Weight Loss Tips : చలికాలంలో ఎర్ర ముల్లంగి(Red Radish) తీసుకోవడం వల్ల ఎన్నో అద్భుతమైన ప్రయోజనాలు ఉన్నాయి. హైబీపీ(High BP) ని తగ్గించడంతో పాటు బరువును కూడా తగ్గించుకోవచ్చు. ఎర్ర ముల్లంగిలో ఎన్నో పోషకాలు ఉన్నాయి. విటమిన్‌ ఎ,బి,సీ,ఈ(Vitamin A, B, C, E) తో పాటు కాల్షియం, పొటాషియం, యాంటీ ఆక్సిడెంట్ గుణాలు ఎక్కువగా ఉంటాయి. ఇది తక్కువ కేలరీల కంటెంట్‌ను కలిగి ఉంటుంది. శీతాకాలంలో అనేక రకాల కూరగాయలు అందుబాటులో ఉంటాయి. అయితే ఎర్ర ముల్లంగి అనేది ఆరోగ్యానికి చాలా మేలు చేస్తుంది. మనం దీన్ని ఆహారంలో ఎలాగైనా భాగం చేసుకోవచ్చు. కావాలంటే సలాడ్ రూపంలో తినొచ్చు. అంతే కాకుండా టర్నిప్ జ్యూస్ కూడా తాగవచ్చు.

అధిక రక్తపోటుకు

• అధిక రక్తపోటు రోగులకు ఎర్ర ముల్లంగి చాలా ఉపయోగకరంగా ఉంటుంది. ఇందులో ఉండే నైట్రేట్ ఆరోగ్యానికి అనేక విధాలుగా మేలు చేస్తుంది. హైబీపీని కంట్రోల్‌ చేస్తుంది. అంతేకాకుండా రక్తంలోని ప్లేట్‌లెట్స్ ఒకదానితో ఒకటి అంటుకోకుండా దోహదం చేస్తుంది.

కళ్లకు మేలు చేస్తుంది

• ఎర్ర ముల్లంగిలో యాంటీ ఆక్సిడెంట్లు అధికంగా ఉంటాయి. ఇందులో ఉండే ల్యూటిన్ మన కళ్లకు మేలు చేస్తుంది. దీన్ని తినడం వల్ల కళ్లు ఆరోగ్యంగా ఉంటాయి.

బరువు తగ్గిస్తుంది

• బరువు తగ్గించడానికి(Weight Loss) ఎర్ర ముల్లంగి ఎంతో సహాయపడుతుంది. దీన్ని తినడం వల్ల జీవక్రియ పెరుగుతుంది. ఇందులో ఉండే లిపిడ్ శరీరంలో పేరుకుపోయిన కొవ్వులను తగ్గిస్తుంది.

జీర్ణక్రియకు ప్రయోజనకరం

• ఎర్ర ముల్లంగిలో ఫైబర్‌(Fiber) ఎక్కువగా ఉంటుంది. దీన్ని తినడం వల్ల జీర్ణ సమస్యలు దూరమవుతాయి. ఇది ప్రేగు కదలికలను సులభతరం చేస్తుంది, కాబట్టి మీరు మలబద్ధకం నుంచి బయటపడవచ్చు. దీన్ని తినడం వల్ల కూడా చాలా సేపు పొట్ట నిండుగా ఉంటుంది.

గుండె ఆరోగ్యాన్ని ప్రోత్సహిస్తుంది

• ఇందులో విటమిన్ కె(Vitamin K) అధిక మోతాదులో ఉంటుంది. ఇది గుండె ఆరోగ్యానికి చాలా ఉపయోగకరంగా ఉంటుంది. దీన్ని తినడం వల్ల శరీరంలో హిమోగ్లోబిన్ స్థాయి కూడా పెరుగుతుంది.

గర్భిణీ స్త్రీలకు మేలు చేస్తుంది

• ఎర్ర ముల్లంగిలో విటమిన్ B9(Vitamin B9) సంవృద్ధిగా ఉంటుంది. గర్భిణీ స్త్రీ(Pregnant Ladies) లకు ఇది వరం అని చెప్పాలి. ఇది తల్లికి, కడుపులో ఉన్న బిడ్డకు ఎంతో మేలు చేస్తుంది. మీరు తల్లి కాబోతున్నట్లయితే మీ ఆహారంలో ఎర్ర ముల్లంగిని భాగం చేసుకోండి.

ఇది కూడా చదవండి: గొంతులో ఆహారం ఇరుక్కుపోతే టెన్షన్‌ పడవద్దు..ఇలా చేయండి!

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.