Eyebrows: సన్నటి కనుబొమ్మలతో ఇబ్బంది పడుతున్నారా..ఇలా చేస్తే మందంగా పెరుగుతాయి

Eyebrows: కళ్లు, కనుబొమ్మలు ఆకర్షణీయంగా ఉంటే ముఖం మరింత అందంగా కనిపిస్తుంది. కనుబొమ్మలు మందంగా, నల్లగా ఉంటే ముఖ సౌందర్యం మెరుస్తుంది. కనుబొమ్మలు మందంగా, ఆరోగ్యంగా పెరగడానికి కొన్ని చిట్కాలను పాటించాలి. ఆలివ్ ఆయిల్ కనుబొమ్మల పెరుగుదలకు చాలా బాగా సహాయపడుతుంది. ఇందులో ఉండే విటమిన్లు ఎ, ఇ, ఇతర పోషకాలు జుట్టుకు అవసరమైన బలాన్ని అందిస్తాయి. జుట్టు రాలకుండా నిరోధిస్తాయి. అందువల్ల ప్రతిరోజూ రెండు చుక్కల ఆలివ్ నూనెను కనుబొమ్మలకు రాసి మసాజ్ చేయడం వల్ల మంచి ఫలితాలు వస్తాయని నిపుణులు అంటున్నారు. 

ఆముదం నూనె..

కొబ్బరినూనె కండిషనర్, మాయిశ్చరైజర్‌గా పనిచేస్తుంది. ఈ నూనెలోని విటమిన్ E, ఐరన్, యాంటీ ఆక్సిడెంట్లు, కొవ్వు ఆమ్లాలు ఆరోగ్యకరమైన జుట్టు పెరుగుదలను ప్రోత్సహించడంలో సహాయపడతాయి. రాత్రి పడుకునే ముందు కనుబొమ్మలను కొద్దిగా కొబ్బరి నూనెతో మసాజ్ చేయడం వల్ల మంచి ఫలితాలు ఉంటాయి. ప్రతిరోజూ పడుకునే ముందు కనుబొమ్మల చుట్టూ కొద్ది మొత్తంలో ఆముదం నూనెను రాయండి. ఇలా చేయడం వల్ల కనుబొమ్మలు మందంగా పెరుగుతాయి. బాదం నూనెలో విటమిన్ ఇ పుష్కలంగా ఉంటుంది. ఈ బాదం నూనెతో క్రమం తప్పకుండా కొంత సమయం పాటు మసాజ్ చేయండి. మరుసటి రోజు ఉదయం చల్లటి నీటితో ముఖాన్ని కడగాలి. ఇలా క్రమం తప్పకుండా చేయడం వల్ల కనుబొమ్మలు మందంగా, ఆరోగ్యంగా పెరుగుతాయని నిపుణులు అంటున్నారు. 

ఇది కూడా చదవండి: వారానికి 150 నిమిషాలు.. ఇలా చేయండి.. మీ మెదడు కత్తిలా షార్ప్‌!

రాత్రిపూట నానబెట్టిన మెంతులను పేస్ట్‌లా తయారు చేసి ఉదయం కనుబొమ్మలపై అప్లై చేయండి. ఇలా చేయడం వల్ల కొన్ని రోజుల్లోనే ఫలితాలు కనిపిస్తాయని చెబుతున్నారు. అదేవిధంగా కనుబొమ్మలపై నిమ్మకాయను రుద్దడం వల్ల ఆ ప్రాంతంలో జుట్టు పెరుగుతుంది. ఉల్లిపాయల్లో సల్ఫర్ ఎక్కువగా ఉంటుంది. అందువల్ల ఇది రక్త ప్రసరణను ప్రేరేపిస్తుంది. కనుబొమ్మల చుట్టూ ఉల్లిపాయ రసాన్ని క్రమం తప్పకుండా పూయడం వల్ల అవి మందంగా పెరుగుతాయి. ఒక చిన్న గిన్నెలో పాలు తీసుకుని అందులో దూదిని ముంచి కనుబొమ్మల చుట్టూ అప్లై చేయండి. ఇలా పదే పదే చేయడం వల్ల కొన్ని రోజుల్లో కనుబొమ్మలు మందంగా పెరుగుతాయి. ఈ చిట్కాలతో పాటు ప్రతిరోజూ పుష్కలంగా నీరు తాగండి. దీనివల్ల శరీరం నుండి విష పదార్థాలు తొలగిపోవడమే కాకుండా రక్త ప్రసరణ కూడా మెరుగుపడుతుందని నిపుణులు సలహా ఇస్తున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: బట్టలపై టీ మరకలు పోవాలంటే ఇలా శుభ్రం చేయండి

(eyebrows-shape | eyebrows-this | latest-news | telugu-news)