హార్దిక్‌ షాట్‌కు క్రికెట్ లోకం ఫిదా.. డేంజరస్ అంటూ ప్రశంసలు!

Hardik Pandya: భారత స్టార్ ఆల్‌రౌండర్‌ హార్దిక్‌ పాండ్యపై మరోసారి ప్రశంసలు కురుస్తున్నాయి. 2024 టీ20 వరల్డ్ కప్‌ ఫైనల్లో అద్భుత ప్రదర్శనతో విమర్శకుల నుంచి ప్రశంసలు అందుకున్న హార్డిక్.. బంగ్లాదేశ్‌తో ఆడిన తొలి మ్యాచ్‌లో ఆల్ రౌండ్ షోతో అదరగొట్టాడు. ముఖ్యంగా తాను ఆడిన ఓ షాట్ క్రికెట్ లోకాన్ని ఆశ్చర్యపరిచింది. దీంతో పాండ్యా ఇప్పుడు సోషల్ మీడియాలో హాట్ టాపిక్‌గా మారిపోయాడు. 

View this post on Instagram

A post shared by Rezwan Raju (@rezwanraju143)

ఈ మేరకు ఆదివారం గ్వాలియర్ వేదికగా జరిగిన మ్యాచ్ లో కేవలం 16 బంతుల్లోనే 5 ఫోర్లు, 2 సిక్స్‌ల సాయంతో 39 (నాటౌట్) పరుగులు చేసి జట్టు విజయంలో కీలక పాత్ర పోషించాడు పాండ్యా. అయితే బంగ్లా బౌలర్ తస్కిన్ అహ్మద్ బౌలింగ్‌లో కొట్టిన ఫోర్ అద్భుతమంటూ క్రికెట్ విశ్లేషకులు చెబుతున్నారు. ఇన్నింగ్స్‌లో 12వ ఓవర్‌ వేసిన బంగ్లా బౌలర్ తస్కిన్ అహ్మద్.. మూడో బంతిని షార్ట్‌పిచ్ వేద్దామని అనుకున్నాడు. కానీ మిడిల్ - లెగ్‌ స్టంప్స్‌ మీదుగా సరిపడా హైట్ కు రాలేదు. దీంతో ఆ బంతిని హార్దిక్‌ జస్ట్‌ ర్యాంప్‌ చేయడంతో వికెట్ కీపర్ తలపై నుంచి సెకన్లతో బౌండరీ లైన్‌కు దూసుకుపోయింది. హార్దిక్‌ వెనక్కి తిరిగి చూడలేదు. నాన్‌స్ట్రైకింగ్‌ ఎండ్‌లో ఉన్న నితీశ్‌కుమార్‌ ఆశ్చర్యపోయాడు. ఇందుకు సంధించిన వీడియో నెట్టింట తెగ వైరల్ అవుతోంది. దీంతో హార్దిక్ ఫామ్‌లో ఉంటే ఎంత డేంజరస్‌ ప్లేయరో మరోసారి నిరూపించాడంటూ ఫ్యాన్స్ కామెంట్స్ చేస్తున్నారు.