Life Style: ఒకరిని తాకినప్పుడు చిన్నపాటి విద్యుత్ షాక్‌లా అనిపించడం చాలా మందికి జరగే సాధారణ అనుభవం. చేతులు కలిపినప్పుడు, డోర్ హ్యాండిల్ పట్టుకున్నప్పుడు ఒక్కసారిగా షాక్ కొట్టినట్లుగా అనిపిస్తుంది. అయితే ఇది హానికరమైనదేమీ కాదు. కానీ ఇదెలా జరుగుతుందో మీకు తెలుసా?

ఇది "స్టాటిక్ ఎలక్ట్రిసిటీ" వల్ల జరుగుతుంది. అంటే, కొన్ని వస్తువుల ఉపరితలంపై సహజంగానే ఎలక్ట్రిక్ చార్జ్ ఉండడం వల్ల ఇలా షాక్ కొడుతుంది. ఉదాహరణకు, కార్పెట్ మీద సాక్స్ వేసుకుని నడిచినప్పుడు మన శరీరం పై ఉండే ఎలక్ట్రాన్లను అది గ్రహిస్తుంది. ఆ ఎలక్ట్రాన్లే విద్యుత్ చార్జ్ రూపంలో మారి మరొకరు దానిని తాకినప్పుడు షాక్ కొట్టిన భావనని కలిగిస్తాయి. 

ఇది కూడా చూడండి: Actor Darshan Arrest: జడ్జి కుమారుడిపై దాడి.. నటుడు & బిగ్ బాస్ ఫేం కంటెస్టెంట్‌ అరెస్టు

చలికాలంలో ఎక్కువగా  ఎందుకు?

చలికాలంలో వాతావరణం చాలా పొడిగా ఉంటుంది. దీని వల్ల మన శరీరంపై చార్జ్ నిల్వవుతుంది. అందుకే చలికాలంలో స్టాటిక్ ఎలక్ట్రిసిటీ ఎక్కువగా అనిపిస్తుంది.

ఆరోగ్యానికి ప్రమాదమా?

ఈ చిన్న షాక్‌లు ఆరోగ్యానికి హానికరం కావు. కేవలం ఒక అసౌకర్యాన్ని కలిగిస్తాయి. కానీ కొన్ని సందర్భాల్లో, ఉదాహరణకు విద్యుత్  ఎగిసిపడే చోట లేదా సున్నితమైన ఎలక్ట్రానిక్ పరికరాల దగ్గర ఇది ప్రమాదంగా మారవచ్చు. అందుకే కొన్ని పరిశ్రమలు స్టాటిక్ ఎలక్ట్రిసిటీకి గట్టి జాగ్రత్తలు తీసుకుంటాయి.

తగ్గించడానికి ఏం చేయాలి?

• తేమ కలిగిన మాయిశ్చరైజర్‌ని వాడటం
   
• గదిలో హ్యూమిడిఫయర్ పెట్టడం
   
• కాటన్ బట్టలు వేసుకోవడం (నైలాన్, పాలిస్టర్ వంటివి నివారించాలి)
   
• ఇంట్లో పాదరక్షలు లేకుండా నడవడం

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

 latest-news | life-style | telugu-news

ఇది కూడా చదవండి: భద్రాచలంలో కన్నుల పండుగగా శ్రీరామ నవమి.. భారీగా తరలివచ్చిన భక్తులు