పండుగలు వస్తున్నాయంటే అందరూ ఎదురూ చూసేది ఎలక్ట్రానిక్‌ వస్తువుల మీద డిస్కౌంట్ల కోసమే. నిన్నటి వరకు దసరా పండుగ రోజులు గడిచాయి..దాంతో పాటు ఎన్నో ఫోన్లు మీద, బెస్ట్ మొబైల్స్‌ మీద ఆఫర్లు రావడంతో వినియోగదారులు ఎందరో తమకు కావాల్సిన మొబైల్స్ ని తీసుకున్నారు.

ఈ సమయంలోనే దీపావళి మంచి మంచి ఆఫర్లతో వచ్చేసింది. కొత్త ఫోన్‌ కొనాలనుకునే వారు ఈ ఆఫర్లను సద్వినియోగం చేసుకోవచ్చు. ఏఏ కంపెనీలు ఎంతేంత ఆఫర్లు ఇస్తున్నాయో ఇప్పుడు చూద్దాం...

ఐ ఫోన్‌ 15 సిరీస్‌

యాపిల్‌ కంపెనీ దీపావళి సందర్భంగా ప్రత్యేక ఆఫర్లతో ముందుకు వచ్చేసింది. కొన్ని ఎంపిక చేసిన బ్యాంకు కార్డులతో కొనుగోలు చేస్తే ఇన్‌స్టంట్‌ క్యాష్‌ బ్యాక్‌ ఆఫర్స్ తీసుకోవచ్చు. ఐ ఫోన్‌ ప్రో, 15 ప్రో మ్యాక్స్ మోడళ్ల పై రూ. 6 వేలు, ఎస్‌ఈ పై రూ. 2 వేలు క్యాష్‌ బ్యాక్‌ లభిస్తుంది. పాత స్మార్ట్‌ ఫోన్స్‌ పై రూ. 67,800 వరకు ఎక్స్చేంజ్ ఆఫర్‌ కూడా పొందవచ్చు.

ఒప్పో స్మార్ట్‌ ఫోన్స్‌

ఫోల్డబుల్‌ ఫోన్‌ ఒప్పో ఫైండ్‌ ఎన్‌ 3 ప్లిప్‌ ఇప్పుడు 94 , 999 కే అందుబాటులో ఉంది. దీపావళికి రూ. రూ.12 వేల వరకు క్యాష్‌ బ్యాక్‌ రూ. 8 వేల ఎక్స్చేంజ్‌ బోనస్‌ తో కంపెనీ దీన్ని అందిస్తుంది. ఒప్పో రెనో 10ప్రో+ 5G, ఒప్పో రెనో10 ప్రో, ఒప్పో రెనో 10, ఒప్పో A79 5G వంటి ఇతర మోడల్స్ అతి తక్కువ ధరకు లభిస్తున్నాయి.

షియోమీ, రెడ్‌మీ

ఎంపిక చేసిన మోడల్స్ పై 50 శాతం వరకు డిస్కౌంట్‌ అందిస్తున్నాయి. రెడ్ మీ నోట్‌ 12 ప్రో 5జీ ఫోన్‌ ఈ దీపావళి ఆఫర్లో రూ. 17,999 డిస్కౌంట్ ధరతో లభిస్తుంది. దీనిపై రూ. 3,000 ఎక్స్ఛేంజ్ కూడా పొందవచ్చు. రెడ్‌మీ ఏ2 ను రూ.5,299 ధరకే సొంతం చేసుకోవచ్చు.

వివో స్మార్ట్‌ఫోన్స్..

వివో ఎక్స్ 90 సిరీస్‌పై రూ10,000, వివో వీ29 సిరీస్‌పై రూ.4000 వరకు క్యాష్‌బ్యాక్ ఆఫర్స్ ఉన్నాయి. పాత వివో ఫోన్లపై రూ. 8,000 వరకు ఎక్స్ఛేంజ్ బోనస్‌ను సొంతం చేసుకోవచ్చు. కొన్ని ఎంపిక చేసిన కార్డుల పై ఈ ఆఫర్లను పొందవచ్చు.

వన్‌ప్లస్ మోడల్స్..

నార్డ్ 3 5Gపై రూ. 3,000, నార్డ్ సీఈ3 5Gపై రూ. 2,000 డిస్కౌంట్స్‌తో సొంతం చేసుకోవచ్చు. ఇక, వన్‌ప్లస్ 11R 5G, వన్‌ప్లస్ 11R 5G సోలార్ రెడ్ వంటి మోడల్స్ కూడా రూ. 2,000 డిస్కౌంట్ తర్వాత తగ్గింపు ధరతో అందుబాటులో ఉన్నాయి.