Producer Dil Raju : టాలీవుడ్‌లో ప్రస్తుతం బాలకృష్ణ - దిల్‌రాజు కాంబినేషన్ లో సినిమా హాట్ టాపిక్‌గా నిలుస్తోంది. ఈ కలయిక తెలుగు సినీ ప్రేమికులందరిలోనూ ఎంతగానో ఆసక్తిని రేకెత్తిస్తోంది. దిల్‌రాజు ఇప్పటిదాకా బాలయ్యతో కలిసి సినిమా చేసిన దాఖలాలు లేవు. గతంలో చాలాసార్లు బాలయ్యతో సినిమా చేయడానికి ప్రయత్నించారు, కానీ కుదరలేదు. ఇక ఎట్టకేలకు ఇప్పుడు బాలయ్యతో ఒక భారీ చిత్రాన్ని నిర్మించడానికి సిద్ధంగా ఉన్నారని వార్తలు వస్తున్నాయి.

బాలయ్య ఇప్పటికే ఎన్నో సూపర్ హిట్ సినిమాలతో ప్రేక్షకులను అలరించారు. దిల్‌రాజు వంటి ప్రముఖ నిర్మాతతో కలిసి పని చేయడం బాలయ్య కెరీర్‌లో మరో మైలురాయిగా నిలువనుంది. దిల్‌రాజు కుటుంబ కథా చిత్రాలకు ప్రసిద్ధి. అలాంటి ఆయన బాలయ్య వంటి మాస్ హీరోతో కలిసి ఎలాంటి కథను ఎంచుకుంటారు అనేది సర్వత్రా ఆసక్తికరంగా మారింది.

Also Read : రాజమౌళి – మహేష్ మూవీపై RGV ఇంట్రెస్టింగ్ కామెంట్స్.. ఊహలకే అందదంటూ..!

ఇటీవల ఓ యంగ్ డైరెక్టర్ బాలయ్యకు కథ వినిపించగా.. అది ఆయనకు నచ్చిందని, దిల్ రాజు ఈ ప్రాజెక్ట్ ను నిర్మించనున్నట్టు టాక్ వినిపిస్తుంది. దీంతోఈ  కాంబినేషన్‌లో సినిమా వస్తుందనే వార్త సోషల్ మీడియాలో వైరల్ అవుతుంది. ఇంకా ఈ సినిమాకు సంబంధించిన అధికారిక ప్రకటన రాలేదు. కథ ఏమిటి, దర్శకుడు ఎవరు వంటి విషయాలు తెలియాల్సి ఉంది. ఇక బాలయ్య ప్రస్తుతం బాబీ దర్శకత్వంలో 'NBK109' మూవీ చేస్తున్నారు. యాక్షన్ ఎంటర్టైనర్ గా తెరకెక్కుతున్న ఈ సినిమా సెప్టెంబర్ లో ప్రేక్షకుల ముందుకు రానుంది.