మెగా ప్రిన్స్ వరుణ్ తేజ్ ఒక భారీ హిట్ కోసం ప్రయత్నిస్తున్నాడు. ఇందులో భాగంగానే వరుస సినిమాలు చేస్తున్నాడు. కానీ ఆశించిన స్థాయిలో ఫలితం అందుకోలేకపోతున్నాడు. ఎప్పుడో 2019లో గద్దలకొండ గణేష్ సినిమాతో మంచి హిట్ అందుకున్నాడు. ఆ తర్వాత ఇప్పటి వరకు ఒక్క హిట్ కూడా అందుకోలేకపోయాడు. ఆ సినిమా తర్వాత గని, గాండీవధారి అర్జున, ఆపరేషన్ వాలెంటైన్ వంటి సినిమాలు చేశాడు. కానీ ఈ సినిమాలేవి పెద్దగా హిట్ కాలేకపోయాయి. అయినా ఎప్పుడూ ఆత్మవిశ్వాసం కోల్పోలేదు. ఇందులో భాగంగానే ఇటీవల మరో కొత్త కథకు గ్రీన్ సిగ్నల్ ఇచ్చాడు. 

‘పలాస 1978’ మూవీ ఫేం కరుణ కుమార్ దర్శకత్వంలో ‘మట్కా’ మూవీ చేస్తున్నాడు. పాన్ ఇండియా రేంజ్‌లో తెరకెక్కుతోన్న ఈ సినిమాపైనే వరుణ్ ఆశలు పెట్టుకున్నాడు. మట్కా మూవీతో భారీ హిట్ కొట్టి మళ్లీ ఫాంలోకి రావాలని చూస్తున్నాడు. ఈ సినిమా కోసం భాగా హార్డ్‌వర్క్ చేస్తున్నాడు. దర్శకుడు కరుణ కుమార్ ఈ చిత్రాన్ని అత్యంత ప్రతిష్టాత్మకంగా రూపొందిస్తున్నాడు. 

ఇది కూడా చదవండి: 'నీతో ఇక బ్రేకప్..' జెనిలియాకు భర్త రితీశ్‌ మెసేజ్.. అసలేం జరిగింది?

అలాగే ఈ చిత్రానికి విజేందర్ రెడ్డి తీగల, రజనీ తాళ్లూరి కలిసి నిర్మిస్తున్నారు. ఎన్నో సినిమాల్లో అందచందాలతో కుర్రకారు మనసు దోచుకున్న నటి మీనాక్షి చౌదరి ఇందులో హీరోయిన్‌గా నటిస్తుంది. ప్రస్తుతం ఈ మూవీ షూటింగ్ శరవేగంగా జరుగుతోంది. ఇప్పటికే ఈ మూవీ నుంచి విడుదలైన పోస్టర్లు సినీ ప్రియుల్లో సరికొత్త ఆసక్తిని రేకెత్తించాయి. కాగా ఇటీవల విడుదలైన పోస్టర్ మాత్రం మరింత బజ్ క్రియేట్ చేసింది. అందులో వరుణ్ రెండు విభిన్న గెటప్‌లో కనిపించి హైప్ పెంచేశాడు. 

మట్కా టీజర్ రిలీజ్ డేట్

ఇలా పోస్టర్లతోనే అంచనాలు పెంచేసిన మూవీ యూనిట్ తాజాగా అదిరిపోయే అప్డేట్ అందించింది. ఇందులో భాగంగా మూవీ టీజర్‌ రిలీజ్ డేట్ అనౌన్స్ చేస్తూ మేకర్స్ సర్‌ప్రైజ్ అందించారు. ఈ సినిమా టీజర్‌ను అక్టోబర్ 5న రిలీజ్ చేస్తున్నట్లు అఫీషియల్‌గా వెల్లడించారు. ఈ మేరకు ఓ పోస్టర్ రిలీజ్ చేశారు. అందులో వరుణ్ పిస్టల్ పట్టుకుని కనిపిస్తున్నాడు. ఈ అప్డేట్‌తో మెగా అభిమానులు ఫుల్ ఖుష్ అవుతున్నారు. ఇకపోతే ఈ సినిమా అన్ని పనులు పూర్తి చేసుకుని నవంబర్ 14న గ్రాండ్ లెవెల్లో రిలీజ్ కానుంది.

#MatkaTeaser pic.twitter.com/9EfdiCAVer

— Varun Tej Konidela (@IAmVarunTej) October 3, 2024

Also Read :  రజినీ ఫ్యాన్స్ కు గుడ్ న్యూస్.. ఇంటికి చేరిన తలైవా