తెలంగాణ కాంగ్రెస్ సెకండ్ లిస్ట్ దసరా తర్వాతనే విడుదలయ్యే అవకాశం ఉన్నట్లు తెలుస్తోంది. మిగిలిన అన్ని స్థానాలకు ఒకే సారి అభ్యర్థులను ఖరారు చేయాలని పార్టీ హైకమాండ్ భావిస్తున్నట్లు సమాచారం. ఎక్కువగా పోటీ ఉన్న నియోజకవర్గాలకు సంబంధించిన అభ్యర్థులతో అధిష్టానం నేరుగా మాట్లాడుతోంది. ఈ నేపథ్యంలోనే లిస్ట్ ఆలస్యమవుతున్నట్లు పార్టీ వర్గాలు చెబుతున్నాయి.
తెలంగాణలో అసెంబ్లీ ఎన్నికల వేళ బీఆర్ఎస్ పార్టీకి బిగ్ షాక్ ఇచ్చింది సుప్రీంకోర్టు ధర్మాసనం. ఎన్నికల గుర్తుల కేటాయింపునకు సంబంధించి బీఆర్ఎస్ పార్టీ వేసిన పిటిషన్ను సుప్రీంకోర్టు కొట్టేసింది. 'రోడ్డు రోలర్', 'చపాతి మేకర్' లాంటి ఎన్నికల గుర్తులను కేటాయుంచద్దని, ఆ మేరకు ఎన్నికల సంఘాన్ని ఆదేశించాలని సుప్రీంకోర్టుకు బీఆర్ఎస్ పిటిషన్ దాఖలు చేసింది. జస్టిస్ అభయ్ ఓకా నేతృత్వంలోని ధర్మాసనం ఈ పిటిషన్ను విచారించింది. వాదనలు విన్న ధర్మాసనం.. బీఆర్ఎస్ వేసిన పిటిషన్ను కొట్టేసింది.
బండి సంజయ్కు అసెంబ్లీ ఎన్నికల్లో పోటీ చేసే అవకాశం లేనట్లే కనిపిస్తోంది. పార్టీ అధిష్టానం ఆయనకు వేరే బాధ్యతలు అప్పగించింది. దాని ఫలితంగా ఎమ్మెల్యే క్యాండిడేట్గా బండి నిలబడతారా? లేదా? అనేది ప్రశ్నార్థకంగా మారింది. దేశంలో తెలంగాణతో పాటు మరో నాలుగు రాష్ట్రాలకు అసెంబ్లీ ఎన్నికలు జరుగుతున్నాయి.ఈ నేపథ్యంలోనే పార్టీ జాతీయ కార్యదర్శిగా ఉన్న బండి సంజయ్ను ఛత్తీస్ ఘడ్ రాష్ట్రానికి స్టార్ క్యాంపెయినర్గా నియమించింది. దాంతో ఆయన ఆ రాష్ట్ర ఎన్నికల ప్రచారంలో పాల్గొనాల్సి ఉంటుంది.
చంద్రబాబు నాయుడు అరెస్ట్పై సంచలన కామెంట్స్ చేశారు మంత్రి హరీష్ రావు. బాబు అరెస్ట్ను ఖండిస్తున్నామన్నారు. కక్షపూరితమైన పాలిటిక్స్ అనేది మంచిది కాదని అభిప్రాయం వ్యక్తం చేశారు. తెలంగాణ ఏర్పాటై తొమ్మిదిన్నర ఏళ్లలో ఏనాడూ తాము ఇలా రాజకీయాలు చేయలేదున్నారు. ఒకవేళ తామే చేయాలనుకుంటే.. ఓటుకు నోటు కేసు సహా అనేక అంశాల్లో ఎవరూ జైలు నుంచి బయటకు రాకపోయేవారని వ్యాఖ్యానించారు.
తెలంగాణలో కాంగ్రెస్ అగ్రనేత రాహుల్ గాంధీ ప్రచారం జోరుగా సాగుతోంది. మంథనిలో రోడ్ షో నిర్వహించిన ఆయన.. కాంగ్రెస్ పార్టీ ఇచ్చిన మాటకు కట్టుబడి ఉంటుందన్నారు. '2004 లో తెలంగాణ ఏర్పాటు చేస్తామని మాట ఇచ్చింది.. రాష్ట్రం ఏర్పాటు చేసి ఇచ్చిన మాటను కాంగ్రెస్ నిలబెట్టుకుంది' అని గుర్తు చేశారు. అయితే, ఏ ఆకాంక్షలతో కాంగ్రెస్ తెలంగాణ ఇచ్చిందో ఆ ఆకాంక్షలు నెరవేరలేదన్నారు.
