Tesla Share Fall : టారిఫ్‌ల విషయంలో అమెరికా అధ్యక్షుడు డొనాల్డ్ ట్రంప్‌ను, టెస్లా సీఈవో డోజ్‌ సారథి ఎలాన్‌ మస్క్‌ వ్యతిరేకించారు. అంతేకాదు టారిఫ్‌లపై వెనక్కు తగ్గాలని కూడా కోరాడు. చైనా దిగుమతులపై కొత్త టారిఫ్‌లు విధించడంపై ఆయన వ్యతిరేకించడమే కాకుండా ఒత్తిడి తీసుకువచ్చే ప్రయత్నం చేశారని తెలుస్తోంది. అయితే ఎలాన్‌ మస్క్‌ చేసిన ప్రయత్నాలేవీ ట్రంప్‌ వద్ద పనిచేయలేదంటూ వాషింగ్‌ టన్‌ పోస్ట్‌ తాజా రిపొర్టులో స్పష్టం చేసింది. ట్రంప్ ఈ విజ్ఞప్తిని పట్టించుకోలేదని.. ఈ టారిఫ్‌లు అమెరికా ఫస్ట్ విధానంలో భాగమని స్పష్టం చేసినట్లు తెలిపింది. గతంలో చైనా దిగుమతులపై ట్రంప్‌ 34 శాతం టారిఫ్‌లను విధించగా,  ఇప్పుడు ఏకంగా 50 శాతం టారిఫ్‌లను విధించారు.

Also Read: ఆ నిర్ణయం వెంటనే వెనక్కి తీసుకోండి..లేదంటే...చైనాకు ట్రంప్ హెచ్చరికలు!

దీని వల్ల పరోక్షంగా.. ఎలాన్ మస్క్‌కు, టెస్లాకు నష్టం వాటిల్లుతోంది. మరోవైపు.. టారిఫ్‌ల వల్ల అమెరికన్ కంపెనీలకే ఎక్కువ నష్టం జరుగుతుందని మస్క్ మిత్రుడు జో లాన్స్‌డేల్ అభిప్రాయపడ్డారు. వ్యాపారవేత్తల బృందం ట్రంప్ ప్రభుత్వంతో చర్చలు జరుపుతోంది. ట్రెజరీ సెక్రటరీ స్కాట్ బెస్సెంట్ ద్వారా ట్రంప్‌ను ఒప్పించాలని చూస్తున్నారు. రాజకీయాల్లో మస్క్.. ట్రంప్‌కు మద్దతు తెలిపినప్పటికీ, ఇప్పుడు టారిఫ్‌ల విషయంలో విభేదిస్తున్నారు. ట్రంప్ విధానాలను విమర్శిస్తున్నారు. ఐరోపా, అమెరికా టారిఫ్‌లు లేని వాణిజ్యం వైపు అడుగులు వేయాలని మస్క్ ఆకాంక్షించారు. సరిహద్దులు దాటి ప్రజలు స్వేచ్ఛగా తిరిగేలా చూడాలని, ముఖ్యంగా నైపుణ్యం కలిగిన కార్మికులకు అవకాశం కల్పించాలని కోరారు. టెస్లాకు చైనా, అమెరికాలో తయారీ యూనిట్లు ఉన్నాయి. టారిఫ్‌ల వల్ల కంపెనీ ఆదాయంపై ప్రభావం పడుతుంది.

Also Read: తెగ తాగేసిన మందు బాబులు..గతేడాది కంటే తెలంగాణలో భారీగా పెరిగిన మద్యం అమ్మకాలు!

ట్రంప్ టారిఫ్స్ దెబ్బకు టెస్లా కంపెనీకి గడ్డుకాలం నడుస్తోంది. టెస్లా కంపెనీకి చైనా, అమెరికాలో తయారీ యూనిట్లు ఉన్నాయి. టారిఫ్‌ల వల్ల కంపెనీ ఆదాయంపై ప్రభావం పడుతుంది. ఇటీవల టెస్లా కార్ల అమ్మకాలు తగ్గిపోయాయి. దీంతో షేర్ ధర కూడా భారీగా పతనం అవుతోంది. ఒకానొక సమయంలో 480 డాలర్లుగా ఉన్న షేర్ ధర, ఇప్పుడు 230 డాలర్లకు పడిపోయింది. ఈ ఏడాది ప్రారంభం నుంచి చూస్తే టెస్లా షేర్ విలువ 38 శాతం కంటే ఎక్కువ తగ్గింది. ఇక టెస్లాలో మెజార్టీ వాటా ఉన్న మస్క్ సంపద కూడా భారీగా తగ్గుతోంది. ఈ ఏడాదిలోనే ఇప్పటివరకు 135 బిలియన్ డాలర్ల సంపద పతనమైంది. భారత కరెన్సీలో చూస్తే ఇది రూ. 11 లక్షల కోట్లకుపైగానే ఉంటుంది. ఇదే క్రమంలో.. ఆయన సంపద 300 బిలియన్ డాలర్ల దిగువకు చేరింది. 2024 నవంబర్ తర్వాత తొలిసారి ఈ మార్కు దిగువకు పడిపోవడం గమనార్హం. ప్రస్తుతం మస్క్ సంపద బ్లూమ్‌బెర్గ్ బిలియనీర్స్ ఇండెక్స్ ప్రకారం చూస్తే 298 బిలియన్ డాలర్లుగా ఉంది. భారత కరెన్సీలో ఇది రూ. 25 లక్షల కోట్ల కంటే ఎక్కువే ఉంటుంది.

Also Read: పోలీసులకు లొంగిపోయిన 26 మంది మావోయిస్టులు