Sumanth Prabhas: తొలి సినిమా 'మేమ్ ఫేమస్' తో సూపర్ హిట్ కొట్టాడు యంగ్ హీరో సుమంత్ ప్రభాస్.  పల్లెటూరి యూత్ కథా నేపథ్యంతో రూపొందిన ఈ చిత్రం ప్రేక్షకులను విపరీతంగా ఆకట్టుకుంది. దీంతో సుమంత్ క్రేజ్ అమాంతం పెరిగిపోయింది. కెరీర్ లో మంచి అవకాశాలు రావడం మొదలయ్యాయి.  అలా తన రెండవ ప్రాజెక్ట్  రెడ్ పెప్పెట్ నిర్మాణంలో చేస్తున్నాడు. అయితే తాజాగా ఈమూవీ టైటిల్ అనౌన్స్ చేశారు మేకర్స్. 

View this post on Instagram

A post shared by Sumanth Prabhas (@sumanth.prabhas)

 'గోదారి గట్టుపైన'

డెబ్యూ డైరెక్టర్ సుభాష్ చంద్ర దర్శకత్వం వహిస్తున్న ఈ చిత్రానికి  'గోదారి గట్టుపైన' అనే టైటిల్ ఫిక్స్ చేశారు. ఇందుకు సంబంధించిన పోస్టర్ కూడా రిలీజ్ చేశారు. గ్రామీణ నేపథ్యంలో రొమాంటిక్ కామెడీ డ్రామాగా ఈ చిత్రం ఉండబోతున్నట్లు తెలుస్తోంది. ఇందులో సుమంత్  గోదావరి ప్రాంతానికి చెందిన యువకుడిగా కనిపించనున్నాడు. నిధి ప్రదీప్ కథానాయికగా నటిస్తుండగా, జగపతి బాబు  ప్రధాన పాత్ర పోషిస్తున్నారు. కమెడియన్ సుధాకర్, వైవా రాఘవ్, రాజ్ కుమార్ కసిరెడ్డి తదితరులు కూడా కీలక పాత్రలు పోషిస్తున్నారు. గతేడాది ప్రారంభించిన ఈ చిత్రం ప్రస్తుతం చిత్రీకరణ దశలో ఉంది. సాయిసంతోష్ సినిమాటోగ్రాఫర్ గా పనిచేస్తుండగా.. నాగ వంశీ కృష్ణ సంగీతం అందిస్తున్నారు  ఈమూవీకి.  

cinema-news Godari Gattupaina