ఫోన్‌ను విడుదల చేసింది. ప్రపంచంలోనే వెనుక భాగంలో కూడా AMOLED డిస్‌ప్లే ఉన్న మొట్టమొదటి ఫోన్ ఇదేనని కంపెనీ పేర్కొంది. ఈ ఫోన్ దృఢంగా ఉండటమే కాకుండా అనేక ఫీచర్లను కలిగి ఉందని కంపెనీ చెబుతోంది. ఇది IP68, IP69K, MIL-STD-810H సర్టిఫికేషన్ కలిగి ఉంది. దీని కారణంగా ఈ ఫోన్ 2 మీటర్ల లోతు నీటిలో 24 గంటలు ఉన్నా ఏం కాకుండా ఉంటుంది. ఈ ఫోన్‌లో 6.72 అంగుళాల ప్రధాన డిస్‌ప్లే ఉంది. ఇది FullHD ప్లస్ IPS ప్యానెల్‌తో వస్తుంది. 120Hz రిఫ్రెష్ రేటును కలిగి ఉంది. ఇందులో 10,100mAh బ్యాటరీ అందించారు. 

Also Read: సుంకాలు 90 రోజుల విరామం ఎఫెక్ట్.. భారీ లాభాల్లో భారత స్టాక్ మార్కెట్లు..

DOOGEE S200 Plus Price

DOOGEE S200 ప్లస్ ధర $529.99 (సుమారు రూ. 45,000)గా ఉంది. ఈ ఫోన్‌ను కంపెనీ అధికారిక వెబ్‌సైట్ doogee.com నుండి కొనుగోలు చేయవచ్చు. అంతేకాకుండా ఈ ఫోన్‌ను Amazon.com లో కూడా కొనుగోలు చేయడానికి అందుబాటులో ఉంది. 

Also Read: హెచ్ 1బీ వీసా, గ్రీన్ కార్డ్..నిత్యం ఉంచుకోవాల్సిందే..వలసదారులకు స్ట్రిక్ట్ రూల్స్

DOOGEE S200 Plus Specifictions

DOOGEE S200 ప్లస్ స్మార్ట్‌ఫోన్ 6.72 అంగుళాల FHD+ IPS ప్రధాన డిస్‌ప్లేను కలిగి ఉంది. ఈ ఫోన్ 120Hz రిఫ్రెష్ రేట్ తో వస్తుంది. అలాగే వెనుక భాగంలో 1.32-అంగుళాల AMOLED డిస్ప్లే ప్యానెల్ ఉంది. ఇది 466 × 466 పిక్సెల్స్ రిజల్యూషన్, 60Hz రిఫ్రెష్ రేట్ కలిగి ఉంది. ఈ డిస్ప్లే ద్వారా వినియోగదారులు YouTube వీడియోలను చూడవచ్చు. 

ఇది మీడియాటెక్ డైమెన్సిటీ 7300 చిప్‌సెట్‌ను కలిగి ఉంది. ఈ ఫోన్‌లో 5G కనెక్టివిటీ ఉంది. కంపెనీ ఫోన్‌లో 32 జీబీ ర్యామ్, 512 జీబీ ఇంటర్నల్ స్టోరేజ్‌ను అందించింది. TF కార్డు ఉపయోగించి స్టోరేజ్‌ను 2TB వరకు విస్తరించవచ్చు. ఈ ఫోన్ 10,100mAh భారీ బ్యాటరీతో వస్తుంది. దీనితో పాటు కంపెనీ 33W ఫాస్ట్ ఛార్జింగ్‌కు మద్దతును కూడా అందించింది. అలాగే ఈ ఫోన్ 18W రివర్స్ ఛార్జింగ్‌కు కూడా మద్దతు ఇస్తుంది. 

Also Read: Heavy Rains: తెలుగు రాష్ట్రాలకు ఐఎండీ హెచ్చరికలు జారీ.. 2 రోజుల పాటు ఈ జిల్లాల్లో ఎల్లో అలర్ట్

కెమెరా విషయానికొస్తే.. ఫోన్‌లో 100MP ప్రధాన కెమెరా ఉంది. ఇది AI ఫీచర్లకు మద్దతు ఇస్తుంది. ఫోన్‌లో 20MP నైట్ విజన్ సెన్సార్ కూడా ఉంది. మూడవ లెన్స్ 2MP మాక్రో లెన్స్ ఉంది. ఈ కెమెరాతో అనేక AI ఫీచర్లకు మద్దతును అందించింది. వీటిలో AI ఎరేస్, AI బ్యాక్‌గ్రౌండ్ రీప్లేస్‌మెంట్, AI పోర్ట్రెయిట్ వంటి ఫీచర్లు కూడా ఉన్నాయి. 

(mobile-offers | 5G Smart Phone | smart-phone | latest-telugu-news | telugu-news)