కోర్టులు కొన్ని విచిత్రమైన కేసులపై కూడా కొత్తగా తీర్పులు ఇస్తుంటాయి. అవి కూడా కొంత ఆశ్చర్యంగానూ, ఆలోచించే విధంగానూ ఉంటాయి. అయితే తాజాగా బాంబే హైకోర్టుకు చెందిన నాగ్‌పుర్ బెంచ్‌ కూడా ఇలాంటి తీర్పునిచ్చింది. ఇంతకీ ఏం జరిగిందో తెలుసుకోవాలంటే ఈ స్టోరీ చదవాల్సిందే. ఇక వివరాల్లోకి వెళ్తే.. ఓ యువతి.. తనని పెళ్లి చేసుకుంటానని నమ్మించి అత్యాచారం చేశాడంటూ ఓ ప్రేమికుడిపై కోర్టులో పిటిషన్ వేసింది.

Also Read: పద్మ అవార్డ్ గ్రహీతలను సత్కరించనున్న సీఎం రేవంత్ రెడ్డి

అయితే ఆ యువకుడు కూడా కోర్టులో పటిషన్‌ వేశాడు. ఆమెను పెళ్లి చేసుకుందామన్న ఉద్దేశంతోనే ఉన్నానని.. మేమిద్దరం కూడా శృంగారంలో కూడా పాల్గొన్నామని పేర్కొన్నాడు. కానీ ఆమె తల్లిదండ్రులు మా వివాహానికి అంగీకరించలేదని.. అందుకే వేరే అమ్మాయితో నిశ్చితార్థం చేసుకోవాల్సి వచ్చిందని కోర్టుకు చెప్పాడు. ఈ పిటిషన్లను విచారించిన జస్టిస్‌ ఎం.డబ్ల్యూ.చాంద్‌వానీ నేతృత్వంలోని ఏకసభ్య ధర్మాసనం.. ఆ యువకుడి వాదనను అంగీకరించింది.

అత్యాచారం చేశాడని చెప్పలేం..

పెళ్లి చేసుకుంటానన్న వాగ్దానాన్ని మాత్రమే నిందితుడు ఉల్లంఘించాడని.. శారీరక సంబంధం పెట్టుకునేందుకు దాన్నొక సాకుగా వాడుకోలేదని పేర్కొంది. వాగ్దాన ఉల్లంఘన, హామీని నెరవేర్చకపోవడం మధ్య తేడా ఉంటుందని ధర్మాసనం పేర్కొంది. ఊహించని పరిస్థితుల వల్ల నిందితుడు తన హామీని నెరవేర్చలేకపోయాడు. వాస్తవానికి అతను ముందునుంచి పెళ్లి చేసుకోవాలనే ఉద్దేశంతోనే ఉన్నాడు. ఇందుకు తల్లిందడ్రులు అంగీకరించలేదు. కాబట్టి అతడు అత్యాచారం చేశాడని చెప్పలేం అంటూ ధర్మాసనం తేల్చిచెప్పింది. అత్యాచారం చేశాడంటూ ఆ యువతి వేసిన పిటిషన్‌ను కొట్టివేసింది.

Also Read: పూనమ్‌ మరణం డ్రామాతో కంగుతిన్న జనం.. బీపీ పెంచిన నటి పోస్ట్!