Fire Accident in Ayyappa Shopping Mall: కామారెడ్డిలో (Kamareddy) జిల్లా కేంద్రంలోని అయ్యప్ప షాపింగ్‌ మాల్‌లో భారీ అగ్నిప్రమాదం చోటుచేసుకుంది. బుధవారం అర్థరాత్రి 11.30 గంటలకు ఒక్కసారిగా మంటలు చెలరేగాయి. దీంతో క్రమంగా షాపింగ్ మాల్‌ నాలుగంతస్తుల వరకు మంటలు వ్యాపించాయి. ఈ ప్రమాదంలో షాపింగ్‌ మాల్‌లో ఉన్న సామాగ్రి కాలిపోయింది. అక్కడి స్థానికుల సమాచారం మేరకు అగ్నిమాపక సిబ్బంది హుటాహుటీనా ఘటనాస్థలానికి చేరుకున్నారు. మంటలను అదుపు చేసేందుకు ప్రయత్నిస్తున్నారు. ఉదయం 7 గంటల వరకి రెండు అంతస్తుల్లో ఉన్న మంటలను అదుపులోకి తీసుకొచ్చారు. కానీ మరో రెండతస్తుల్లో మంటలు ఇంకా అదుపులోకి రాలేదు. దీంతో చుట్టుపక్కల పరిసర ప్రాంతాలు భయాందోళనకు గురవుతున్నారు. ఈ ప్రమాదంలో కోట్లాది రూపాయల ఆస్తి నష్టం జరిగి ఉండొచ్చని అధికారులు అంచనా వేస్తున్నారు. అయితే ఈ అగ్నిప్రమాదం ఎలా జరిగింది అనే దానిపై ఇంకా స్పష్టత లేదు. ప్రస్తుతం దీనిపై పోలీసులు విచారణ చేస్తున్నారు. షాపింగ్ మాల్‌లో ఎవరూ లేకపోవడంతో పెను ప్రమాదం తప్పింది.

Also Read: మేడిగడ్డ బ్యారేజ్‌ను మళ్లీ పరిశీలించాల్సిన అవసరం ఉంది: జాతీయ డ్యాం సేఫ్టీ అథార్టీ