/rtv/media/media_files/2026/04/26/fotojet-2026-04-26-12-06-42.jpg)
Donald Trump- accused
Follow Us
Donald Trump : వాషింగ్టన్ హిల్టన్ హోటల్లో జరిగిన కాల్పుల ఘటనపై అమెరికా అధ్యక్షుడు డొనాల్డ్ ట్రంప్ అత్యంత ధైర్యంగా స్పందించారు. ఈ దాడి తనను భయపెట్టలేదని, తన విధి నిర్వహణలో ఎదురయ్యే ముప్పుల గురించి తనకు పూర్తి అవగాహన ఉందని ఆయన స్పష్టం చేశారు.
— Rapid Response 47 (@RapidResponse47) April 26, 2026
ఈ ఘటనకు సంబంధించి ట్రంప్ పలు కీలక అంశాలను వెల్లడించారు. "నేను భయపడే రకం కాదు" అని ట్రంప్ తెగేసి చెప్పారు.కాల్పుల ఘటన తర్వాత శ్వేతసౌధంలో మీడియాతో మాట్లాడిన ట్రంప్, తనకు పొంచి ఉన్న ముప్పుల గురించి మార్కో రూబియో, పీట్ హెగ్సెత్ వంటి నేతలు ముందే హెచ్చరించారని తెలిపారు. కాల్పులు జరిగినప్పటికీ, భయపడి వెనక్కి తగ్గకుండా అదే హోటల్లో డిన్నర్ను కొనసాగిస్తానని ట్రంప్ సీక్రెట్ సర్వీస్ బలగాలతో వాదించారు. అయితే పరిస్థితి తీవ్రతను దృష్టిలో ఉంచుకుని సీక్రెట్ సర్వీస్ బృందాలు ఆయనకు నచ్చజెప్పి అక్కడి నుండి సురక్షితంగా తరలించాయి.
పోలీసుల దర్యాప్తులో నిందితుడికి సంబంధించిన సంచలన విషయాలు వెలుగులోకి వచ్చాయి: నిందితుడిని కాలిఫోర్నియాలోని టోరెన్స్కు చెందిన కోలో టామోస్ అలెన్ (31) గా గుర్తించారు. ఇతడు వృత్తిరీత్యా ఒక టీచర్ అని తెలుస్తోంది. అతడి వద్ద ఒక పవర్ఫుల్ షాట్ గన్, పలు రకాల కత్తులు ఉన్నట్లు ట్రంప్ ధృవీకరించారు. నిందితుడు హోటల్లోనే గెస్ట్గా బస చేయడం గమనార్హం. భద్రతా బలగాలు అతడిని అదుపులోకి తీసుకోగా, ఇప్పటికే కాలిఫోర్నియాలోని అతడి అపార్ట్మెంట్ను అధికారులు తమ స్వాధీనంలోకి తీసుకున్నారు.
ఈ దాడి నేపథ్యంలో అధ్యక్షుడి భద్రతపై ట్రంప్ కొన్ని ఆసక్తికర వ్యాఖ్యలు చేశారు. గతంలో ఎన్నడూ లేని విధంగా ఇప్పుడు తనకు అత్యున్నత స్థాయి భద్రత అవసరమని ఆయన పేర్కొన్నారు. వైట్హౌస్లో తగినంత స్థలం ఉన్న బాల్రూమ్ ఉండటం ఎంత అవసరమో ఈ ఘటన నిరూపించిందని ఆయన అభిప్రాయపడ్డారు. కాల్పుల్లో ఒక సీక్రెట్ సర్వీస్ ఏజెంట్ గాయపడినట్లు ట్రంప్ విచారం వ్యక్తం చేశారు.: రద్దయిన ఈ 'కరస్పాండెంట్స్ డిన్నర్' మీటింగ్ను మరో 30 రోజుల్లో తిరిగి నిర్వహించనున్నట్లు ట్రంప్ ప్రకటించారు. ట్రంప్ స్వయంగా నిందితుడి ఫొటోను విడుదల చేసి, తనపై జరిగిన దాడుల్లో ఇది మొదటిదేమీ కాదని పునరుద్ఘాటించారు."నా పదవి ప్రమాదాలతో కూడుకున్నదని తెలుసు, కానీ అమెరికా ప్రజల కోసం నేను పోరాడుతూనే ఉంటాను" అని ట్రంప్ తన ప్రసంగాన్ని ముగించారు.ప్రస్తుతం వాషింగ్టన్ డీసీలో హై అలర్ట్ కొనసాగుతోంది. నిందితుడికి ఏవైనా ఉగ్రవాద సంస్థలతో సంబంధాలు ఉన్నాయా అనే కోణంలో దర్యాప్తు జరుగుతోంది.
