BCCI సంచలనం : సూర్యకుమార్‌కు నో ప్లేస్ : కెప్టెన్సీ కూడా ఔట్!

ఇంగ్లాండ్, ఐర్లాండ్ పర్యటనల కోసం భారత టీ20 జట్లను ప్రకటించారు. ఈ ఎంపికలో బీసీసీఐ సెలక్టర్లు కొన్ని సంచలన నిర్ణయాలు తీసుకున్నారు. ప్రస్తుతం ఫామ్‌లో లేని సూర్యకుమార్ యాదవ్‌ను కెప్టెన్సీ నుంచే కాకుండా ఏకంగా జట్టు నుంచే తొలగించారు. ఆయన స్థానంలో స్టార్ బ్యాటర్ శ్రేయస్ అయ్యర్‌ను భారత సరికొత్త టీ20 కెప్టెన్‌గా నియమించారు. అలాగే భవిష్యత్తును దృష్టిలో ఉంచుకుని 23 ఏళ్ల యువ ఆటగాడు తిలక్ వర్మకు వైస్ కెప్టెన్ బాధ్యతలను అప్పగించారు. రాబోయే కాలంలో భారత జట్టు విజయాల్లో తిలక్ వర్మ కీలక పాత్ర పోషిస్తాడని సెలక్టర్లు గట్టిగా నమ్ముతున్నారు.

ఇక ఐపీఎల్‌లో అద్భుత ప్రదర్శన చేసిన వైభవ్ సూర్యవంశీ తొలిసారిగా భారత సీనియర్ జట్టుకు ఎంపికయ్యాడు. దీనితో భారత జట్టుకు ఎంపికైన అత్యంత పిన్న వయస్కుడైన క్రికెటర్‌గా వైభవ్ సరికొత్త చరిత్ర సృష్టించాడు. గతంలో ఈ రికార్డు మాజీ దిగ్గజం సచిన్ టెండూల్కర్ పేరిట ఉండేది, ఆయన 16 ఏళ్ల వయసులో భారత జట్టుకు ఎంపికయ్యారు. 

ఇక కొత్త కెప్టెన్ శ్రేయస్ అయ్యర్‌కు ఐపీఎల్‌లో మూడు వేర్వేరు జట్లను నడిపించిన మంచి అనుభవం ఉంది. ఆయన సారథ్యంలో 2024లో కోల్‌కతా నైట్ రైడర్స్ ఛాంపియన్‌గా నిలిచింది. అలాగే 2020లో ఢిల్లీ క్యాపిటల్స్ జట్టును, 2025లో పంజాబ్ కింగ్స్ జట్టును ఫైనల్‌కు చేర్చాడు. బ్యాటింగ్‌లోనూ అయ్యర్ అద్భుతమైన ఫామ్‌లో ఉన్నాడు. ఆయన ఐపీఎల్ 2025 సీజన్‌లో 175.07 స్ట్రైక్-రేట్‌తో 604 పరుగులు, అలాగే ఐపీఎల్ 2026 సీజన్‌లో 168.81 స్ట్రైక్-రేట్‌తో 498 పరుగులు చేసి అదరగొట్టాడు.

ఐసీసీ ట్రోఫీని గెలిపించిన కెప్టెన్‌ను పదవి నుంచి తొలగించడం సెలక్షన్ కమిటీకి ఇది వరుసగా రెండో ఏడాది కావడం గమనార్హం. అంతకుముందు 2025 మార్చిలో భారత్‌కు ఛాంపియన్స్ ట్రోఫీని అందించిన రోహిత్ శర్మను, ఆ తర్వాత అక్టోబర్‌లో ఆస్ట్రేలియాతో జరిగిన సిరీస్ కంటే ముందు వన్డే కెప్టెన్సీ నుంచి సెలక్టర్లు తప్పించారు.

ఐర్లాండ్ పర్యటనకు వెళ్లే భారత జట్టు:

శ్రేయస్ అయ్యర్ (కెప్టెన్), తిలక్ వర్మ (వైస్ కెప్టెన్), రవి బిష్ణోయ్, అభిషేక్ శర్మ, నితీష్ కుమార్ రెడ్డి, మహమ్మద్ సిరాజ్, సంజూ శాంసన్, అక్షర్ పటేల్, హర్షిత్ రాణా, ఇషాన్ కిషన్, వాషింగ్టన్ సుందర్, అర్ష్‌దీప్ సింగ్, శివమ్ దూబే, వరుణ్ చక్రవర్తి, ప్రిన్స్ యాదవ్, వైభవ్ సూర్యవంశీ.

ఇంగ్లాండ్ పర్యటనకు వెళ్లే భారత జట్టు:

శ్రేయస్ అయ్యర్ (కెప్టెన్), అభిషేక్ శర్మ, సంజూ శాంసన్, ఇషాన్ కిషన్, శివమ్ దూబే, తిలక్ వర్మ (వైస్ కెప్టెన్), నితీష్ కుమార్ రెడ్డి, ప్రిన్స్ యాదవ్, వాషింగ్టన్ సుందర్, వరుణ్ చక్రవర్తి, రవి బిష్ణోయ్, మహమ్మద్ సిరాజ్, హర్షిత్ రాణా, అర్ష్‌దీప్ సింగ్, వైభవ్ సూర్యవంశీ.