Mobile Tariff : జియో.. ఎయిర్‌టెల్ కస్టమర్లకు ఎలర్ట్.. ఛార్జీలు పెరుగుతున్నాయ్!

SIM Card Holders Alert : రిలయన్స్ జియో(Reliance Jio), ఎయిర్‌టెల్(Airtel) కస్టమర్లకు చేదువార్త. నిజానికి, ఈ  రెండు కంపెనీలు త్వరలో 5G సర్వీసుల  ఛార్జీలను పెంచబోతున్నాయి. దీని వల్ల వినియోగదారులు గతంలో కంటే ఎక్కువ డబ్బు చెల్లించాల్సి వస్తుంది. Jio -  Airtel  2024 సంవత్సరంలో  ప్రీమియం కస్టమర్ల కోసం తమ అపరిమిత 5G డేటా ప్లాన్‌లను తీసివేయవచ్చు. 4G కంటే 5G సర్వీసులకు కనీసం 5-10% ఎక్కువ ఛార్జీ విధించవచ్చు.

విశ్లేషకుల అభిప్రాయం ప్రకారం, రెండు టెలికాం కంపెనీలు ఛార్జీలు(Mobile Tariff) పెంచడం ద్వారా అధిక పెట్టుబడి- అధిక కస్టమర్ సముపార్జన ఖర్చుల మధ్య తమ RoCE (మూలధనంపై రాబడి)ని మెరుగుపరచాలనుకుంటున్నాయి. అందుకే 2024 సెప్టెంబర్ త్రైమాసికంలో మొబైల్ టారిఫ్‌లను కనీసం 20% పెంచవచ్చు. ఎయిర్‌టెల్ -  జియో ఒక సంవత్సరంగా  4G సర్వీస్ ధరతో వినియోగదారులకు 5G సేవలను అందిస్తున్నాయి. ఈ ఆఫ‌ర్‌తో క‌స్ట‌మ‌ర్ల‌ను ఆక‌ట్టుకుంటున్నాయి. కానీ ఇప్పుడు ఇందులో మార్పులు చేయాల‌ని కంపెనీలు ప్లాన్ చేస్తున్నాయి. వాస్తవానికి, రెండు కంపెనీలు దేశవ్యాప్తంగా తమ 5G సేవలను ప్రారంభించడంతో పాటు లాభాలు(Mobile Tariff) పెంచుకోవడం పై  దృష్టి సారించాయి.

Also Read: Gold Rate: మళ్ళీ బంగారం ధరల మోత.. ఈరోజు ఎంత పెరిగిందంటే.. 

5G ప్లాన్ ప్రారంభంతో మరింత డేటా అందుబాటులో ఉంటుంది. Jefferies Richter చెబుతున్న దాని  ప్రకారం, Jio -  Airtel 5G కవరేజ్ పూర్తయిన వెంటనే అపరిమిత 5G డేటాను అందించడాన్ని నిలిపివేయవచ్చు. అలాగే, సెకండాఫ్‌లో కొత్త 5G ప్లాన్‌ని తీసుకురావచ్చు. కస్టమర్లను ఆకర్షించడానికి, ఈ కంపెనీలు 5G ప్లాన్‌లలో 30 నుంచి 40 శాతం ఎక్కువ డేటాను అందించగలవు. దీంతో వినియోగదారుల సంఖ్య పెరుగుతుందని అంచనా.

ప్రస్తుతం ఈ రెండు కంపెనీలు 4జి ధరల్లోనే 5జీని అందిస్తూ వస్తున్నాయి. దీంతో రెండు కంపెనీలకు కస్టమర్ బేస్ ఎక్కడ తగ్గకుండా నిలిచింది. కానీ, ఇప్పుడు 5జీ కోసం ప్రత్యేకమైన ధరలు తీసుకురావాలని అనుకుంటున్నారు. రెవెన్యూ పెంచుకోవడమే లక్ష్యంగా త్వరలోనే ధరలను పెంచే అవకాశం ఉందని ఇండస్ట్రీ నిపుణులు చెబుతున్నారు. 

Watch this interesting video :