Patanjali Case: మీ క్షమాపణలు అంగీకరించం.. పతంజలికి సుప్రీం షాక్! ప్రజలను తప్పుదోవ పట్టించే ప్రకటనలు ఇస్తున్నారంటూ పతంజలి సంస్థపై ఇండియన్ మెడికల్ అసోసియేషన్ దాఖలు చేసిన కేసులో.. పతంజలి కోర్టుకు చెప్పిన బేషరతు క్షమాపణలను అగీకరించడం లేదంటూ ధర్మాసనం వెల్లడించింది. కోర్టు ఆదేశాలను ఉద్దేశపూర్వకంగానే ఉల్లంఘిస్తున్నారని కోర్టు పేర్కొంది. By KVD Varma 10 Apr 2024 in బిజినెస్ Latest News In Telugu New Update షేర్ చేయండి Patanjali Case: తప్పుదోవ పట్టించే ప్రకటనలను ప్రసారం చేసినందుకు పతంజలి ఆయుర్వేద్, రామ్దేవ్-బాలకృష్ణ అందించిన 'బేషరతు' క్షమాపణలను అంగీకరించడానికి సుప్రీంకోర్టు ఈరోజు అంటే ఏప్రిల్ 10 న నిరాకరించింది . కోర్టు ధిక్కార చర్యలను తేలికగా తీసుకున్నందుకు గానూ వారిపై సుప్రీంకోర్టు తీవ్రంగా విరుచుకుపడింది. "మీ అఫిడవిట్ను అంగీకరించడానికి మేము నిరాకరిస్తున్నాము. మీరు ఉద్దేశపూర్వకంగానే, మా ఆదేశాలను పదేపదే ఉల్లంఘించినట్లు మేము భావిస్తున్నాము" అని న్యాయమూర్తులు హిమా కోహ్లీ, అహ్సానుద్దీన్ అమానుల్లాతో కూడిన ధర్మాసనం పేర్కొంది. ఏప్రిల్ 9న, యోగా గురువు రామ్దేవ్- పతంజలి ఆయుర్వేద్ లిమిటెడ్ మేనేజింగ్ డైరెక్టర్ ఆచార్య బాలకృష్ణ తమ ఉత్పత్తుల ఔషధ సామర్థ్యం గురించి(Patanjali Case) తమ వాదనలు వినిపిస్తూ.. సంస్థ జారీ చేసిన ప్రకటనలపై బేషరతుగా సుప్రీం కోర్టుకు క్షమాపణలు చెప్పారు. అయితే, జస్టిస్ కోహ్లీ “ఈ క్షమాపణలు కోర్టుకు చేరడానికంటే ముందుగానే, అంటే నిన్న సాయంత్రం 7:30 ఘటనల సమయంలో మీడియాకు మొదట పంపించారు. అది మాకోసం పంపించలేదు. మీరు పబ్లిసిటీని కోరుకుంటున్నట్టు స్పష్టంగా అర్ధం అవుతోంది’’ అంటూ పేర్కొన్నారు. Also Read: తప్పుడు ప్రకటనలు.. క్షమాపణ చెప్పిన బాబా రామ్దేవ్ అంతేకాకుండా(Patanjali Case) “క్షమాపణలు కాగితం మీద మీద మాత్రమే ఉన్నాయి. వారు నిజానికి దీనికి వ్యతిరేకంగా వ్యవహరిస్తున్నారు. అందుకే మేము దీనిని అంగీకరించడానికి నిరాకరిస్తున్నాము, ఇది ఉద్దేశపూర్వకంగా చేపట్టిన ఉల్లంఘనగా మేము భావిస్తున్నాము. అఫిడవిట్ తిరస్కరణ తర్వాత దేనికైనా సిద్ధంగా ఉండండి" అని జస్టిస్ కోహ్లి స్పష్టం చేశారు. గతంలోనూ.. గతంలో ఈ కేసు(Patanjali Case) విషయంలో నవంబర్ 21, 2023 న, పతంజలి ఆయుర్వేద్కు ప్రాతినిధ్యం వహిస్తున్న న్యాయవాది ''ఇకపై ఎటువంటి చట్టాల ఉల్లంఘన జరగదని, ముఖ్యంగా ఔషధ సమర్థతను క్లెయిమ్ చేసే లేదా ఏదైనా ఔషధ వ్యవస్థకు వ్యతిరేకంగా ఎటువంటి సాధారణ ప్రకటనలు ఏ రూపంలోనైనా మీడియాకు విడుదల చేయడం జరగదని” కోర్టుకు తెలిపారు. కొన్ని వ్యాధులను నయం చేయడం గురించి తప్పుడు వాదనలు చేసినందుకు పతంజలిపై ఇండియన్ మెడికల్ అసోసియేషన్ కేసు నమోదు చేయడంతో పతంజలి న్యాయవాది సుప్రీం కోర్టుకు ఇలా హామీ ఇచ్చారు. అయితే, నిర్దిష్ట హామీని పాటించకపోవడం-తదుపరి మీడియా ప్రకటనలు అత్యున్నత న్యాయస్థానాన్ని చికాకు పెట్టాయి, తరువాత వారిపై ధిక్కార చర్యలు ఎందుకు ప్రారంభించలేదో చూపాలని వారికి(Patanjali Case) ఈ మార్చి 19న నోటీసు జారీ చేసింది.కంపెనీ ఉత్పత్తుల ప్రకటనలు,వాటి ఔషధ ప్రభావానికి సంబంధించిన కేసులో జారీ చేసిన నోటీసుపై కంపెనీ స్పందించడంలో విఫలమైన తర్వాత కోర్టు రామ్దేవ్, బాలకృష్ణలను తమ ముందు హాజరుకావాలని ఆదేశించింది. ఈ నేపథ్యంలోనే పతంజలి(Patanjali Case) సుప్రీంకోర్టుకు బేషరతుగా క్షమాపణలు చెప్పారు. అయితే, ఇప్పుడు సుప్రీంకోర్టు ధర్మాసనం పతంజలి క్షమాపణను తిరస్కరిస్తున్నట్టు స్పష్టం చేసింది. ఇప్పుడు పతంజలి పై సుప్రీంకోర్టు తదుపరి ఎటువంటి చర్యలు తీసుకోబోతుంది అనే విషయంపై సర్వత్రా ఆసక్తి నెలకొంది. #patanjali-case #supreme-court #patanjali సంబంధిత కథనాలు Advertisment Advertisment తాజా కథనాలు తదుపరి కథనాన్ని చదవండి