పార్టీ మార్పుపై సస్పెన్స్ కు కోమటిరెడ్డి రాజగోపాల్ రెడ్డి తెరదించారు. బీజేపీకి రాజీనామా చేస్తున్నట్లు ప్రకటన విడుదల చేశారు. కాంగ్రెస్ లో చేరనున్నట్లు ప్రకటించారు. ఎల్లుండి రాహుల్ గాంధీ సమక్షంలో రాజగోపాల్ రెడ్డి కాంగ్రెస్ పార్టీలో చేరనున్నట్లు తెలుస్తోంది.
రామగుండం మాజీ ఎమ్మెల్యే సోమారపు సత్యనారాయణ త్వరలోనే బీఆర్ఎస్ పార్టీలో చేరే అవకాశం ఉన్నట్లు తెలుస్తోంది. బీఆర్ఎస్ పెద్దలతో ఆయన టచ్ లోకి వెళ్లినట్లు వార్తలు వస్తున్నాయి. ఎమ్మెల్సీగా అవకాశం కల్పిస్తామని ఆయనకు హామీ లభించినట్లు సమాచారం.
ముఖ్యంత్రి కేసీఆర్ తలచుకుంటే రేవంత్ రెడ్డిని ఓటుకు నోటు కేసులో ఎప్పుడో జైల్లో పెట్టేవారని మంత్రి హరీష్ రావు వ్యాఖ్యానించారు. విపక్షాలు ఎన్ని ట్రిక్కులు చేసినా కూడా బీఆర్ఎస్ హ్యాట్రిక్ కొడుతుందని ధీమా వ్యక్తం చేశారు. ప్రత్యేక తెలంగాణ కోసం ప్రాణాలు పణంగా పెట్టిన వ్యక్తి కావాలో లేక ఉద్యమ కారుల భుజాలపై తుపాకీ గురిపెట్టిన వ్యక్తులు కావాలో ప్రజలే ఆలోచించాలన్నారు. రాబోయే ఎన్నికల్లో.. ధరణిని బంగాళఖాతంలో కలపాలన్న వారినే ప్రజలు అదే బంగాళాఖాతంలో ముంచుతారని పేర్కొన్నారు.
తెలంగాణ అసెంబ్లీ ఎన్నికల్లో టీడీపీ పోటీ నుంచి తప్పుకుందంటూ సామాజిక మాధ్యమాల్లో విస్తృతంగా ప్రచారం జరుగుతుండడంపై తెలంగాణ టీడీపీ అధ్యక్షుడు కాసాని జ్ఞానేశ్వర్ స్పందించారు. సోషల్ మీడియాలో వస్తున్న ప్రచారాన్ని ఖండించారు. బాబుతో కాసాని జ్ఞానేశ్వర్ ములాఖత్ అయ్యారు. మరోవైపు బీజేపీతో పవన్ కళ్యాణ్ చర్చలు జరుపుతున్నారు. మరింత సమాచారం కోసం ఈ ఆర్టికల్ను చదవండి.
కాంగ్రెస్ ఎంపీ ఉత్తమ్ కుమార్ రెడ్డి సంచలన వ్యాఖ్యలు చేశారు. హుజూర్నగర్లో తాను 50 వేల మెజార్టీతో గెలుస్తానని ధీమా వ్యక్తం చేశారు. 50 వేల మెజార్టీకి ఒక్క ఓటు తగ్గినా కూడా రాజకీయాల నుంచి తప్పుకుంటానని పేర్కొన్నారు. అలాగే కాంగ్రెస్లో చేరిన వారికి సముచిత స్థానాలు కల్పిస్తామని తెలిపారు. అందరూ సమన్వయంతో పనిచేసి కాంగ్రెస్ను అధికారంలోకి తీసుకురావాలని పిలుపునిచ్చారు.
ఈ నెల 27న అమిత్ షా తెలంగాణలో పర్యటించనున్నారు. ఈ సందర్భంగా జనసేన అధినేత పవన్ కల్యాణ్ అమిత్ షా భేటీ కానున్నారు. ఈ సందర్భంగా తెలంగాణ ఎన్నికల్లో పొత్తులు, సీట్ల పంపకంపై వీరిద్దరి మధ్య చర్చ జరిగే అవకాశం ఉన్నట్లు తెలుస్తోంది.
ఎన్నికలకు ముందు సీఎం కేసీఆర్కు బిగ్ షాక్ ఇచ్చారు కామారెడ్డి రైతులు. ఈ ఎన్నికల్లో కేసీఆర్ రెండు చోట్ల నుంచి పోటీ చేయనున్న విషయం తెలిసిందే. అందులో కామారెడ్డి ఒకటి. ఇక్కడ నుంచి అసెంబ్లీ బరిలో రైతులు నామినేషన్లు వేయనున్నారు. లింగాపూర్లో ఎనిమిది గ్రామాల మాస్టర్ ప్లాన్ బాధితులు సమావేశం అయ్యారు. 120మంది నామినేషన్లు వేయాలని నిర్ణయం తీసుకున్నారు.
కరెంట్ రావడం లేదని ఆగ్రహం వ్యక్తం చేస్తూ కర్ణాటకలోని ఓ గ్రామ రైతులు సబ్ స్టేషన్లో మొసలిని వదిలారు. ఈ వీడియోను మంత్రి కేటీఆర్ తన ట్విట్టర్ ఖాతాలో పోస్టు చేశారు. 'ముందుంది మొసళ్ల పండుగ అంటే ఇదేనేమో' అంటూ కాంగ్రెస్ నేతలపై సెటైర్లు వేశారు కేటీఆర్.
ధరణి వద్దు అంటే పటేల్ పట్వారీ వ్యవస్థ తెస్తారా అంటూ కాంగ్రెస్పై విమర్శలు చేశారు మంత్రి హరీశ్రావు. కర్ణాటక రైతులు అక్కడి ప్రభుత్వాన్ని తిట్టుకుంటున్నారన్నారు. ఉద్యమకారులుపై తుపాకీ పట్టిన వ్యక్తులు ఇప్పుడు రాష్ట్రం కోసం ఎగబడుతున్నారంటూ ఘాటు వ్యాఖ్యలు చేశారు హరీశ్రావు. రాష్ట్రం కేసీఆర్ చేతుల్లో ఉంటేనే సుభిక్షంగా ఉంటుందన్నారు. తెలంగాణ పాల పిట్ట కేసీఆర్ అంటూ కొనియాడారు హరీశ్రావు.
/rtv/media/post_attachments/wp-content/uploads/2023/10/komatireddy-rajagopal-reddy-1-1-jpg.webp)
/rtv/media/post_attachments/wp-content/uploads/2023/10/Komatireddy-Rajagopal-reddy-2-jpg.webp)
/rtv/media/post_attachments/wp-content/uploads/2023/09/FotoJet-2023-09-01T163446.984-jpg.webp)
/rtv/media/post_attachments/wp-content/uploads/2023/10/Harish-rao-2-1-jpg.webp)
/rtv/media/post_attachments/wp-content/uploads/2023/10/cbn-2-jpg.webp)
/rtv/media/post_attachments/wp-content/uploads/2023/10/Uttam-jpg.webp)
/rtv/media/post_attachments/wp-content/uploads/2023/10/Amith-Shah-Janasena--jpg.webp)
/rtv/media/post_attachments/wp-content/uploads/2023/10/kamareddy-jpg.webp)
/rtv/media/post_attachments/wp-content/uploads/2023/10/Minister-KTR-2-jpg.webp)
/rtv/media/post_attachments/wp-content/uploads/2023/10/harish-rao-revanth-reddy-jpg.webp)
