Guntur kaaram trailer : సూపర్ స్టార్ మహేష్ , త్రివిక్రమ్ కాంబోలో వస్తోన్న గుంటూరు కారం థియేట్రికల్ ట్రైలర్ రిలీజయింది. మిర్చీ యార్డులో రౌడీ రమణ గా మహేష్ బాబు చెలరేగిపోయాడు .“చూడంగానే మజా వచ్చిందా.. హార్ట్ బీట్ పెరిగిందా.. ఈల వేయాలనిపించిందా” అంటూ సూపర్ స్టార్ మహేష్ బాబు చెప్పిన డైలాగ్స్ లో అన్ని ఎమోషన్స్ ఉన్నట్లే ట్రైలర్ కూడా దుమ్మురేపేశాడు. ఊర మాస్ లుక్లో అదరగొట్టిన మహేష్ బాబు.. ఫ్యాన్స్ కు ఈ సంక్రాంతికి ముందే అసలు సిసలు ట్రీటిచ్చాడని చెప్పొచ్చు. కేవలం మాస్ అంశాలనే కాకుండా త్రివిక్రమ్ స్టైల్ ఎమోషన్స్ కూడా రంగరించి ట్రైలర్ రిలీజ్ చేశారు. "మీరు మీ పెద్దబ్బాయిని.. అనాథలాగా వదిలేశారని అంటున్నారు. దానికి మీరు ఏమంటారు” అని రమ్యకృష్ణను ఓ రిపోర్టర్ అడగడంతో ట్రైలర్ ఆరంభం అయింది.

రౌడీ రమణ సినిమా స్కోప్ 70 ఎంఎం

గుంటూరు యార్డులో మిర్చీల యంబియన్స్లో  బీడీ తాగుతూ రెడ్ కలర్ జీప్ నుంచి మహేశ్ దిగే షాట్ నెక్స్ట్ లెవెల్ లో ఉంది. త్రివిక్రమ్ గతంలో ఎన్నడూ ఈ రేంజ్ మాస్ సినిమా చేయలేదనే చెప్పొచ్చు . రౌడీ రమణ సినిమా స్కోప్ 70 ఎంఎం అంటూ రావు రమేష్ మహేష్ క్యారక్టర్ కు ఇచ్చిన ఎలివేషన్ మాములుగా లేదు. ట్రైలర్ చూస్తుంటే పొలిటికల్ మార్క్ కొట్టొచ్చినట్లుకనిపిస్తుంది.

"వాడొక బ్రేకుల్లేని లారీ”

శ్రీలీల వెంట మహేష్ బాబు తిరిగే సీన్లు చాలా ఫన్ పుట్టించాయి. వెన్నెలకిషోర్ , మహేష్ బాబు మధ్య వచ్చే డైలాగ్స్ ఎంటర్టైన్మెంట్ గా సాగాయి. “చింపేసుకుంటారా.. వేసుకొని చింపుకుంటారా.. ఎక్కడ చింపాలో.. ఎంత కనపడాలో వాటి యవ్వారమే వేరండి” అంటూ శ్రీలీల చిరిగిన జీన్స్ చూస్తూ మహేష్ బాబు చెప్పే డైలాగ్ కి థియేటర్లో నవ్వులు పూయడం ఖాయం. . ఈ మూవీలో మహేష్ ను ఉద్దేశించి "వాడొక బ్రేకుల్లేని లారీ” అంటూ ప్రకాష్ రాజ్ డైలాగ్ లానే మహేష్ పాత్ర అలానే తీర్చిదిద్దారు. ఇక.. మదర్ సెంటిమెంట్ పుష్కలంగా ఉన్నట్లు ఆ పాత్రకు రమ్యకృష్ణ జీవం పోసినట్లు ట్రైలర్ లో చెప్పకనే చెప్పారు.‘ఎప్పుడో చిన్నప్పుడు కొట్టాల్సిన అమ్మ ఇప్పుడు పిలిపించి ఇస్త్రీ చీర వేసుకొని మరీ కొడుతోంది రా’ అంటూ మహేశ్ చెప్పే డైలాగ్ హార్ట్ కు కనెక్ట్ అయ్యేవిధంగా చాలా ఎమోషనల్‍గా ఉంది.

2 నిమిషాల 47 సెకన్ల నిడివితో ట్రైలర్ 

అవుట్ అండ్ అవుట్ మాస్ యాక్షన్ ఎంటరైన్మెంట్ తో సాగిన ఈ ట్రైలర్ చూస్తుంటే రౌడీ రమణ గాడు చెలరేగిపోయాడు అనే రేంజ్ లో ఉంది. “రమణ గాడు.. నీ లైఫ్ ఒక మిరకిల్ రా బాబు” అనే డైలాగ్‍తో ఎండ్ అయిన గుంటూరు కారం ట్రైలర్ 2 నిమిషాల 47సెకన్ల నిడివితో ఇంటెన్స్ మాస్ యాక్షన్ డ్రామాగా తెరకెక్కుతోందని అర్ధమవుతోంది. అయితే ట్రైలర్లో ఎక్కడా స్టోరీ రివీల్ చేయకపోవడం త్రివిక్రమ్ స్పెషాలిటీ. ఇక.. సినిమాటోగ్రఫీ విషయానికి వస్తే స్టన్నింగ్ విజువల్స్ ,వీటికి తోడు థమన్ బ్యాక్ గ్రౌండ్ స్కోర్ గూస్ బంప్స్ తెప్పించాయి. ఈ జనవరి 12 న సంక్రాంతికి రిలీజ్ కానున్న గుంటూరు కారం థియేటర్స్ లో ఎన్ని సంచలనాలు సృష్టిస్తుందో చూడాలి.

ALSO READ: గుంటూరులో గుంటూరు కారం ప్రీ రిలీజ్ ఈవెంట్ ? ..మరి కాసేపట్లో ట్రైలర్ రిలీజ్