ఏకంగా 600 మంది హాలీవుడ్ నటులు.. 2 దేశాల టెక్నీషియన్స్.. కన్నప్పపై మోహన్ బాబు ఊహించని అప్డేట్స్!

Mohan Babu: టాలీవుడ్ హీరో, మా అధ్యక్షుడు మంచు విష్ణు డ్రీమ్ ప్రాజెక్ట్ కన్నప్ప. ఈ సినిమా 90 రోజుల మొదటి షెడ్యూల్ ఘాటింగ్ న్యూజిలాండ్ లో పూర్తిచేసుకుంది. కన్నప్ప మూవీపై నటుడు మోహన్ బాబు ఊహించని అప్డేట్స్ ను సోషల్ మీడియాలో షేర్ చేసుకున్నారు. 'న్యూజిలాండ్ లో 600 మంది హాలీవుడ్, మరియు భారతదేశంలోని అతిరధ మహారధులైన నటీనటులతో, థాయిలాండ్ మరియు న్యూజిలాండ్ సాంకేతిక నిపుణులతో, విష్ణు మంచు కథానాయకుడిగా నిర్మిస్తున్న చిత్రం 'కన్నప్ప'. 90 రోజుల మొదటి షెడ్యూల్ న్యూజిలాండ్ లోని అద్భుతమైన లొకేషన్స్ లో ఆ పరమేశ్వరుడు, షిర్డీ సాయినాథుని ఆశీస్సులతో అనుకున్నది అనుకున్నట్టుగా దిగ్విజయంగా షూటింగ్ పూర్తి చేసుకుని భారతదేశానికి తిరిగి వస్తున్నాం' అంటూ ట్విట్టర్ లో పోస్ట్ చేశారు.

న్యూజిలాండ్ లో 600 మంది హాలీవుడ్, మరియు భారతదేశంలోని అతిరధ మహారధులైన నటీనటులతో, థాయిలాండ్ మరియు న్యూజిలాండ్ సాంకేతిక నిపుణులతో, విష్ణు మంచు కథానాయకుడిగా నిర్మిస్తున్న చిత్రం 'కన్నప్ప'. 90 రోజుల మొదటి షెడ్యూల్ న్యూజిలాండ్ లోని అద్భుతమైన లొకేషన్స్ లో ఆ పరమేశ్వరుడు, షిర్డీ… pic.twitter.com/llUmLqV4xK

— Mohan Babu M (@themohanbabu) December 23, 2023

కన్నప్ప మూవీలో హీరోగా నటిస్తున్న మంచు విష్ణు భారీ బడ్జెట్ తో ఈ సినిమాను నిర్మిస్తున్న విషయం తెలిసిందే. ఈ సినిమాలో పెద్ద ఎత్తున స్టార్ కాస్టింగ్ ను చూపించబోతున్నాడు. మంచు మంచు విష్ణు కెరీర్ లో ఇప్పటివరకు వచ్చిన చిత్రాల బడ్జెట్ తో పోల్చితే రెండు మూడు రెట్టు అధికంగా ఉంటుందని అంటున్నారు. కన్నప్ప మూవీ కోసం దాదాపు 175 కోట్ల బడ్జెట్ రూపొందించడం చర్చనీయాంశంగా మారింది.