మద్యం మత్తులో ఎమ్మార్వో కుమారుడి డ్రైవింగ్...యువకుడు మృతి

హైదరాబాద్ లో దారుణం జరిగింది. చైతన్యపురి పోలీస్ స్టేషన్ పరిధిలో రాజీవ్ గాంధీ నగర్ కమాన్ దగ్గర రోడ్డు ప్రమాదం జరిగింది. ప్రమాదానికి గురైన కారు చౌటుప్పల్ ఎమ్మార్వో హరిక్రుష్ణ పేరుతో ఉంది. ఈ ఘటనలో యువకుడు ప్రాణాలు కోల్పోయాడు. ఎల్బీనగర్, ఉప్పల్ రోడ్డులో వేగంగా దూసుకుపోతున్న కారు రాజీవ్ గాంధీ కమాన్ ను బలంగా ఢీ కొట్టింది. ఈ ఘటనలో కారులో ఉన్న ఏడుగురు యువకులకు తీవ్రగాయాలయ్యాయి.

హైదరాబాద్ లో ర్యాష్ డ్రైవింగ్ ఓ యువకుడి ప్రాణాన్ని బలిగొంది. చైతన్యపురి పోలీస్ స్టేషన్ పరిధిలో ఈ రోజు తెల్లవారుజామున కారు బీభత్సం స్రుష్టించింది. ఈ ఘటనలో విశాల్ అనే యువకుడు మరణించాడు. కారులో ఉన్న ఏడుగురికి తీవ్రగాయాలయ్యాయి. ప్రమాద సమయంలో చౌటుప్పల్ ఎమ్మార్వో కుమారుడు సాయి కార్తీక్ డ్రైవ్ చేస్తున్నారని సమాచారం. ప్రమాదంలో గాయపడిన యువకులను గాంధీ ఆసుపత్రికి తరలించారు. సాయి కార్తీక్ తోపాటు మరో ఇద్దరు యువకులను కొత్తపేటలోని ఓమ్నీ ఆసుపత్రికి తరలించారు. ప్రమాదం తీవ్రస్ధాయిలో ఉండటంతో కారు పూర్తిగా ధ్వంసమైంది. కారులోని యువకులకు తీవ్ర గాయాలవ్వడంతో అందరూ అపస్మారక స్థితిలో ఉన్నారు. గాయపడిన వారిలో పలువురి పరిస్థితి విషమంగా ఉన్నట్లు సమాచారం. చైతన్యపురి పోలీసులు కేసు నమోదు చేసుకుని దర్యాప్తు చేస్తున్నారు.

ఇది కూడా చదవండి:  పది, ఐటీఐ అర్హతతో ఎన్‌ఆర్‌ఎస్‌సీలో టెక్నీషియన్‌ ఉద్యోగాలు..జీతం రూ. 60వేల పైనే..!!