Jana Nayagan:  తమిళ సూపర్ స్టార్ దళపతి విజయ్  ఆఖరి చిత్రం 'జన నాయగన్' మూవీ  విడుదల తేదీని ఎట్టకేలకు ప్రకటించారు మేకర్స్. వచ్చే ఏడాది పొంగల్ కానుకగా జనవరి 14, 2026న  ఈ చిత్రం ప్రేక్షకుల ముందుకు రానుంది.  తమిళం, తెలుగు మరియు హిందీ భాషలలో గ్రాండ్ గా విడుదల కానుంది. 'జన నాయగన్' విజయ్ చివరి ఫిల్మ్ కావడంతో అభిమానులు ఆసక్తిగా ఎదురుచూస్తున్నారు. కెవిఎన్ ప్రొడక్షన్స్‌ పై నిర్మిస్తున్న మొదటి పాన్ ఇండియా చిత్రమిది. ఇందులో పూజా హెగ్డే,  బాబీ డియోల్,  గౌతమ్ వాసుదేవ్ మీనన్,  ప్రియమణి, ప్రకాష్ రాజ్, నరేన్, మమిత బైజు కీలక పాత్రలు పోషిస్తున్నారు. హెచ్ వినోద్ ఈ చిత్రానికి దర్శకత్వం వహిస్తున్నారు. అనిరుద్ రవిచంద్రన్ సంగీతం అందిస్తున్నారు.

Adiyum othaiyum kalanthu vechu vidiya vidiya virundhu vecha.. #JanaNayaganPongal 🔥

09.01.2026 ❤️#JanaNayaganFromJan9#Thalapathy @actorvijay sir #HVinoth @thedeol @prakashraaj @menongautham #Priyamani @itsNarain @hegdepooja @_mamithabaiju @anirudhofficial @Jagadishbliss… pic.twitter.com/hIhBlFWVzg

— KVN Productions (@KvnProductions) March 24, 2025

రాజకీయాల్లో బిజీ

ఈ సినిమా తర్వాత విజయ్ రాజకీయాల్లో బిజీ కాబోతున్నారు. తాను కొత్తగా స్థాపించిన తమిళగ వెట్రీ కజగం (టీవీకే) పార్టీ నుంచి 2026 తమిళనాడు ఎన్నికల్లో పోటీ చేసేందుకు సిద్దమవుతున్నట్లు సమాచారం. ఫిబ్రవరిలో జరిగిన ఒక ర్యాలీలో కూడా విజయ్ ఈ విషయాన్ని ధ్రువీకరించారు. తాను రాజకీయాలపై దృష్టి పెట్టాలనుకుంటున్నానని, ప్రజల సంక్షేమానికి కట్టుబడి ఉండాలని కోరుకుంటున్నానని ఆయన పునరుద్ఘాటించారు.

ఇదిలా ఉంటే రీసెంట్ గా విజయ్  'గ్రేటెస్ట్ ఆఫ్ ఆల్ ది టైం' సినిమాతో ప్రేక్షకుల ముందుకు వచ్చారు. గతేడాది విడుదలైన ఈ చిత్రం ఊహించిన స్థాయిలో ఆకట్టుకోలేకపోయింది. వెంకట్ ప్రభు దర్శకత్వం వహించిన ఈమూవీలో త్రిష, మీనాక్షి చౌదరీ, స్నేహ, ప్రభుదేవా ప్రధాన పాత్రలో నటించారు.  

ఇది కూడా చూడండి: SSMB 29 Updates: అలాంటి సాహసం ఎప్పుడూ చేయలేదు.. SSMB 29 పై రాజమౌళి ఇంట్రెస్టింగ్ అప్‌డేట్