Theaters : ఈ వారం థియేటర్లలో చిన్న సినిమాలదే హవా.. మొత్తం ఎన్నంటే?

ఈ వారం చిన్న సినిమాలదే హవా. థియేటర్లలో పలు చిన్న చిన్న చిత్రాలు సందడి చేయడానికి సిద్ధంగా ఉన్నాయి. దసరా తర్వాత వస్తున్న ఈ సినిమాలు చూసేందుకు అంతా రెడీగా ఉన్నారు. మరి ఏ ఏ సినిమాలు రిలీజ్ కాబోతున్నాయో ఇప్పుడు తెలుసుకుందాం. 

Also Read:  బండారు దత్తాత్రేయ కాన్వాయ్‌ కి ప్రమాదం..!

‘వెనమ్: ది లాస్ట్ డ్యాన్స్’

హాలీవుడ్‌ చిత్రాలంటే ఇండియన్స్‌కు పిచ్చి. అందులోనూ మార్వెల్ మూవీస్‌లో అంటే చెప్పలేనంత ఇష్టం. అదే కోవలోనే వచ్చింది ‘వెనమ్‌’. ఈ మూవీ నుంచి వచ్చిన రెండు పార్టులు సూపర్ డూపర్ రెస్పాన్స్ అందుకున్నాయి. ఇప్పుడు వాటికి కొనసాగింపుగా మూడో పార్టు వచ్చేస్తుంది. ‘వెనమ్: ది లాస్ట్ డ్యాన్స్’ రిలీజ్‌కు సిద్ధమైంది. ఈ చిత్రం అక్టోబరు 24న ఇంగ్లీష్‌, తెలుగు, హిందీ భాషల్లో విడుదల కానుంది. 

Also Read: తెలంగాణలో బిహార్ ముఠా చోరీలు.. ఏపీలో తెలంగాణ పోలీసుల కాల్పులు 

పొట్టేల్

అందాల నటి అనన్య నాగళ్ల, యువ చంద్ర కృష్ణ కలిసి జంటగా నటించిన కొత్త సినిమా ‘పొట్టేల్’. ఈ సినిమా నుంచి ఇప్పటికే వచ్చిన టీజర్, ట్రైలర్‌లు బాగా అలరించాయి. ఇప్పుడు ఈ చిత్రం రిలీజ్‌కు సిద్ధమైంది. అక్టోబర్ 25న ప్రేక్షకుల ముందుకు రానుంది. 

Also Read: 2027లోనే జమిలి ఎన్నికలు.. సిద్ధమవుతున్న కేంద్ర ప్రభుత్వం !

లగ్గం

సాయిరోనక్, ప్రగ్యా నగ్రా హీరో హీరోయిన్లుగా తెరకెక్కుతోన్న కొత్త చిత్రం ‘లగ్గం’. తెలంగాణ ప్రాంతంలో జరిగే పెళ్లి నేపథ్యంలో ఈ సినిమా సాగుతుంది. ఇందులో రాజేంద్రప్రసాద్, ఎల్బీ శ్రీరామ్, సప్తగిరి, కృష్ణుడు, రోహిణి, రఘుబాబు సహా మరింతమంది కీలక పాత్రలు పోషించారు. ఇప్పటికే ఈ చిత్రం నుంచి విడుదలైన పోస్టర్లు, టీజర్‌, ట్రైలర్‌కు విశేష స్పందన వచ్చింది. అన్ని పనులు పూర్తి చేసుకున్న ఈ సినిమా అక్టోబరు 25న గ్రాండ్ లెవెల్లో విడుదల కానుంది. ఈ చిత్రానికి రమేశ్ చెప్పాల దర్శకత్వం వహించాడు. 

రోటి కపడా రొమాన్స్‌

విక్రమ్‌ రెడ్డి దర్శకత్వంలో తెరకెక్కుతోన్న కొత్త చిత్రం ‘రోటి కపడా రొమాన్స్‌’. అక్టోబర్ 25న ఈ సినిమా రిలీజ్ కానుంది. ఇందులో సందీప్‌ సరోజ్, హర్షా నర్రా, సుప్రజ్‌ రంగా, తరుణ్, సోనూ ఠాకూర్, మేఘా లేఖ,  ఖుష్బూ చౌదరి, నువ్వేక్ష హీరో హీరోయిన్‌లుగా నటిస్తున్నారు. 

Also Read:  Prabhas మూవీలో హీరోయిన్ ఛాన్స్.. ఎట్టకేలకు నోరు విప్పిన కరీనా కపూర్

నరుడి బ్రతుకు నటన

రిషికేశ్వర్‌ యోగి దర్శకత్వంలో తెరకెక్కుతోన్న చిత్రం ‘నరుడి బ్రతుకు నటన’. శివకుమార్‌ రామచంద్రవరపు, శ్రుతిజయన్‌, నితిన్‌ ప్రసన్న, వైవా రాఘవ, ఐశ్వర్య అనిల్‌ కుమార్‌ ప్రధాన పాత్రల్లో నటిస్తున్నారు. ఈ చిత్రం అక్టోబరు 25న ప్రేక్షకుల ముందుకు రానుంది.