తెలంగాణలో కాంగ్రెస్ అగ్రనేతలు రాహుల్ గాంధీ, ప్రియాంక గాంధీ పర్యటన ఖారారైంది. ఈ నెల 18,19,20 తేదీల్లో వారు రాష్ట్రంలో బస్సు యాత్ర చేయనున్నారు. ముందుగా అక్టోబర్ 18న ములుగు జిల్లాలోని రామప్ప ఆలయాన్ని సందర్శించనున్నారు. రాహుల్, ప్రియాంక ముందు నుంచే శివ భక్తులు కావడంతో.. శివునికి పూజ చేసిన అనంతరం అక్కడి నుంచి బస్సు యాత్ర ప్రారంభిస్తారు.
కాంగ్రెస్ పార్టీ అధికారంలో ఉన్న ఛత్తీస్ గడ్ లో ఆవు పేడ కుంభకోణం బయట పడిందని.. కాంగ్రెస్ పార్టీ ఆఖరికి ఆవు పేడను కూడా వదలడం లేదంటూ నిప్పులు చెరిగారు కేంద్ర మంత్రి కిషన్ రెడ్డి. 9 ఏళ్లలో కమిషన్ల రూపంలో దోచుకున్న సొమ్మును ఖర్చు చేసేందుకు బీఆర్ఎస్ పార్టీ సిద్ధమైందని ధ్వజమెత్తారు. కాంగ్రెస్ పార్టీని వీడి బీఆర్ఎస్ లో చేరుతున్న పొన్నాల లక్ష్మయ్య పెనంలోంచి పొయ్యిలో పడుతున్నారన్నారు.
కాంగ్రెస్ స్క్రీనింగ్ మిటీ చైర్మన్ మురళీధరన్.. కీలక ప్రకటన చేశారు. అక్టోబర్ 15న కాంగ్రెస్ జాబితా విడుదల చేస్తామని ప్రకటించారు. జాబితాలో అన్ని వర్గాలకు తగిన ప్రాధాన్యత ఇచ్చామని చెప్పారు . గెలుపు అవకాశాలు, పార్టీకి విధేయత ఆధారంగా ఇవాళ్టి సమావేశంలో 70 సీట్లపై కసరత్తు పూర్తయ్యిందన్నారు.
మాజీ మంత్రి పొన్నాల లక్ష్మయ్య కాంగ్రెస్ రాజీనామా చేయడం తెలంగాణ రాజకీయాల్లో సంచలనంగా మారింది. లక్ష్మయ్య ఇంటికి మంత్రి కేటీఆర్ స్వయంగా వెళ్లి బీఆర్ఎస్ లోకి ఆహ్వానించే అవకాశం ఉంది. అయితే.. పొన్నాలను గులాబీ గూటికి చేర్చడంలో బీఆర్ఎస్ దాసోజు శ్రవణ్, కేశవరావు కీలక పాత్ర పోషిస్తున్నట్లు తెలుస్తోంది.
కాంగ్రెస్ లో బీసీలకు 34 టికెట్లు ఇవ్వాల్సిందేనని ఆ వర్గం నేతలు డిమాండ్ చేస్తున్నారు. ఇదే డిమాండ్ తో రేపు గాంధీభవన్ వద్ద ఉదయం 11 గంటల నుంచి సాయంత్రం 5 గంటల వరకు నిరసన చేపట్టనున్నట్లు ప్రకటించారు.
ఈ రోజు గాంధీభవన్ వద్ద ఆదివాసీలు మెరుపు ధర్నాకు దిగారు. ఆదిలాబాద్ ఉమ్మడి జిల్లా అసిఫాబాద్ నుండి గాంధీభవన్ కు ఆదివాసీలు భారీగా చేరుకున్నారు. వారి సంప్రదాయం ప్రకారం డప్పులు, కొమ్ములు, డోలుతో స్లొగన్స్ ఇస్తూ గాంధీభవన్ మెట్లమీద ధర్నా చేశారు.
గులాబీ బాస్ కేసీఆర్ (CM KCR) సైతం ఇక ప్రజల్లోకి వెళ్లేందుకు సిద్ధమవుతున్నారు. వరుస మీటింగ్ లతో ఆయన రాష్ట్రాన్ని చుట్టేయనున్నారు. పార్టీ అభ్యర్థులకు ఈనెల 15న సీఎం కేసీఆర్ తెలంగాణ భవన్లో బీఫామ్ లను అందజేయనున్నారు. అనంతరం హుస్నాబాద్ నియోజకవర్గ కేంద్రంలో నిర్వహించనున్న బహిరంగ సభలో సీఎం పాల్గొంటారు.
తెలంగాణలో ఈ రోజు మధ్యాహ్నం ఎన్నికల షెడ్యూల్ విడుదల కానుంది. ఇటీవల ఎన్నికల కమిషన్ విడుదల చేసిన లెక్కల ప్రకారం.. తెలంగాణలో మొత్తం ఓటర్లు 3,17,17,389 మంది కాగా.. పురుష ఓటర్లు 1,58,71,493 మంది, మహిళా ఓటర్లు 1,58,43,339 మంది ఉన్నారు.
జనగామ ఎమ్మెల్యే ముత్తిరెడ్డి యాదగిరి రెడ్డి ఈ రోజు తెలంగాణ ఆర్టీసీ చైర్మన్ గా బాధ్యతలు స్వీకరించారు. దీంతో ఆయన ఎమ్మెల్యే టికెట్ రేసు నుంచి తప్పుకున్నట్లు అర్థం అవుతోంది. దీంతో పల్లా రాజేశ్వర్ రెడ్డికి జనగామా టికెట్ విషయంలో లైన్ క్లీయర్ అయినట్లు ఆయన సన్నిహితులు చెబుతున్నారు.
/rtv/media/post_attachments/wp-content/uploads/2023/10/Jitta-Balakrishna-reddy-jpg.webp)
/rtv/media/post_attachments/wp-content/uploads/2023/10/Rahul-Gandhi-and-Priyanka-Gandhi-jpg.webp)
/rtv/media/post_attachments/wp-content/uploads/2023/09/Union-Minister-Kishan-Reddy-jpg.webp)
/rtv/media/post_attachments/wp-content/uploads/2023/10/Telangana-Congress-Candidat-jpg.webp)
/rtv/media/post_attachments/wp-content/uploads/2023/10/ponnala-laxmaiah-1-jpg.webp)
/rtv/media/post_attachments/wp-content/uploads/2023/08/tcongress-jpg.webp)
/rtv/media/post_attachments/wp-content/uploads/2023/10/Telangana-Congress--jpg.webp)
/rtv/media/post_attachments/wp-content/uploads/2023/10/CM-KCR-1-jpg.webp)
/rtv/media/post_attachments/wp-content/uploads/2023/10/Telangana-Elections-jpg.webp)
/rtv/media/post_attachments/wp-content/uploads/2023/08/FotoJet-59-jpg.webp)
