Devara : 'దేవర' లో ఆ సాంగ్ కు డ్యాన్స్ కంపోజ్ చేశా.. ఎన్టీఆర్ డ్యాన్స్ నెక్స్ట్ లెవెల్ లో ఉంటుంది : కొరియోగ్రాఫర్ బాస్కో

Choreographer Bosco Martis: ప్రముఖ కొరియోగ్రాఫర్‌ బాస్కో మార్టిస్‌ జూనియర్ ఎన్టీఆర్ పై (Jr NTR)ప్రశంసలు కురిపించారు. ఎన్టీఆర్ తో పనిచేయడం తనకు ఎంతో గౌరవంగా భావిస్తున్నానని, ఆయన ఒక అద్భుతమైన నటుడు, అద్భుతమైన మనిషి అని అన్నారు."ఎన్టీఆర్ తో పనిచేయడం నా జీవితంలో ఒక గొప్ప అనుభవం. ఆయన ఒక అద్భుతమైన నటుడు, ఆయన డ్యాన్స్‌ పట్ల ఎంతో అభిరుచి కలిగి ఉన్నారు. సెట్‌లో ఆయన చాలా ఎనర్జిటిక్‌గా ఉండేవారు, చుట్టూ ఉన్న వారందరినీ ఉత్సాహంగా ఉంచేవారు" అని అన్నారు.

ఎన్టీఆర్ తో 'దేవర' సినిమాలో (Devara Movie) పనిచేసిన అనుభవాలను కూడా బాస్కో మార్టిస్‌ గుర్తుచేసుకున్నారు. "ఆ సినిమాలో ఒక పాట కోసం ఎన్టీఆర్ తో కలిసి డ్యాన్స్‌ చేయడం నాకు చాలా గర్వంగా ఉంది. 'దేవర' లో ఓ సాంగ్ కు డ్యాన్స్ కంపోజ్ చేశా. అందులో క్లిష్టమైన స్టెప్పుల్లేవు. చాలా సింపుల్‌గా కంపోజ్‌ చేశా. ఎన్టీఆర్‌ స్వీట్‌ డ్యాన్స్‌ అదిరిపోతుంది. మీరంతా తప్పక ఎంజాయ్‌ చేస్తారు" అని అన్నారు.

Also Read : ‘బహిష్కరణ’ లో ఇంటిమేట్ సీన్స్ చేయడంపై అంజలి కామెంట్స్.. చాలా ఇబ్బంది పడ్డానంటూ!

అంతేకాకుండా ఎన్టీఆర్ లాంటి ఒక గొప్ప వ్యక్తితో కలిసి పనిచేయడానికి నాకు అవకాశం లభించినందుకు నేను చాలా కృతజ్ఞుడ్ని అంటూ తారక్ పై ప్రశంశల వర్షం కురిపించారు. ఇక బాస్కో మార్టిస్ట్ విషయానికొస్తే.. తెలుగులో ‘శ్రీమంతుడు’, ‘ధ్రువ’ తదితర చిత్రాల్లోని పాటలకు కొరియోగ్రఫీ చేశారు. మళ్ళీ చాలాకాలం తర్వాత తెలుగులో 'దేవర'కు వర్క్‌ చేశారు. త్వరలోనే ఆ పాట రిలీజ్‌ కానుంది.