Guntur Kaaram OTT Release: మాటల మాంత్రికుడు త్రివిక్రమ్ (Trivikram) దర్శకత్వంలో మహేష్ బాబు (Mahesh Babu), శ్రీలీల, మీనాక్షి చౌదరి జంటగా నటించిన లేటెస్ట్ చిత్రం గుంటూరు కారం. భారీ అంచనాల నడుమ జనవరి 12 న విడుదలైన ఈ చిత్రం మొదటి రోజు నుంచే మిక్స్డ్ టాక్ సొంతం చేసుకుంది. రమణ పాత్రలో ఫుల్ లెంగ్త్ మాస్ క్యారెక్టర్ లో కనిపించారు మహేష్ బాబు. మదర్ సెంటి మెంట్, మాస్ యాక్షన్ తో ప్రేక్షకులను ఆకట్టుకుంది. ముఖ్యంగా మహేష్ బాబు మాస్ డాన్స్, ఫైట్స్, పర్ఫామెన్స్ తో దుమ్ములేపారు. సినిమాలో మహేష్ బాబు పాత్ర హైలెట్ గా ఉన్నప్పటికీ.. ఓవరాల్ టాక్ మాత్రం మిక్స్డ్ గా వినిపించింది. థియేటర్స్ లో ప్రేక్షకులను అలరించిన గుంటూరు కారం ఓటీటీలో సందడి చేయడానికి సిద్దమవుతుంది.

గుంటూరు కారం ఓటీటీ రిలీజ్

తాజాగా దీనికి సంబంధించి ఓ లేటెస్ట్ అప్డేట్ బయటకు వచ్చింది. ప్రముఖ ఓటీటీ సంస్థ నెట్ ఫ్లిక్స్ (Netflix) గుంటూరు కారం స్ట్రీమింగ్ హక్కులను దక్కించుకున్నట్లు సమాచారం. సినిమా విడుదలైన 28 రోజుల్లో ఓటీటీ స్ట్రీమింగ్ కు తెచ్చేలా మేకర్స్ తో నెట్ ఫ్లిక్స్ ఒప్పందం ఒప్పందం చేసుకున్నట్లు తెలుస్తోంది. దీంతో గుంటూరు కారం స్ట్రీమింగ్ డేట్ పై అంచనాలు వెలువడుతున్నాయి. ఈ సినిమా ఫిబ్రవరి రెండవ వారంలో 9 న ఓటీటీలో వచ్చే ఛాన్సెస్ అధికంగా ఉన్నాయి. ఇది సాధ్యం కాకపోతే 16న స్ట్రీమింగ్ కానున్నట్లు తెలుస్తోంది.

Also Read: Anudeep Movie : అనుదీప్ మూవీలో “సప్త సాగరాలు దాటి” .. రుక్మిణి వసంత్ హీరోయిన్ గా

గుంటూరు కారం చిత్రంలో మీనాక్షి చౌదరి, శ్రీలీల (Sreeleela) కథానాయికలుగా నటించారు. సినిమాలో శ్రీలీల మాస్ డాన్స్ తో విజిల్స్ వేయించారు. రమ్యకృష్ణ మహేష్ బాబు తల్లిగా ప్రేక్షకులను మెప్పించారు. జయరాం, జగపతిబాబు, మురళి శర్మ, ప్రకాష్ రాజ్, రావు రమేష్, ఈశ్వరి రావు, వెన్నెల కిషోర్ ప్రధాన పాత్రల్లో కనిపించారు. హారిక, హాసిని క్రియేషన్స్ బ్యానర్ పై రాధాకృష్ణ ఈ సినిమాను నిర్మించారు. టాప్ మ్యూజిక్ డైరెక్టర్ ఎస్.ఎస్. థమన్ సంగీతం అందించారు.

Also Read: ఆ మూడు నెలలు మెగా ఫ్యాన్స్ కు పండగే.. వరుసగా మెగా సినిమాల సందడి