కాంగ్రెస్ బస్సు యాత్ర తుస్సుమనడం ఖాయమన్నారు మంత్రి కేటీఆర్. విభజన హామీలపై రాహుల్ ఎందుకు నోరు తెరవడం లేదని ఆయన ప్రశ్నించారు. కాంగ్రెస్ బస్సు యాత్రపై ట్విట్టర్లో నిప్పులు చెరిగారు కేటీఆర్. తెలంగాణ హక్కులపై ఎన్డీయేను ఏనాడూ ప్రశ్నించని రాహుల్కు తెలంగాణలో పర్యటించే అర్హత లేదన్నారు.
తెలంగాణలో ఎన్నికల బరిలోకి మరో కొత్త పార్టీ వచ్చింది. ఒకటి కాదు రెండు కాదు.. ఏకంగా రాష్ట్ర వ్యాప్తంగా ఉన్న 119 నియోజకవర్గాల్లోనూ బరిలో నిలుస్తామంటున్నారు ఆ పార్టీ అధ్యక్షుడు. తెలంగాణలో కొద్ది రోజుల కిందటే తెలంగాణ రాజ్య సమితి(TRS) పార్టీ పేరుతో కొత్త పార్టీ ఆవిర్భవించింది.
కేసీఆర్, కేటీఆర్ నిండు ఆశీర్వాదంతోనే ఎమ్మెల్సీగా ఉన్న కసిరెడ్డికి కాంగ్రెస్లో ఎమ్మెల్యే టికెట్ ఇచ్చారని బీజేపీ నాయకురాలు డీకే అరుణ ఆరోపించారు. ఆచారి బలం తట్టుకోలేక బీఆర్ఎస్, కాంగ్రెస్ అధికారం పంచుకోవాలనే ఓట్లు చీల్చాలనే దురుద్దేశంతో ఎమ్మెల్సీ కసిరెడ్డికి టికెట్ ఇచ్చారని ఆరోపించారు డీకే అరుణ.
బీఆర్ఎస్లో తనకు ప్రాధాన్యత ఇవ్వడం లేదనే కారణంతో కసిరెడ్డి నారాయణ రెడ్డి ఇటీవలే కాంగ్రెస్ పార్టీలోకి చేరారు. అయితే ఈసారి ఎన్నికల్లో కూడా జైపాల్ యాదవ్కు ఎమ్మెల్యే టికెట్ ఇవ్వడంపై ఆయన మండిపడ్డారు. 2018లో జైపాల్ యాదవ్ గెలుపు కోసం పనిచేశామని.. కానీ చివరికి తననే దూరం పెట్టారని అందుకే కాంగ్రెస్లోకి వెళ్లినట్లు తెలిపారు. నియోజకవర్గంలో ఎలాంటి అభివృద్ధి చేయకున్నా అధిష్ఠానం మళ్లీ ఆయనకే టికెట్ ఇచ్చిందని ఆరోపించారు.
/rtv/media/post_attachments/wp-content/uploads/2023/10/Tummala-and-Puvvada-jpg.webp)
/rtv/media/post_attachments/wp-content/uploads/2023/10/Telangana-Congress-jpg.webp)
/rtv/media/post_attachments/wp-content/uploads/2023/10/BRS-Supremecourt-jpg.webp)
/rtv/media/post_attachments/wp-content/uploads/2023/10/Bandi-Sanjay-Kumar-1-jpg.webp)
/rtv/media/post_attachments/wp-content/uploads/2023/10/Minister-Harish-Rao-2-jpg.webp)
/rtv/media/post_attachments/wp-content/uploads/2023/09/rahul-1-1-jpg.webp)
/rtv/media/post_attachments/wp-content/uploads/2023/09/Minister-KTR-5-jpg.webp)
/rtv/media/post_attachments/wp-content/uploads/2023/10/Telangana-Elections-5-jpg.webp)
/rtv/media/post_attachments/wp-content/uploads/2023/09/DK-Aruna-jpg.webp)
/rtv/media/post_attachments/wp-content/uploads/2023/10/MLC-Kasireddy-Naraya-reddy-jpg.webp)
