వన్‌ప్లస్ స్మార్ట్ ఫోన్‌పై ఏకంగా రూ. 15 వేలు తగ్గింపు!

వివిధ సంస్థలు స్పెషల్ సేల్స్ నిర్వహిస్తూ స్మార్ట్‌ఫోన్లు, ట్యాబ్‌లు, స్మార్ట్‌వాచ్‌లు, ఇయర్‌బడ్స్, ఇతర గాడ్జెట్స్‌పై మంచి డిస్కౌంట్లు అందిస్తున్నాయి. తాజాగా వన్‌ప్లస్ కంపెనీ, ‘వన్‌ప్లస్ కమ్యూనిటీ సేల్ 2024’ (OnePlus Community Sale) అనౌన్స్ చేసింది. ఈ ఆఫర్లలో స్మార్ట్‌ఫోన్లు, ట్యాబ్‌లు, ఇతర ప్రొడక్ట్స్‌ను అతి తక్కువ ధరకు సొంతం చేసుకోవచ్చు. జూన్ 14 వరకు అన్ని ఆన్‌లైన్, ఆఫ్‌లైన్ రిటైల్ స్టోర్స్‌లో ఈ డీల్స్ అందుబాటులో ఉంటాయి. ఆఫర్ల వివరాలు చెక్ చేద్దాం.

వన్‌ప్లస్ ఓపెన్ కంపెనీ నుంచి వచ్చిన ఫోల్డబుల్ ఫోన్. కస్టమర్లు కమ్యూనిటీ సేల్‌లో ఈ ఫ్లాగ్‌షిప్ డివైజ్‌ను ఏకంగా రూ.10,000 డిస్కౌంట్, రూ. 5,000 ఇన్‌స్టంట్ బ్యాంక్ డిస్కౌంట్‌తో సొంతం చేసుకోవచ్చు. అంటే తాజా సేల్‌లో వన్‌ప్లస్ ఓపెన్ కేవలం రూ.1,34,999కి లభిస్తుంది. అలాగే కస్టమర్లు దీని కొనుగోలుపై వన్‌ప్లస్ వాచ్ 2ను ఉచితంగా పొందవచ్చు. ఎక్స్ఛేంజ్ బోనస్‌ కూడా ఉంది.

వన్‌ప్లస్ 12 తాజా సేల్‌లో వన్‌ప్లస్ 12 గ్లేషియల్ వైట్ ఎడిషన్‌ స్మార్ట్‌ఫోన్‌ ధర భారీగా తగ్గింది. ఈ ఫోన్ ధర రూ.64999. అయితే దీనిపై రూ.3,000 డిస్కౌంట్ పొందవచ్చు. అలాగే రూ.2,000 కూపన్ డిస్కౌంట్ కూడా ఉంది. ఈ ఫోన్ కొనేవారికి వన్‌ప్లస్ నో-కాస్ట్ ఈఎంఐ ఆప్షన్ కూడా అందిస్తోంది. రూ.12వేల వరకు ఎక్స్ఛేంజ్ బోనస్‌ కూడా అందుబాటులో ఉంది.

వన్‌ప్లస్ 12R ఈ ఫోన్ అసలు ధర రూ.39,999. అయితే వన్‌ప్లస్ కమ్యూనిటీ సేల్‌లో దీనిపై మంచి డిస్కౌంట్ ఉంది. కంపెనీ ఈ స్మార్ట్‌ఫోన్‌పై రూ. 2000 బ్యాంక్ డిస్కౌంట్, రూ. 2000 కూపన్ డిస్కౌంట్ ప్రకటించింది. నెలకు రూ. 3,000 నో-కాస్ట్ ఈఎంఐ ఆప్షన్, రూ.6,000 ఎక్స్ఛేంజ్ బోనస్ కూడా ఉన్నాయి.

వన్‌ప్లస్ నార్డ్ CE4 ఈ మిడ్‌రేంజ్ ఫోన్‌ తాజా ఆఫర్లలో రూ. 22,999కి లభిస్తుంది. వన్‌ప్లస్ ఈ డివైజ్‌పై రూ. 2,000 బ్యాంక్ డిస్కౌంట్ అందిస్తోంది. రెడ్ కేబుల్ క్లబ్ మెంబర్స్ రూ. 500 బెనిఫిట్స్ పొందవచ్చు. స్టూడెంట్స్ వన్‌ప్లస్ నార్డ్ CE4 ఫోన్‌ కొంటే రూ.500 ఎడిషనల్ డిస్కౌంట్ లభిస్తుంది. కస్టమర్లకు నో-కాస్ట్ ఈఎంఐ ఆప్షన్‌ కూడా ఉంది.