World Cup 2023 :మొన్న ఇంగ్లండ్, నిన్న సౌత్ ఆఫ్రికా...పసికూనలు అదరగొడుతున్నాయి.

SA Vs Ned World Cup 2023: నెదర్లాండ్స్...చాలా చిన్న జట్టు. పెద్దగా ఎప్పుడూ ఆడింది లేదు. అసలు ఈ టీమ్‌ ఇప్పటివరకు టెస్ట్ క్రికెట్‌కు అర్హతనే సాధించలేదు. కానీ నిన్నటి మ్యాచ్‌లో మాత్రం అదర్లాండ్స్ అనిపించింది. మంచి ఫామ్‌లో ఉండి, టైటిల్ ఫేవరెట్ల జట్లలో ఉన్న సౌత్ ఆఫ్రికాను (South Africa) ఓడించి తమ ఖాతాలో చిరస్మరణ విజయాన్ని వేసుకుంది. నెదర్లాండ్స్ (Netherlands) కు ఈ టోర్నీలో ఇదే మొదటి గెలుపు. ఓవరాల్‌గా ప్రపంచకప్‌లలో అయితే మూడోది.

సౌత్ ఆఫ్రికా, నెదర్లాండ్స్‌కు నిన్న ఢిల్లీలో మ్యాచ్ జరిగింది. వర్ణం కారణంగా మ్యాచ్‌ను 43 ఓవర్లకు కుదించారు. డచ్ జట్టు మొదట బ్యాటింగ్ చేసింది. ఆ టీమ్ కెప్టెన్ స్కాట్ ఎడ్వర్డ్ (Scott Edwards) 78 పరుగులు చేయడంతో 43 ఓవర్లలో నెదర్లాండ్స్ 8 వికెట్ల నష్టానికి 245 పరుగులు చేసింది. సఫారీ టీమ్‌లో ఇంగిడి, మార్కో జన్సెన్, రబాడ చెరో 2 వికెట్లు తీసుకోగా...కొయెట్జీ, కేశవ్ మహరాజ్ చెరో వికెట్ తీసుకున్నారు.

Also Read: గాజా ఆసుపత్రిలో పేలిన బాంబు, 500మంది మృతి

తర్వాత 246 పరుగుల లక్ష్య ఛేదనతో సౌత్ ఆఫ్రికా బరిలోకి దిగింది. అయితే నెదర్లాండ్స్ బౌలర్లు అందరూ రాణించడంతో సఫారీ జట్టు 42.5 ఓవర్లలో ఆల్ అవుట్ అయి 207 పరుగులు మాత్రమే చేసి ఓటమిని సొతంత చేసుకుంది. డచ్ టీమ్‌లో లొగాన్ వాన్ బీక్ 3/60 , పాల్ వాన్ బీక్ 2/40 , వాన్ డర్ మెర్వ్ 2/34 , బాస్ డీ లీడ్ 2/36, అకెర్‌మెన్ 1/16 వికెట్లు తీసి జట్టును విజయతీరాలకు చేర్చారు.

View this post on Instagram

A post shared by ICC (@icc)

నెదర్లాండ్స్ చేతిలో సౌత్ ఆఫ్రికా ఓడిపోవడం ఇదేమీ మొదటిసారి కాదు. 2020 టీ 20 వరల్డ్‌కప్‌లోనే (World Cup) సఫారీ టీమ్‌కు డచ్ టీమ్ షాకిచ్చింది. అప్పుడు కూడా 13 పరుగుల తేడాతో సౌత్ ఆఫ్రికాను మట్టికరిపించింది.